blaðið - 21.06.2006, Blaðsíða 4

4IFRÉTTIR
MIÐVIKUDAGUR 21. JÚNÍ 2006 blaðið
Leiðrétting
Af frétt Blaðsins síðastliðinn
mánudag mátti skilja að Stúdenta-
ráð hafi á dögunum mótmælt
áliti Kærunefndar jafnréttismála
vegna ráðningar í stöðu dósents
við tölvunarfræðiskor skólans.
Hið rétta er að Stúdentaráð
sendi frá sér ályktun þar sem
hörmuð eru þau mistök sem áttu
sér stað við umrædda ráðningu,
sem Stúdentaráð telur bakslag í
jafnréttismálum hjá Hl. Skólinn
hafi verið leiðandi í jafnréttis-
málum síðustu árin, og hafi til
að mynda fengið jafnréttisvið-
urkenningu árið 2005. Stúdenta-
ráð var ekki að mótmæla álitinu,
heldur að hvetja stjórnendur
skólans til að bregðast við því og
halda áfram á þeirri góðu braut
sem áður hafi verið mörkuð.
Beðist er velvirðingar á
þessum misskilningi.
Úrvalsvísital-
an hækkaði
Úrvalsvísitalan hækkaði um
1,3% í Kauphöll Islands í gær.
Ekkert félag lækkaði en bréf
Straums Burðaráss hækkuðu
um 4,1%, bréf Össurar um 2,4%,
bréf Dagsbrúnar um 1,4% og bréf
Mosaic Fashions um 1,3%.
Milljarða tjón í Straumsvík
Talið er að tjón vegna raf magnsbilunar í Álverinu í Straumsvík á mánudaginn nemi milljörðum króna. Að sögn Hrannars Péturssonar,
upplýsingafulltrúa Alcan á fslandi, brann rafmagnsbúnaður yfir með þeim afleiðingum að slökkva þurfti á öllum 160 kerjum í einum af
þremur kerskálum álversins.
„Fyrst fór einn spennir og við það hófst keðjuverkun sem varð til þess að þrír spennar brunnu yfir í framhaldi. Á þessu stigi málsins ligg-
ur ekki fyrir hver ástæðan fyrir þessari bilun er. A næstunni verður hinsvegar farið í að reyna að greina það," segir Hrannar.
Ljóst er að mikið tjón hefur orðið í álverinu, en kerin sem slökkva þurfti á skemmdust það mikið að ekki verður hægt að koma þeim aft-
ur í gagnið. Viðgerðir í kerskálanum munu taka langan tíma og því Ijóst að ekki næst full framleiðsla hjá álverinu fyrr en eftir einhverja
mánuði.
Borgin geri
úttekt á stöðu
jafnréttismála
Borgarstjórn Reykjavíkur sam-
þykkti í gær samhljóða, tillögu Svan-
dísar Svavarsdóttur og Árna Þórs
Sigurðssonar Vinstri grænum, um
að láta fara fram úttekt á kynjajafn-
réttismálum hjá Reykjavíkurborg.
Samkvæmt tillögunni sam-
þykkir borgarstjórn að fela mann-
réttindanefnd að láta gera úttekt
á stöðu kynjajafnréttismála hjá
Reykjavíkurborg. „Nefndin afli
upplýsinga um skiptingu kynja í
nefndir og ráð, launakjör starfs-
manna eftir kynjum, verkaskipt-
ingu hjá sviðum og stofnunum
borgarinnar og viðhorf embættis-
manna til kynjajafnréttis á þeim
stofnunum og sviðum sem þeir eru
í forsvari fyrir. Nefndin skili nið-
urstöðum og tillögum til úrbóta
sé þeirra þörf, fyrir lok árs 2006,”
segir í tillögunni.
ItilkynningufráVinstrigrænum
kemur fram að niðurstöður úr
vinnu mannréttindanefndarinnar
séu mikilvægt tæki til að bæta enn
frekar stöðu kynjajafnréttismála
hjá borginni. „Borgarfulltrúar
Vinstri grænna eru afar ánægðir
með breiðan stuðning allra borg-
arfulltrúa við ofangreinda tillögu,“
segir þar ennfremur.
Fórnarlamb á Selfossi
komst naumlega undan
Móðir stúlku sem varð fyrir hrottalegri árás á Selfossi segist þakklát fyrir
að ekki hafi farið verr. Fólk á Selfossi er óttaslegið vegna atburðanna.
