Bændablaðið - 08.04.2009, Blaðsíða 18

18 Bændablaðið | miðvikudagur 8. apríl 2009
„Hugmyndin kom upp þegar
ég varð í fyrsta sinn á ævinni
atvinnulaus um miðjan nóvem-
ber,“ segir Sigurður Haraldsson
á Jaðri í Reykjadal. Hann hefur
að undanförnu smíðað gripi úr
ryðfríu stáli, m.a. vasa til að
nota undir blóm á leiði. Þeir hafa
vakið nokkra athygli þeirra sem
séð hafa.
Sigurður er fæddur og uppalinn
á Jaðri, hann keypti jörðina árið
1994 og hefur búið þar síðan. Ekki
hefur hann þó stundað búskap,
starfaði lengi sem vélstjóri á sjó
en á liðnum árum hefur hann starf-
rækt eigið fyrirtæki sem sér um
að byggja og reisa stálgrindarhús.
„Það var mikið að gera í þessu, við
reistum m.a. hesthús, reiðhallir og
útihús ýmiss konar,“ segir hann.
Eftir að kreppan skall á lands-
mönnum af miklum þunga í haust
hættu menn að byggja og þar með
datt botninn úr starfseminni, segir
Sigurður. „Þegar verkefnum fór að
fækka og ég hafði ekkert að gera
fór ég auðvitað að líta í kringum
mig eftir einhverju sem gæti gefið
einhverjar tekjur,“ segir hann. Áður
hafði hann dundað við að smíða
margs konar gripi úr ryðfríu stáli,
skrautmuni ýmiss konar, en datt
svo niður á sérhannaða blómavasa
til að setja á leiði. „Maður verður
að bjarga sér einhvern veginn,“
segir hann og bætir við að hann
kalli vasa sína „kreppuvasa“.
Vasar Sigurðar hafa það fram
yfir innflutta leiðisblómavasa að
þeir eru viðhaldsfríir og þá eru þeir
nokkuð þungir, svo engin hætta er
á að þeir fjúki burt eins og algengt
er með léttari vasa. „Ég hugsaði
mér þetta nokkuð veglegt og var-
anlegt,“ segir hann. „Ég hef ekkert
kynnt þetta enn, aðeins sýnt vas-
ana í blómabúðum og mönnum líst
vel á, en salan er einkum og sér í
lagi á vorin og fyrir jólin, þá hugar
fólk að leiðum ástvina sinna,“ segir
Sigurður. MÞÞ
Sigurður Haraldsson á Jaðri smíðar leiðisvasa úr ryðfríu stáli
„Maður verður að bjarga sér í kreppunni!“
Sigurður Haraldsson á Jaðri í
Reykjadal. Að ofan sjást dæmi um
framleiðslu hans, vasi og harpa
sem ætlað er til skrauts á leiði lát-
inna.
„Þetta er á hugmyndastigi enn
sem komið er en ég er byrjaður
að kynna málið,“ segir Logi
Óttarsson sem nýverið kynnti
hugmynd sína um uppbyggingu
sögugarðs í Eyjafjarðarsveit,
m.a. fyrir atvinnumálanefnd
Eyjafjarðarsveitar. Horfir Logi
til Melgerðismela í þeim efnum,
þar eigi sveitarfélagið land sem
ekki er nýtt en gæti verið kjörið
undir sögugarð.
Logi vinnur ásamt félaga
sínum að gerð heimildarmyndar
um sögustaði í Eyjafjarðarsveit
og segir að við þá vinnu hafi hann
sökkt sér ofan í gamlar heimildir
um sögu sveitarinnar. „Það gerð-
ust margir afar merkir viðburð-
ir í þessu sveitarfélagi,“ segir
hann, en við upptöku á myndinni
í fyrrasumar fengu þeir til liðs
við sig þýskan leikara þegar þeir
sviðsettu ákveðna atburði sög-
unnar. „Hann var eiginlega hissa
á að ekki væri til einhvers konar
garður þar sem fólk gæti kynnst
þessari sögu og ég fór að velta
þessu fyrir mér í framhaldi af
ummælum hans,“ segir Logi.
Það eru einkum Grund og
Munkaþverá sem koma við sögu
atburða á fyrri öldum, margt
stórmenna Íslandssögunnar var
fætt á þessum stöðum eða ólst þar
upp og nægir þar að nefna Jón
Arason og Þórð kakala. Þá bendir
Logi á að endalok Sturlungaaldar
hafi orðið þegar síðasti höfðingi
Sturlunga, Þorgils Skarði, var
veginn á Hrafnagili.
Stór garður með veglegum skála
Hugmynd Loga gengur m.a. út
á að reisa stóran garð þar sem
m.a. yrði veglegur skáli í líkingu
við þann er Sighvatur reisti við
Grund á sínum tíma. „Ég hugsa
mér þetta þannig að menn gangi
bókstaflega inn í þennan gamla
tíma, geti upplifað atburðina í
garðinum, m.a. með því að settir
yrðu upp eins konar sýndarbar-
dagar þess tíma og fleiri atburð-
ir. Fólk gæti farið í búninga frá
þessum tíma, prófað vopn og
smakkað á svipuðum matvælum
og á borðum voru og þar fram
eftir götunum,“ segir Logi.
