Bændablaðið - 24.11.2011, Side 36

37Bændablaðið | fimmtudagur 24. nóvermber 2011
Íslensk hönnun
Útgerðarstjóri HG í Hnífsdal með vef fyrir alla prjónara
- nýtist vel til að hanna eigin lopapeysur
Sverrir Pétursson, útgerðarstjóri
HG í Hnífsdal, opnaði í febrúar á
þessu ári vefinn prjonamunstur.is
sem hefur verið vel tekið af prjón-
urum landsins. Á síðunni er hægt
að hanna lopapeysur á auðveldan
hátt og sjá í þrívídd hvernig peysan
kemur til með að líta út. Sjálfur
prjónar Sverrir ekki en nýverið
fékk hann nýsköpunarstyrk frá
Landsbankanum til að þróa hug-
myndina enn frekar.
„Það er margt sem leiðir til þess
að ég réðist í þessa vefsíðugerð.
Upphafið má þó rekja til þess að
ég fór í fjarnám við Háskólann í
Reykjavík árið 2003 og lærði kerf-
isfræði. Ég útskrifaðist þaðan árið
2008 og síðan hefur hugbúnaðargerð
verið mitt áhugamál. Konan mín og
tengdadóttir eru alltaf að prjóna eftir
hönnun annarra, mér fannst það
alveg ómögulegt og spurði þær eitt
sinn af hverju þær byggju ekki til
sín eigin mynstur. Þá svöruðu þær
því til að það væri svo erfitt, þannig
að mér datt í hug hvort ég gæti ekki
hjálpað þeim eitthvað með kerfis-
fræðina að vopni. Upphaflega átti
þetta eingöngu að vera fyrir þær tvær
en síðan prófuðu fleiri þetta, ég setti
síðuna á vefinn og þá sprakk allt. Að
endingu bjó ég til Fésbókarsíðu og
þá fór boltinn fyrir alvöru að rúlla
og ekki varð aftur snúið,“ útskýrir
Sverrir.
Óprjónuð lopapeysan í þrívídd
Sverrir fær að jafnaði hátt í 200 heim-
sóknir á dag inn á síðuna, sem snýr
eingöngu að klassískum íslenskum
lopapeysum og er enn í þróun.
„Ég leitaði mikið að sambæri-
legum síðum á vefnum þegar ég var
að byrja en fann ekki neitt. Þetta er
þekkt í verkfræði- og arkitektaheim-
inum, þar sem fólk getur séð myndir
af hönnuðum húsum áður en þau eru
byggð, en maður hefur ekki séð þetta
í fataiðnaði, það er eins og hann hafi
orðið útundan í þessu,“ segir Sverrir
sem lýsir virkni vefsins á þennan
hátt:
„Þetta virkar eins og í öðrum
forritum, notandi fer inn á síðuna,
smellir þar á „Skrá“ og velur síðan
að búa til nýja peysu. Þá opnast nýr
gluggi þar sem notandi velur stærð
og prjónfestu og eins hvað mynsturs-
geirinn á að vera breiður í peysunni.
Einnig setur viðkomandi inn upp-
lýsingar um garn og liti og byrjar
síðan að teikna mynstrið. Um leið og
notandi teiknar mynstrið uppfærist
mynstrið á þrívíddarpeysunni, svo
prjónarinn sér í rauntíma hvað hann
er að gera og hægt er að vista það sem
gert er. Notendur hafa komist upp á
lag með að nota síðuna öðruvísi, eins
og til dæmis að prófa mismunandi
liti. Nýsköpunarstyrkurinn sem ég
fékk á dögunum fer í að markaðssetja
síðuna en ég á ekki von á stórkost-
legum breytingum á henni eða að
notendur þurfi að greiða inn á hana,
allavega ekki að sinni. Ég vil helst
komast hjá því. Síðan er aðgengileg
á íslensku, ensku, dönsku, rússnesku
og úkraínsku og á næstunni bætast
við franska, spænska og þýska.“
/ehg
Sverrir Pétursson, útgerðarstjóri H-G
&'&

]    
prjonamunstur.is þar sem prjónarar
geta hannað eigin lopapeysur á
auðveldan hátt.
Sýnishorn af því hvernig útkoma af síðunni getur orðið.
Hönnunartvíeykið Árný Þór-
arins dóttir og Helga Guðrún
Vilmundardóttir reka saman
fyrirtækið Stáss þar sem þær
hanna og framleiða hluti, ýmist
úr viði, áli eða plexígleri. Þeim
er mikið í mun að halda í þjóðleg
gildi og hafa það að leiðarljósi í
vinnu sinni.
Upphaf:
„Við erum báðar lærðir arkitektar
frá Danmörku og útskrifuðumst
þaðan árið 2008. Við vorum að
vinna á sömu stofunni hér heima
en misstum vinnuna þegar hrunið
skall á. Það sama ár vorum við
báðar ófrískar og höfðum ekkert
að gera, svo það má segja að Stáss
sé runnið undan rifjum hrunsins,“
segir Árný.
Efniviður:
„Við byrjuðum á að gera jólaskraut
úr plexígleri og fórum síðan út í
að gera hálsmen og eyrnalokka úr
sama efni. Núna erum við rosalega
hrifnar af áli. Það er mjög skemmti-
legt efni, sterkt en jafnframt létt
og höfum við til dæmis gert vegg-
klukku úr því. Við viljum nýta það
efni sem er fáanlegt hérlendis og
okkur finnst mikilvægt að styrkja
þann iðnað og framleiðslu sem er
hér, það er að segja bæði við kaup
á hráefni og vinnu,“ útskýrir Helga.
Innblástur:
„Við gerum oft það sem okkur
langar í eða það sem okkur vantar.
Þegar við gerðum jólaskrautið
fannst okkur vanta íslenskt jóla-
skraut með sögu. Eins var það með
skrautið og skartið að þá langaði
okkur í eitthvað sem hefði notagildi.
Grunnurinn hjá okkur er oft íslensk
menningararfleið, eins og að sækja
í útsaumsmynstur og nú síðast með
torfbænum. Okkur fannst þurfa að
setja torfbæinn á ákveðinn stall,
oft hefur hann verið tengdur við
eitthvað neikvætt og talað er um
moldarkofa. Það ber þó að hafa í
huga að þeir voru algjörlega byggðir
úr því sem náttúran gaf og héldu
lífi í Íslendingum í áraraðir,“ segir
Helga.
Útrás:
„Við erum að kanna markaði
erlendis með skartgripina og höfum
komið vörunum okkar í verslanir í
Stokkhólmi og Kaupmannahöfn.
Þessi vinna er þó enn í þróun því
markaðssetning erlendis er tímafrek
og oft veljum við frekar að vinna
að öðrum hlutum en markaðssetn-
ingu. Síðan erum við á leiðinni á
„Stockholm furniture fair“ í febrúar,
ásamt hinum aðilunum sem standa
að Netagerðinni work&shop og
spennandi verður að sjá hvað kemur
út úr þeirri ferð,“ segir Árný.
/ehg
Innblásnar af íslenskri menningararfleifð
Árný Þórarinsdóttir og Helga Guðrún Vilmundardóttir skipa
Stáss-hönnunarteymið sem hefur aðsetur í Netagerðinni
work&shop við Mýrargötu í Reykjavík.
Nýjasta afurð þeirra Stássstúlkna er hitaplatti úr krossviði sem nefnist
Torfbærinn og er í fjórum hlutum.