Eftir Val Grettisson
Sauma þurfti tuttugu og fjögur spor
í handlegg stúlku sem komst undan
nauðgunartilraun á heimili sínu á
Selfossi í byrjun júní.
Árásin átti sér stað þegar stúlkan
var á leið heim til sín frá skemmti-
staðnum Pakkhúsinu um miðja
nótt. Að hennar sögn elti maður
af erlendum uppruna hana frá
staðnum en hann hafði einnig
verið gestur þar. Þegar stúlkan var
að fara inn á heimili sitt í fjölbýlis-
húsi við Álftarima réðst maðurinn á
hana og reyndi að þröngva henni til
samræðis.
Stúlkan sem er tvítug barðist á
móti en maðurinn greip hníf sem
var á heimilinu og skar hana í and-
lit, handlegg og líkama með þeim af-
leiðingum að sauma þurfti 24 spor í
handlegg og fjögur í andlit.
„Hann læddist inn á eftir henni,“
segir móðir stúlkunnar. Hún segir
að þegar inn hafi verið komið hafi
maðurinn ráðist á hana og reynt
að nauðga henni. Dóttir hennar
barðist um hæl og hnakka með fyrr-
greindum afleiðingum.
„Ég veit ekki hvaða lán vakir yfir
henni en maðurinn hefði hreinlega
geta gengið frá henni,“ segir móðir
hennar, þakklát fyrir að ekki fór
verr.
Maðurinn var með hanska að
sögn móðurinnar og segir hún það
til marks um hversu yfirveguð og
hrikaleg þessi árás var. Ekki er vitað
hvernig stúlkan komst undan árás-
armanninum en móðirinn segir að
hugsanlega hafi komið styggð að
honum.
Fólk á Selfossi slegið óhug
„Hún er flutt aftur til okkar,“ segir
móðir stúlkunnar en hún var nýflutt
á Álftarima þegar árásin átti sér stað.
Stúlkan á barn og segir móðirin að
til allra lukku hafi það verið heima
hjáafaogömmu ípössun.
Hún segir dóttur sína enn afar
skelkaða eftir árásina og ekki bætir
úr skák að maðurinn gengur laus og
lítið virðist vera vitað um afdrif hans.
„Fólk á Selfossi er verulega óttaslegið
vegna þessa,“ segir móðirin.
Sjálf segist hún eiga erfitt með
einbeitingu í vinnunni og er slegin
óhug.
Árásarmaðurinn ófundinn
Vinkonur stúlkunnar komu fyrstar
á vettvang eftir árásina en þá hafði
hún hringt í þær og sagst hafa skorið
sig. Að sögn vinkonu hennar var erf-
itt að skilja hana vegna geðshræring-
arinnar sem hún var í.
Hún segir að þær hafi bankað
hjá henni en enginn svarað þannig
að vinkonurnar ákváðu að spenna
upp glugga til þess að komast inn til
hennar.
„Þetta var það ljótasta sem ég hef
séð,“ segir vinkona stúlkunnar um
aðkomuna. Árásarmaðurinn var þá
farinn á brott en stúlkan var afar
illa haldin þegar vinkonurnar komu
henni til hjálpar.
Maðurinn er enn ófundinn. Lýs-
ing stúlkunnar á honum er sú að
hann sé frekar grannur en sterk-
byggður, um 182 sm á hæð, með stór
augu og dökkbrúnt stuttklippt hár.
Sérstaklega tók hún eftir djúpum
broshrukkum við augu. Maðurinn
var með stórar og breiðar hendur.
Hann talaði lélega ensku, þjóðerni
er óþekkt. Maðurinn var í svörtum,
fráhnepptum frakka sem náði niður
á mið læri, ljósbláum gallabuxum
og í röndóttri dökkri skyrtu.
Lögreglan á Selfossi biður alla sem
geta gefið upplýsingar um manninn
að hringja í síma 480 1010
valur@bladid
Kínverji til tungslins
Long Lehao, einn af yfirmönnum
Kínversku geimferðastofnunar-
innar, lýsti því yfir á mánudag
að stofnunin ætli sér að senda
mann til tungslsins fyrir árið
2024. Long Lehao sagði í viðtali
við dagblað í Hong Kong að geim-
ferðastofnunin hyggist skjóta á
loft ómönnuðu geimfari í mars
eða apríl á sporbaug um tunglið
til þess að rannsaka aðstæður á
yfirborði þess fyrir fyrirhugaða
tunglferð. Hann bætti því við að
Kínverjar hafi loksins tækni- og
efnahagslega getu ásamt mann-
auði til þess
að takast á við
verkefnið.
