Bændablaðið - 08.04.2009, Blaðsíða 7

7 Bændablaðið | miðvikudagur 8. apríl 2009
Þórunn Stefánsdóttir á Ljósa-
landi í Fáskrúðsfirði sendi mér
vísu, sem hún fékk áletraða
á penna frá Aðalgeiri á Mán-
árbakka. Í sameiningu spyrjum
við Þórunn um höfund vísunnar.
Er það e.t.v. Aðalgeir sjálfur?
Þeir sem hafa létta lund
lifa daga bjarta.
Vísnagerð á góðri stund
gleður mannsins hjarta.
Reinhold Richter er vormaður.
Frá honum koma þessar fallegu
vorvísur:
Fölrauð sé í fjarska ský,
finn ég vorið anga
Flýgur norður fugl á ný,
fannir hlána á tanga.
Úti á túni ærin ber,
álftir kvaka í móa.
Gjóta brátt í greni fer
gráleit, lúin tófa.
Aftur lifnar yfir mér,
í mér gleðin syngur.
Vil ég ætíð vera hér
vorsins Íslendingur.
Haustvísa fæddist í leitum á
Arnarvatnsheiði fyrir nokkrum
árum þegar Reinhold reið heim
í Álftakrók í lok dags. Þar koma
fuglar við sögu og auk þess
möndulhalli jarðar:
Flýgur suður fugl á ný
fölna jurtir allar.
Dagur styttist stöðugt því
stjarnan okkar hallar.
Jón Eiríksson, Drangeyjarjarl,
varð agndofa við fréttir af ung-
um manni á Ísafirði, sem ætti
von á sektum ellegar varð-
haldi fyrir að pissa í sjóinn
við Ísafjörð. Jarlinum þótti
sem mjög væri kreppt að frelsi
Vestfjarðavíkinganna. Ekki
einasta væri búið að hreinsa
af þeim mestallan aflakvóta
heldur mættu þeir varla líta í
átt til sjávar átölulaust. Miðað
við alvarleika þessa máls taldi
Jón eðlilegt að deila viðhorfi
sínu til þess með lesendum
Bændablaðsins:
Nú gefst tæpast nokkur ró
næsta fátt má veiða
og mígir þú í saltan sjó
sektir þarft að greiða.
Svo hugstæður varð Jóni þessi
atburður á Vestfjörðum að hann
orti dýrari útgáfu af vísunni:
Nú er fátt um nokkra ró
næsta smátt má veiða.
Verði brátt við saltan sjó
sektir máttu greiða.
Annars telja kunnugir ekki vafa
leika á því að Jón Eiríksson eigi
sjálfur uppsafnaðar og ógreiddar
háar fjársektir eftir töluverðan
tíma á sjó. Jón viðurkenndi líka
í samtali að það kynni að vera
myndarlegur sjóður ef allt yrði
talið.
Fyrr á árinu birti ég nokkrar vísur
eftir Helga Hálfdanarson lyfja-
fræðing eða „byrlara“ eins og
hann gjarnan kallaði sig. Annar
byrlari var Teitur J. Hartmann.
Hann átti heima á Ísafirði og
síðar á Norðfirði. Teitur orti:
Berjast andstæð öfl í mér
illu og góðu knúin.
Holdið veikt en andinn er
alltaf reiðubúinn.
Að svo mæltu óska ég ykkur
gleðilegra páska.
Umsjón:
Hjálmar Jónsson
hjalmar@domkirkjan.is
Í umræðunni
MÆLT AF
MUNNI FRAMFélagsstarf bænda með líflegasta móti
Nú er vertíð aðalfunda og árshá-
tíða að ganga yfir og við ýmis
slík tilefni eru myndirnar hér á
síðunni teknar. Hér til hliðar er
Guðmundur J. Guðmundsson
í Holtseli gjaldkeri Beint frá
býli að fara yfir reikninga og
íbyggnir félagsmenn hlýða á.
Stóru myndirnar þar undir eru
teknar að loknu formannskjöri
hjá Landssambandi kúabænda
og má þarna sjá Sigrúnu Hildi
Ragnarsdóttur í Stóru-Hildisey
II hnýta formannsslaufuna
á Sigurð Loftsson. Á hægri
myndinni er allt orðið klárt
fyrir myndatöku með fram-
kvæmdastjóranum Baldri Helga
Benjamínssyni.
Koss í beinni
Sauðfjárbændur kusu á aðalfundi sínum Sigurgeir Sindra í Bakkakoti
nýjan formann en spennan í salnum var nær óbærileg þegar atkvæði
voru talin. Eftir spennufallið var haldin árshátíð um kvöldið í Súlnasal
þar sem bekkurinn var þétt setinn. Fanney Ólöf Lárusdóttir afhenti
Jóhannesi Sigfússyni fráfarandi formanni LS góðar gjafir og þakkir
fyrir vel unnin störf. Fundarstjórinn Aðalsteinn Jónsson í Klausturseli
fékk þau upp á svið til þess að „þakkarkossinn“ yrði sendur út í beinni
útsendingu á Netinu.
Neðst eru myndir frá samkomu ferðaþjónustubænda þar sem nýtt vef-
bókunarkerfi var vígt og sagt er frá hér framar í blaðinu.
myndir | TB