blaðið - 26.01.2007, Side 10

10 FÖSTUDAGUR 26. JANÚAR 2007
blaðiö
Svarti kassinn fundinn
Áhafnarmeðlimir á bandarísku skipi fundu svarta kass-
ann úr índónesísku flugvélinni sem fórst á nýársdag á
hafsbotni nálægt indónesísku eyjunni Sulawesi í gær.
Fjölmargir hlutar úr braki vélarinnar hafa skolast upp á
strendur eyjarinnar, en 102 fórust í flugslysinu.
fltta ára drengur myrtur
Átta ára drengur lést eftir að hafa verið stunginn
ítrekað með hnífi þegar hann var á leið heim úr
skólanum í Jönköping í Svíþjóð í gær. Tuttugu og
sjö ára karlmaður var handtekinn skömmu eftir
árásina og er hann grunaður um morðið.
Mettap hjá Ford
Bandaríski bílaframleiðandinn Ford Motor hefur
tilkynnt um mettap fyrirtækisins á síðasta ári, að
andvirði 875 milljarða íslenskra króna. Minnkandi
sala á bílum ásamt öðru leiddi til fjögur hundruð
milljarða króna taps á síðasta ársfjórðungi.
Slæmt ástand Stofnaður
hefur verið starfshópur til
að vinna að lausnum vegna
almenningssalerna imið-
borginni.
Almenningssalerm;
Útlitið er slæmt
„Við höfum verið að skoða þetta
og útlitið er mjög slæmt. Mark-
miðið er að taka þessi mál alfarið
í gegn og bjóða upp á fullnægj-
andi aðstöðu,“ segir Baldur Ein-
arsson, verkefnastjóri hjá fram-
kvæmdasviði Reykjavíkurborgar.
Fyrirkomulag almenningssalerna
í miðborg Reykjavíkur er til skoð-
unar í samvinnu við önnur starfs-
svið og hagsmunaaðila. Nýverið
var skipaður starfshópur til að
skoða lausnir varðandi almenn-
ingssalerni, bæði til bráðabirgða
og framtíðar. Sérstaklega er verið
að skoða aðstöðuna í „núllinú',
sem dregur nafn sitt af staðsetn-
inguhni í Bankastræti núll og var
byggt árið 1930. Baldur segir að-
stöðuna þar ófullnægjandi fyrir
ýmsar sakir. „Það skortir mjög á
aðgengi fatlaðra og öryggismálum
er ábótavant þar sem borgarbúar
geta orðið fyrir áreiti. Það er ekki
hægt að bjóða upp á þetta í dag,“
segir Baldur.
Allt á hálfvirði
á stórútsölunni
Opið virka daga frá ki. 10-18
* * ** • Engjateigi 5
• Sími 581 2141
Laugardaga frá kl. 10-16
Utsala
10-50%
afsláttur
tSr
Z-brautir og gluggatjöld
Faxafeni 14 • 108 Reykjavík • S.525 8200
Ný stefna ríkisstjórnarinnar um málefni innflytjenda;
Láta hundrað
milljónirnar nægja
■ Ekki fjallaö um skilyröi vegna dvalar- og atvinnuleyfa
Eftir Hildi Eddu Einarsdóttur
hilduredda@bladid.net
Ríkisstjórnin hefur samþykkt nýja
stefnu í málefnum innflytjenda, þar
sem sett eru fram markmið og til-
greindar leiðir að þeim, til að gera
innflytjendum kleift að aðlagast
íslensku samfélagi. Þetta er í fyrsta
skipti sem heildstæð stefna er sett
fram í málefnum innflytjenda hér á
landi, en henni fylgja þó ekki auknir
fjármunir.
„Síðastliðið haust var ákveðið að
verja 100 milljónum til islensku-
kennslu fyrir fullorðna og eru þeir
fjármunir tilgreindir í fjárlögum
þessa árs. Að öðru leyti er ekki
kveðið á um aukin fjárframlög hér.
Ráðuneytin hafa öll sínar fjárheim-
ildir og eru að vinna að mörgum þess-
ara mála og það er á þeirra ábyrgð að
fylgja því,“ segir Magnús Stefánsson
félagsmálaráðherra.
Mikil áhersla er lögð á íslensku-
kennslu og fræðslu innflytjenda um
réttindi sín og skyldur í íslensku
samfélagi. Ekki er þó fjallað um dval-
arrétt og veitingu ríkisborgararéttar
heldur einungis aðlögun þeirra sem
hingað koma.
Stefnan var unnin af innflytj-
endaráði, sem skipað var full-
trúum dómsmálaráðuneytisins,
menntamálaráðuneytisins, félags-
málaráðuneytisins, heilbrigðis- og
tryggingamálaráðuneytisins og
Sambandi íslenskra sveitarfélaga
auk Tatjönu Latinovic sem var full-
trúi innflytjenda. Á blaðamanna-
fundi í félagsmálaráðuneytinu, þar
sem stefnan var kynnt, kom fram
að hún boðaði ekki byltingu í mál-
efnum innflytjenda heldur væri í
henni verið að skerpa á áherslum
og staðfesta ýmis atriði sem þegar
væru komin til framkvæmda.
„Margt af þessu er staðfesting á
því sem þegar er við lýði auk þess
sem markmiðið er að stefna að
einföldun stofnanaflórunnar og
miðlun upplýsinga,11 segir Jóhann
Jóhannsson, fulltrúi dómsmálaráð-
herra í innflytjendaráði.
Ein af þeim leiðum sem til-
greindar eru í stefnunni til miðl-
unar upplýsinga er aukið framboð
upplýsinga um íslenskt samfélag
á erlendum tungumálum, bæði í
sérstökum bæklingum og á Net-
inu. Ekki er þó tekið fram yfir
á hversu mörg tungumál slíkar
upplýsingar verða þýddar. „Það
er vitaskuld ekki verið að tala
um öll þau tungumál sem inn-
flytjendur hér á landi hafa sem
móðurmál. En væntanlega mun
fjölmennasti málhópurinn njóta
forgangs,“ segir Kristín Jónsdóttir,
fulltrúi menntamálaráðherra í
innflytjendaráði.
Einar Skúlason hjá Alþjóðahúsi:
Skref í rétta átt
„Þessi stefna er yfirgripsmeiri og nær yfir fleiri svið
en ég átti von á,“ segir Einar Skúlason, fram-
kvæmdastjóri Alþjóðahúss, og segir stefnuna vera
gott byrjunarskref. „Mér finnst það góður árangur
hjá félagsmálaráðherra að ná að sameina áherslur
nokkurra ráðuneyta og fá ríkisstjórn til að sam-
þykkja þlaggið. Það er meira en að segja það.“
Einar segir jákvætt að nú sé til plagg sem hægt sé
að nota sem umræðugrundvöll varðandi innflytjend-
ur á íslandi. „Ég er viss um að ef það hefði verið til
síðastliðið haust þegar umræðan um innflytjendur
náði hámarki hefði hún verið mun málefnalegri.
Menn hefðu þá haft eitthvað til að deila um og
hefðu þá getað verið sammála eða ósammála stefn-
unni. Þetta er því ef til vill gott skref í átt að mál-
efnalegri umræðu," segir hann og bætir því við að
stefnan sé þó fullalmennt orðuð. „Það er ekki verið
að binda hendur eða gefa tímatakmörk. Það sama
er með fjárheimildir. Ég held að það muni kosta
töluvert að mennta kennara og heilbrigðisstarfsfólk
og gefa út upplýsingar á ýmsum tungumálum. En ef til vill verður það á ábyrgð hvers
ráðuneytis að framfylgja því innan síns ramma."
Þegar á heildina er litið segist hann vera vongóður um framhaldið. „Nú getur til dæmis
stjórnarandstaðan notað þetta til þess að veita stjórnvöldum aðhald I þessum málum,
sem er jákvætt."
Vongóður um framhaldið
Einar Skúlason, fram-
kvæmdastjóri Aiþjóðahúss.