blaðið - 16.02.2007, Blaðsíða 10

FOSTUDAGUR 16. FEBRUAR 2007
blaöiö
800 manns leitað
Rauði krossinn hefur hafið átak til að hafa uppi á
um átta hundruð körlum og konum sem er saknað
eftir stríð stjórnarhersins og maóista. Talið er að
um 13 þúsund manns hafi fallið í stríði fylkinganna
sem staðið hefur í landinu síðasta áratuginn.
I steininn fyrir að afneita helförinni
Þýskur dómstóll hefur dæmt rithöfundinn Ernst Zuendel í fimm
ára fangelsi fyrir kynþáttafordóma og fyrir að hafa afneitað
helför gyðinga í síðari heimsstyrjöldinni. Zuendel flutti til Kan-
ada árið 1958 en þýsk stjórnvöld skilgreindu hann sem ógn við
þjóðaröryggi skömmu eftir útgáfu lofrits hans um Adolf Hitler.
Karadzic í sambandi við fjölskylduna
Bosnískur embættismaður segir að Radovan Karadzic, fyrrver-
andi forseti Bosníu-Serba, sé í reglulegu sambandi við fjölskyldu
sína og hitti stundum fjölskyldumeðlimi. Karadzic hefur verið
eftirlýstur í fjölda ára en hann hefur verið ákærður fyrir glæpi
gegn mannkyni vegna fjöldamorða í Srebrenica árið 1995.
Sigurjón Þórðarson:
Skiptir um
kjördæmi
Sigurjón Þórðarson, þing-
maður Frjálslynda flokksins,
hefur fært sig úr Norðvestur-
yfir í Norðausturkjördæmi.
„Þetta er áskorun. Þegar effir
því var leitað þá ákvað ég að
slá til,“ segir Sigurjón.„Eg
er mjög bjartsýnn á það að
Frjálslyndi flokkurinn geti náð
mjög góðum árangri þarna og
náð að minnsta kosti einum og
jafnvel fleiri þingmönnum inn.
Þessi þinghluti þarf virkilega að
skipta um takt í landstjórninni.“
Samkvæmt Sigurjóni er ekki
búið að ákveða hver tekur við af
honum í Norðvesturkjördæmi.
„Ýmsir koma til greina en það
er ekki fast ákveðið. Það kemst
jafnvel á hreint um helgina."
Verjendur gagnrýna rannsókn Baugsmálsins harkalega:
Lögregla hunsaði ítrekað
ábendingar Baugsmanna
■ Hefði getað komið í veg fyrir ákærur ■ Deilt um eignarrétt á skemmtibáti
Eftir Magnús Geir Eyjóifsson
magnus@bladid.net
Aðalmeðferð Baugsmálsins hélt
áfram í gær en þá spurði settur rík-
issaksóknari, Sigurður Tómas Magn-
ússon, forstjóra Baugs, Jón Ásgeir Jó-
hannesson, út í 18. ákærulið. I þeim
lið eru þeir Jón Ásgeir og Tryggvi
Jónsson sakaðir um að hafa dregið
fé út úr Gaumi til að fjármagna eign-
arhlutdeild í skemmtibátnum The
Viking í Flórída og látið Baug greiða
afborganir og rekstrarkostnað af
Baugsmálið
í hnotskurn
Nú er réttað í síðari hluta Baugsmálsins
vegna 18 liða ákæru setts ríkissaksóknara.
Jón Ásgeir Jóhannesson, Tryggvi Jónsson
og Jón Gerald Sullenberger eru ákærðir í
þetta skiptið. Ákæruliðirnir voru nítján en
héraðsdómur visaði þeim veigamesta frá
í júní í fyrra. Hæstiréttur staðfesti þann
úrskurð tæpum mánuði seinna.
bátnum, þótt reikningarnir væru
Baugi alls óskyldir.
Vinnubrögð lögreglu miður góð
Saksóknari fór víða í
spurningum sínum og
spurði Jón Ásgeir ítar-
lega út í viðskipti Baugs
og Nordica, félags Jóns
Geralds Sullenberger,
sem skráður var fyrir
bátnum. Finnst ákæru-
valdinu það skjóta skökku
við að Baugur hafi greitt misháar
upphæðir fyrir ýmsa óskilgreinda
þjónustu frá Nordica og vildi meina
að í raun hafi Baugur verið að borga
fyrir eignarhlut sinn í bátnum.
Jón Asgeir margítrekaði að engin
skjöl séu til sem sýna að Gaumur
hafi átt nokkurn hlut í bátnum og
að um lán hafi verið að ræða. Rætt
hafi verið um að Gaumur tæki skuld
Jóns Geralds upp í eignarhlut en af
því hafi aldrei orðið. Jón Gerald hafi
einn verið skráður fyrir bátnum og
það sjáist klárlega þegar hann seldi
bátinn án samráðs við nokkurn að-
ila og hélt eftir kaupverðinu.
Enn fremur svaraði Jón því til að
reikningarnir sem Baugur
hafi greitt hafi átt sér
fullkomlega eðlilegar
skýringar. Nordica hafi
veitt Baugi ýmsa þjón-
ustu umfram vörusölu,
svo sem öflun viðskipta-
vina og heimsóknir á
vörusýningar. Fyrir þetta
hafi Baugur verið að greiða og benti
hann á að sambærilegir samningar
hafi verið gerðir við fyrirtæki í Dan-
mörku og Bretlandi. Hafi Jón Ásgeir
bent lögreglu ítrekað á að kynna sér
þá samninga en því hafi ekki verið
sinnt, líkt og flestum öðrum ábend-
ingum frá Baugsmönnum sem hefðu
getað varpað ljósi á málið og komið
í veg fyrir ákærur. Þessi vinnubrögð
lögreglu séu miður góð og ljóst í
hvaða tilgangi farið var út í rann-
sókn málsins.
MIJGS
Hótaði Jóni Ásgeiri lífláti
Verjendur Jóns Ásgeirs beindu
hins vegar vörn sinni að samskiptum
ákærða við Jón Gerald. Farið var ít-
arlega í upphaf viðskipta þeirra og
hvernig samskipti þeirra þróuðust
þar til Baugur sleit viðskiptum við
Nordica um mitt ár 2002. 1 máli
Jóns Ásgeirs kom fram að vin- ■
skapur hafi þróast með Jóni
Gerald og Baugsmönnum en
þegar í ljós kom að
staðaNordicavar
ekkijafngóðog
Jón Gerald
lét í veðri
vaka hafi
k 0 m i ð
u p p
s p e n n a
í sam-
skiptum
þeirra. Ofan
á það hafi
Baugsmenn
ekki verið
Rýnt í skjölin
Gestur Jóns-
son, verjandi
Jóns Ásgeirs,
og Jakob Möller,
verjandi Tryg-
gva Jónssonar,
skoða málsgögn.
EINAR SVEINBJÖRNSSON, INNANHÚSSARKITEKT
í dag föstudag frá kl. 12:00 -17:00, laugardag frá kl. 11:00 -17:00 og sunnudag
frá kl. 12:00 - 17:00 mun Einar veita viðskiptavinum EGG faglega ráðgjöf um
innan- og utanhússlýsingu.
Komdu til okkar á Smáratorg, skoðaðu eina glæsilegustu Ijósaverslun landsins og
fáðu ráðgjöf hjá sérfræðingi. Þjónustan er þér að kostnaðarlausu og í leiðinni getur
þú gert góð kaup því fjöldí Ijósa verður á tilboðsverði.