Hann bendir á að á milli 50
og 60 skemmtiferðaskip komi
á hverju sumri til Akureyrar og
getur sér þess til að fjöldi ferða-
manna myndi gjarnan vilja upp-
lifa gömlu sturlungaöldina með
viðkomu í sögugarði af þessu
tagi. „Þjóðverjar eru mjög vel
lesnir í okkar sögu og þekkja
hana, ég geri ráð fyrir að þeir
yrðu áhugasamir um að skoða
svona garð,“ segir Logi. „Ég held
að eftirspurn sé eftir afþreyingu á
borð við sögugarð.“ Almennt sé
ekki mikil afþreying fyrir hendi í
Eyjafjarðarsveit, en hann sér líka
fyrir sér að hægt verði að tengja
handverksfólk á svæðinu við
garðinn sem og sveitamarkað, þar
sem bændur seldu varning sinn
beint frá býli sínu.
Kostnaður við uppbyggingu
sögugarðs er umtalsverður,
en Logi segir að þó viðtökur
við hugmynd sinni hafi verið
jákvæðar geti reynst þrautin
þyngri að útvega fjármagn til að
hrinda henni í framkvæmd. „Það
er í rauninni hvergi hægt að fá
peninga um þessar mundir,“ segir
hann.
Hugmynd um að reisa
sögugarð í Eyjafjarðarsveit
Tvö merkisfélög í Biskupstungu héldu upp á stóraf-
mæli sín með afmælishátíð í Aratungu 21. mars sl. Þar
var fagnað 80 ára afmæli Kvenfélags Biskupstungna og
50 ára afmæli Hestamannafélagsins Loga. Félögunum
var sýndur margháttaður sómi en enginn þó rausnar-
legri en gjöf sem Búnaðarfélag Biskupstungna afhenti
kvenfélaginu. Óttar Bragi Þráinsson afhenti Guðrúnu
Magnúsdóttur í Bræðratungu, formanni kvenfélagsins,
ávísun að upphæð þrjár milljónir króna.
Hátíðin var hin glæsilegasta og voru gestir hátt í
300 talsins. Sigurður Sigmundsson var á ferð með
myndavélina og tók meðfylgjandi myndir.
Tvöföld afmælishátíð í Tungunum
Af tíu stofnfélögum Loga, sem enn eru á lífi, voru níu mættir og þeir voru gerðir að heiðursfélögum.
Guttormur Bjarnason í Skálholti, formaður ungmenna-
félagsins, afhenti forkunnarfagran hest sem veita skal
íþróttamanni ásrins hjá Loga. Gripinn gerði Ragnh.
Magnúsdóttir (Ranka í Koti).
Boðið var upp á mörg ágæt skemmtiatriði, m.a. var
mikið sungið af heimagerðum gamanvísum.
Formenn félaganna, þau Haraldur Þórarinsson og Guð-
rún Magnúsdóttir, óska hvort öðru til hamingju með
afmælið.
Óttar Bragi Þráinsson, formaður Búnaðarfélags Bisk-
upstungna, afhenti Guðrúnu Magnúsdóttur formanni
kvenfélagsins ávísun að upphæð þrjár milljónir króna
sem eflaust á eftir að koma sér vel í störfum félagsins.
Verðlaun fyrir úrvalsmjólk
voru afhent þeim kúabændum
sem stóðust kröfur um úrvals-
mjólk fyrir árið 2008 á aðal-
fundi Norðausturdeildar Auð-
humlu sem haldinn var í Svein-
bjarnargerði á dögunum. Kröfur
sem gerðar eru til úrvalsmjólkur
eru eftirfarandi: Margfeldis-
meðaltal frumutölu fari ekki yfir
220.000 í hverjum mánuði og
margfeldismeðaltal líftölu fari
ekki yfir 40.000 í hverjum mán-
uði. Standist mjólkurframleið-
endur þetta yfir heilt almanaksár
fá þeir verðlaunin.
Á landinu öllu stóðust 32
mjólkurframleiðendur framantald-
ar kröfur og þar af voru 18 kúa-
bændur á Norðausturlandi, 10 í
Þingeyjarsýslum og 8 í Eyjafirði.
Alls eru 746 kúabú í landinu.
Eftirtaldir kúabændur stóðust
kröfur fyrir úrvalsmjólk í Þingeyj-
arsýslu.
Fagranesbúið
Félagsbúið Hjarðarbóli
Félagsbúið Arndísarstöðum
Ólafur og Friðrika, Bjarnarstöðum
Ingvar og Bergljót,
Halldórsstöðum
Ingjaldsstaðabú ehf.
Kristján og Hrefna, Árlandi
Baldvin og Sigurborg, Engihlíð
Sigtryggur Garðarsson,
Reykjavöllum
Jón Helgi og Unnur, Víðiholti.
Eftirtalin kúabú í Eyjafirði
fengu verðlaun fyrir úrvalsmjólk
2008.
Jóhann Tryggvason, Vöglum
Félagsbúið Espihóli, Espihóli
Félagsbúið Villingadal
Hlynur og Linda, Akri
Leifur og Þórdís, Klauf
Þríhyrningur ehf.
Gunnsteinn og Dagbjört, Sökku
Sveinn og Steinunn Elfa, Melum.
Þingeyskir og eyfirskir kúabændur sem stóðust kröfur um framleiðslu
úrvalsmjólkur á aðalfundi í Sveinbjarnargerði nýlega.
Er þingeyska mjólkin best?