blaðið - 20.01.2007, Qupperneq 16

16 LAUGARDAGUR 20. JANÚAR 2007
blaöið
Mikiö hvassviðri gengur yfir Evrópu:
Tugir farast í veðurofsa
Eftir Atla isleifsson
atlii@bladid.net
Samgöngur úr skoröum Fjöldi látinna kominn í 41
Að minnsta kosti 41 hefur
látið lífið og hundruð slasast í
miklu óveðri sem gengið hefur
yfir Evrópu undanfarna daga.
Almenningur og yfirvöld hafa
viða unnið að því að koma ýmissi
þjónustu og samgöngum 1 samt
lag eftir að mikið hvassviðri
braut niður rafmagnsstaura, reif
upp tré með rótum, skemmdi
byggingar og raskaði flug-, sjó-,
og vegasamgöngum í fjölmörgum
ríkjum álfunnar.
Lestarsamgöngur lágu að
öllu leyti niðri í Þýslalandi
á fimmtudagskvöldið og að
morgni gærdagsins vegna
rafmagnsleysis og trjáa sem
höfðu lagst á teinana. Talsmaður
Þýsku ríkisjárnbrautanna segir
að ástandið hafi aldrei verið
verra en þessa siðustu daga
en lestarsamgöngum hafði að
mestu verið komið á aftur í gær.
Loka þurfti fjölmörgum skólum
í Þýskalandi og víðar vegna
óveðursins, en vindar höfðu ekki
mælst sterkari í Þýskalandi frá
árinu 1999. Tugirþúsundaheimila í
Þýskaland, Póllandi og Austurríki
og meira en milljón heimili bæði
í Póllandi og Tékklandi voru án
rafmagns í óveðrinu.
Flestir þeirra sem létu lífið
í óveðrinu fórust í Bretlandi
og Þýskalandi. Flestir þeirra
fórust í umferðaróhöppum
þar sem mátti rekja orsakir
slysanna til óveðursins. Tveir
slökkviliðsmenn létust í
Þýskalandi, annar eftir að fengið
tré yfir sig og hinn eftir að hafa
fengið hjartaáfall. Þá lést átján
mánaða gamalt barn í Munchen
eftir að hafa fengið svalahurð yfir
sig eftir að hjarirnar rifnuðu af.
Annað ungbarn lést í Lundúnum
eftir að múrveggur hrundi yfir
það á fimmtudaginn.
Þegar leið á gærdaginn voru
flugsamgöngur smám saman að
komast aftur á áætlun í álfunni
eftir að tugþúsundir flugfarþega
höfðu þurft að þola ítrekaðar
tafir. Þá var töluvert um að flugi
væri aflýst í Bretlandi, Þýskalandi,
Austurríki, Tékklandi og
Slóvakíu. Breskir veðurfræðingar
hafa sagt að veðrið hafi ekki
mælst verra í landinu frá árinu
1990. Vindhraðinn mældist hins
vegar mestur í Evrópu á Snezka,
hæsta fjalli Tékklands, eða sextíu
metrar á sekúndu.
I Austurríki brutust út
talsverðir skógareldar þegar
rafmagnslínur rifnuðu upp í
grennd við Salzburg. Þrátt fyrir
að svissnesk yfirvöld hefðu hvatt
íbúa landsins til að halda sigheima
fyrir, sýndi svissneska sjónvarpið
myndir af spennuþyrstum
brimbrettaköppum sem þustu

FJÖLDI LATINNA
í ÓVEÐRI
SÍÐUSTU DAGA:
83 Bretland: 13
™ Þýskaland: 10
ZZ Holland:
_ Pólland: 6
Tékkland: 3
■ 1 Belgia: 2
1 £ Frakkland: 1

um á yfirborði Neuchatel-vatns.
Guðbjörg Sandholt, nemi í
Lundúnum, segist ekki hafa
farið varhluta af versnandi veðri
í Evrópu að undanförnu. „Það er
búið að vera sérstaklega kalt og
hvasst síðustu daga. Regnhlífin
mín fauk til dæmis upp þegar
ég var á leið í skólann i fyrradag.
Sem fslendingur er maður að
sjálfsögðu ýmsu vanur þegar
kemur að veðri, en þegar veðrið
er svona reynir maður bara að
. ■* ; .■ •• • "«•'■ *
halda sig sem mest innandyra."
Guðbjörg segir að fréttir
hafi borist af því í breskum
fjölmiðlum að rúmlega þrettán
manns hafi látið lífið í óveðrinu
á Bretlandseyjum og enn fleiri
á meginlandi Evrópu. „Ég sá að
tré hafði rifnað upp með rótum á
Abbey Road hér í London, sem er í
næsta nágrenni við íbúðina mína.“
Reiknað er með að fari að
draga úr óveðrinu þegar það nær
Úkraínu og Rússlandi.
Illa farin verksmiðja í
Frankfurt Fjölmörgum
skólum var lokað snemma í
Þýskalandi og flugsamgön-
gur röskuðust verulega.
Aðallestarstöðin í Berlfn Loka
þurfti stöðinni eftir aö tveggja
tonna burðarbiti féll fjörutíu metra
niður á tröppur aðalinngangsins.
Tré fjarlægð af götum
Borgarstarfsmenn í Lille i
Frakklandi fjarlægja tré sem
rifnuðu upp með rótum.
: