blaðið - 24.10.2006, Qupperneq 28
40 ÞRIÐJUDAGUR 24. OKTÓBER 2006
blaðið
íþróttir
ithrottir@bladid.net
Defoe bítur frá sér
Enski íþróttamálaráöherrann hefur óskað eftir þvi við enska knattspyrnusambandið að
það rannsaki nánar átök Jermaine Defoe og Argentínumannsins Javier Mascherano i leik
Tottenham og West Ham um helgina. Eftir að Mascherano braut á Defoe virtist sem Defoe
biti Argentínumanninn i handlegginn. Martin Jol, stjóri Tottenham, lýsti atvikinu sem
„glettnu narti“ til að sýna pirring Defoes vegna sífelldra brota West Ham-varnarinnar.
500. leikur Paul Scholes:
Skoraði sitt 132. mark
Paul Scholes lék um helgina
sinn 500. leik með liði sínu,
Manchester United, þegar liðið
sigraði Liverpool nokkuð örugg-
lega í ensku úrvalsdeildinni með
tveimur mörkum gegn engu.
Leikurinn fór fram á heimavelli
Manchester, Old Trafford. Paul
Scholes hélt upp á daginn með
því að skora fyrra mark liðsins á
39. mínútu en þetta var 132. mark
Scholes á ferlinum með United.
Scholes lék sinn fyrsta leik fyrir
aðallið Manchester United þann
21. september 1994, þá tvítugur
að aldri. Alla tíð síðan 1997 hefur
Scholes verið lykilmaður á miðj-
Paul Scholes Skoraði mark í 500.
leik sinum með Manchester United
unni hjá United. Einungis níuleik-
menn liðsins hafa náð því að spila
500 leiki fyrir liðið og bætist Scho-
les í hóp með mönnum á borð
við Denis Irwin, Bobby Charlton,
Ryan Giggs og Gary Neville.
Á allra næstu dögum skýrist
hvort Hafþór Ægir Vilhjálmsson,
knattspyrnumaðurinn efnilegi hjá
IA, semur við sænska fyrstu deildar
liðið Norrköpping eður ei. Norr-
köpping er ekki eina liðið á eftir Haf-
þóri því mörg íslensk lið hafa sýnt
því áhuga að fá Hafþór í sínar raðir
og eru þar á meðal lið eins og Valur,
KR og Islandsmeistarar FH.
Núna standa yfir viðræður á milli
ÍA og Norrköpping um kaup á leik-
manninum og ef liðin ná samkomu-
lagi geta Svíarnir hafið beinar samn-
ingaviðræður við Hafþór. Vilhjálmur
Birgisson, faðir Hafþórs, segir að
ekki sé enn vitað hvers konar samn-
ing Norrköpping hafi i huga en von
var á samingstilboði í gær. Hafþór er
samningsbundinn ÍA til 31. október
og mun því ekkert gerast hér heima
fyrr en að þeim tíma liðnum.
Hafþór, sem hefur verið samnings-
bundinn lA, gerði undir lok nýaf-
staðins tímabils nýjan samning við
liðið sem hafði þá viðbótarklausu
að ef Guðjón Þórðarson yrði ráð-
inn til félagsins gæti Hafþór fengið
lausn frá liðinu. Eftir að Guðjón var
ráðinn til starfa var látið reyna á
þennan samning og 19. október úr-
skurðaði samninga- og félagsskipta-
nefnd KSl að samningurinn skyldi
gilda og Hafþór fær því að fara frá
Skaganum.
Fleiri lið fspilinu
Að undanförnu hefur nafn FH
verið sífellt háværara í umræðunni
um Hafþór og hefur jafnvel heyrst
að FH hafi nú þegar boðið Hafþóri
samning og hafi þá boðið betur en
Norrköpping. Vilhjálmur segir að
ekkert sé til í þeim sögusögnum.
Hann segir að FH hafi sýnt mikinn
áhuga á því að fá Hafþór til sín en
engir samningar séu komnir fram.
„Það er mikill heiður fyrir ungan
leikmann að þrefaldir íslandsmeist-
arar skuli sýna honum áhuga."
Pétur Stephensen, framkvæmda-
stjóri knattspyrnudeildar FH, segir
að þó svo að Hafþór sé frábær
knattspyrnumaður sem myndi
sóma sér vel í liði FH þá hafi liðið
ekki sett sig í samband við leik-
manninn. Pétur bætti þó við að ef
samningar næðust ekki á milli ÍA
og Norrköpping þá myndu flest öll
íslensku liðin reyna að ná Hafþóri
í sitt lið og þá myndu FH-ingar sjálf-
sagt vera í þeim hópi.
Leist vel á aðstæður ytra
Hafþór er nýkominn frá Norr-
köpping þar sem hann var að kynna
sér félagið og leist honum mjög vel
á aðstæður þar. Hjáliðinu erufyrir
sóknarmennirnir Garðar Gunn-
laugsson og Stefán Þórðarson og
segir Hafþór að það myndi hjálpa
honum gífurlega mikið ef hann tæki
þá ákvörðun að fara til Svíþjóðar.
En hann bætir þó við að hann hefði
ekkert á móti því að spila eitt tíma-
bil í viðbót hér heima áður en hann
heldur út í atvinnumennskuna.
Hafþór segir að flestöll liðin í
efstu deild hér heima hafi haft sam-
band við sig og sína aðstandendur
en segir að enn sem komið er hafi
engin ákvörðun verið tekin um
hvert framhaldið verður. Hann seg-
ist ætla að taka sér smá tíma til að
hugsa um hvert framhaldið verði og
taka svo ákvörðun upp úr því.
Það er ljóst að á næstu dögum
skýrist hvort Hafþór heldur til Sví-
þjóðar. En ef svo fer að hann kýs
að fara ekki út í atvinnumennsku
er ljóst að 1. nóvember munu flestöll
liðin í Landsbankadeildinni reyna
að gera sitt besta til að krækja í
þennan eftirsótta leikmann.