Kínverjar
hafa undan-
farin ár gert sig
í auknum mæli
gildandi á sviði
geimrannsókna.
Árið 2003 fet-
uðu Kínverjar í fótspor Banda-
ríkjamanna og Sovétmanna og
afrekuðu að senda mann á spor-
baug um jörðu. Þeir endurtóku
svo leikinn í október í fyrra.
Verður þetta
næsti áfangastað-
ur Kínverja?
Ráðherraskipti veikja
pólitíska forystu
Eftir Atla Isleifsson
Óvenju mikið hefur verið um manna-
breytingar í ríkisstjórn íslands á yf-
irstandandi kjörtímabili. Það vekur
upp spurningar um hvort ráðherrar
séu að einhverju leyti veikari og
um leið hvort völd embættismanna
ráðuneytanna aukist að sama skapi.
Gunnar Helgi Kristinsson, prófessor
í stjórnmálafræði, segir að ekki sé
hægt að stilla stjórnmálamönnum
og embættismönnum upp sem and-
stæðum í íslenska kerfinu.
„Æðstu embættismenn og stjórn-
málamenn eru saman í liði. Þeir eru
að vinna saman og ekki að keppa
um völd,“ segir Gunnar Helgi.
Meðal þeirra breytinga sem
gerðar hafa verið á ríkisstjórninni
má nefna að fyrr í mánuðinum tóku
Geir H. Haarde, Valgerður Sverris-
dóttir, Jónína Bjartmarz, Magnús
Stefánsson og Jón Sigurðsson öll við
starfi í nýjum ráðuneytum. Talsvert
hafði verið um mannabreytingar
þar áður á kjörtímabilinu.
Embættismenn hollir
Aðspurður hvort að þetta þýði
aukin áhrif ráðuneytisstjóra segir
Gunnar Helgi að það fari eftir ýmsu.
„Að öðru jöfnu má gera ráð fyrir því
að það taki einhvern tíma fyrir
ráðherra að ná tökum á ráðuneyti
sínu og á meðan má segja að ráðu-
neytið reki sig að vissu leyti sjálft
með sínu fasta starfsliði. Við slíkar
aðstæður ráða þeir mestu sem efst
eru í skipuriti ráðuneytisins, ráðu-
neytisstjórinn þar með talinn.“
Gunnar Helgi telur að íslenskir
embættismenn hafi almennt verið
frekar hollir þeirri stefnu sem rík-
isstjórnin marki hverju sinni, þó
að finna megi einstök dæmi um
annað. „Ég held að embættismenn
vilji gjarnan hafa öfluga ráðherra.
Ráðherrar eru þarna til að taka
erfiðar ákvarðanir. Þeir þurfa að
forgangsraða, móta stefnu til lengri
tíma, skera niður þegar þarf að gera
það og neita ýmsum beiðnum. Þetta
eru þættir sem erfiðara er fyrir emb-
ættismenn að gera. Þegar embættis-
menn þurfa að sækja eitthvað inn
á vettvang ríkisstjórnar eða löggjaf-
arvaldsins, þá eru þeir illa staddir
ef þeir hafa ekki öfluga ráðherra,“
segir Gunnar Helgi.
Vinnur saman
Að sögn Gunnars Helga vinnur
vald stjórnmálamanna og emb-
ættismanna svolítið saman. „Ég
held að það sé engum hagsmunum
þjónað með því að yfirstjórnin sé
veik. Hvorki hagsmunum stjórn-
málamanna, né starfsmanna
ráðuneytanna.“
Gunnar Helgi segir að hin pólit-
íska forysta veikist ef ráðherraskipti
eru oftíð. „Það liggur í hlutarins eðli.
Það er náttúrlega hlutverk hennar að
marka stefnu til lengri tíma og taka
erfiðar ákvarðanir. Það þýðir að sá
hlekkur í lýðræðiskeðjunni veikist
ef mannaskiptin eru of tíð.“
atlii@bladid.net