blaðið - 28.10.2006, Síða 13

Kraftur til framtíðar
Kæra sjálfstæðisfólk!
Um leið og ég hvet allt sjálfstæðisfólk til að taka þátt í prófkjörinu,
vil ég nota tækifærið og þakka stuðningsfólki mínu fyrir að
reka skemmtilega og jákvæða prófkjörsbaráttu. Jafnframt vil
ég þakka þessum stóra hópi gott og óeigingjarnt starf í þágu
Sjálfstæðisflokksins.
Guðlaugur Þór Þórðarson,
alþingismaður
Við göngum nú til prófkjörs í Reykjavík þar sem við veljum fólk
á framboðslista okkar í vor þegar kosið verður til Alþingis. Við
viljum að leiðtogar Sjálfstæðisflokksins séu í góðum tengslum við
almenning, hafi góðan skilning á aðstöðu fólks í dag og sýn til
að takast á við verkefni framtíðarinnar. Ég býð mig fram í annað
sætið og óska eftir ykkar umboði til að leiða framboðslista okkar í
öðru Reykjavíkurkjördæminu í þeirri hörðu kosningabaráttu, sem
framundan er.