Fréttablaðið - 02.02.2012, Blaðsíða 2

2. febrúar 2012 FIMMTUDAGUR2
LÖGREGLUMÁL Lögregla rannsakar
nú hvort karlmaður á sextugsaldri,
sem á sunnudagskvöld var rænd-
ur af pilti og stúlku undir tvítugu,
hafi falast eftir því að kaupa vændi
af stúlkunni. Hún er einungis sex-
tán ára. Maðurinn tilkynnti um
ránið til lögreglu á sunnudags-
kvöld. Hann hafði boðið stúlkunni
í heimsókn en þegar hann hleypti
henni inn ruddist inn með henni
piltur vopnaður hnífi.
Ungmennin hótuðu manninum
með hnífnum og blóðugri sprautu-
nál og rændu af honum peningum,
sjónvarpi og síma.
Lögregla hefur nú upplýst ránið
og ungmennin, sextán ára stúlka
og átján ára piltur, hafa játað sök.
Sjónvarpið er komið í leitirnar en
símanum mun hafa verið hent.
Málinu er þó ekki lokið þar með,
að sögn Árna Þórs Sigmundsson-
ar aðstoðaryfirlögregluþjóns. Mað-
urinn hafði kynnst stúlkunni á
stefnumótalínu og í kjölfarið voru
þau í frekari samskiptum á spjall-
rás áður en þau hittust heima hjá
manninum.
Árni segir að samskipti manns
á þessum aldri við svo unga stúlku
gefi tilefni til að rannsaka hvort
mögulega hafi verið um vændi að
ræða. Í því skyni hafi verið lagt
hald á tölvur þeirra beggja og inni-
hald þeirra verði nú kannað. - sh
Rán í Árbæ er upplýst en aldursmunur geranda og þolanda vakti athygli lögreglu:
Rannsaka grun um barnavændi
VOPN Fólkið hótaði manninum meðal
annars með blóðugri sprautunál.
LANDBÚNAÐUR Smitefni riðu hafa
fundist í heilasýni kindar sem
slátrað var í haust. Sýnið var
til rannsóknar á tilraunastöð
Háskólans í meinafræði á Keld-
um. Er þetta fyrsta riðan sem
finnst síðan árið 2010.
Kindin var frá bænum Merki í
Jökuldal. Þar eru um 530 kindur
og undirbúningur að hefjast á
niðurskurði á öllu fé á bænum.
„Riðan er af afbrigðinu NOR 98
og er þetta fjórði bærinn á Íslandi
þar sem þetta afbrigði finnst,“
segir á vef Matvælastofnunar.
Bærinn er í svonefndu Héraðs-
hólfi en í því greindist síðast riða
árið 1997. - óká
Farga þarf 530 kindum:
Smitefni riðu
voru í heilasýni
LÖGREGLUMÁL Mikið af þýfi og
ólöglegum vopnum fannst við röð
húsleita lögreglunnar á höfuð-
borgarsvæðinu í síðustu viku.
Þrír menn voru handteknir í
tengslum við málin og hafa þeir
allir komið við sögu lögreglu
áður.
Búið er að tengja þýfið við
muni sem stolið var í sjö til átta
innbrotum. Í tilkynningu frá lög-
reglu segir að viðbúið sé að hlutir
úr fleiri innbrotum eigi eftir að
koma við sögu. Rannsókn máls-
ins miðar vel og unnið er að því
að koma hlutunum aftur í réttar
hendur. - sv
Þrír menn handteknir:
Fundu vopn og
töluvert af þýfi
LÖGREGLUMÁL Litháískur karl-
maður sem var í farbanni vegna
fíkniefnadóms er flúinn úr landi.
Yfirvöld hér á landi hafa óskað
eftir alþjóðlegri handtökuskipun á
hendur honum. Talið er að maður-
inn hafi farið með flugi frá Kefla-
vík til Parísar og þaðan áfram til
Ríga í Lettlandi.
Samkvæmt upplýsingum frá lög-
reglu bendir allt til þess að maður-
inn hafi fengið aðstoð frá útlönd-
um við að komast af landi brott.
Maðurinn var einn þriggja
Litháa sem dæmdir voru fyrir
vörslu og framleiðslu fíkniefna í
sumarbústað í Ölfusborgum í októ-
ber í fyrra. - sv
Vilja hjálp erlendra yfirvalda:
Flúði land með
dóm á bakinu
Danir fengu stóra vinninginn
Tveir Danir skiptu með sér fyrsta vinn-
ingi Víkingalottósins í gær. Potturinn
var tvöfaldur og hlaut hvor tæpar 130
milljónir króna í vinning. Einn fékk
bónusvinninginn íslenska á áskriftar-
miða og fær rúmar fimm milljónir
króna.
VÍKINGALOTTÓ
SAMGÖNGUR „Okkur er algerlega
misboðið,“ segir Guðríður Arnar-
dóttir, formaður framkvæmdaráðs
Kópavogs, sem í gær mótmælti
ákvörðun Vegagerðinnar um að
hætta að kosta rekstur og viðhald á
Vatnsendavegi. Orkuveitan hyggst
slökkva á götulýsingunni því eng-
inn vill borga rafmagnsreikning-
inn.
Að sögn Jónasar Snæbjörnsson-
ar svæðisstjóra hjá Vegagerðinni
var gert samkomulag um að Vega-
gerðin greiddi kostnaðinn í kjölfar
þess að Elliðavatnsvegi, sem áður
var þjóðvegur, var breytt í það
sem nú er nefnt Vatnsendavegur
þegar ný hverfi risu í upplöndum
Kópavogs. Til hafi staðið að fram-
lengja Arnarnesveg frá Reykjanes-
braut að Breiðholtsbraut og að hann
yrði þjóðvegur. Nú sé ekki fyrirséð
að það verði á næstu fimm til sex
árum.
„Vegagerðin sagði einhliða upp
þessum samningi; að greiða rekstur
af vegakerfi sem er ekki þjóðvegur
heldur bara innanbæjargötur í
Kópavogi,“ segir Jónas sem kveður
kostnaðinn við Vatnsendaveg hafa
verið á bilinu átta til tólf milljónir
króna á ári. Þar af sé kostnaður við
götulýsinguna um fjórðungur.
Jónas segir að eftir að samningn-
um hafi í september verið sagt upp
frá og með áramótum hafi hann átt
von á að Kópavogsbær hefði sam-
band við Orkuveituna til að taka við
greiðslu reikninga þaðan. Reikning-
arnir hafi þó haldið áfram að berast
til Vegagerðarinnar frá Orkuveit-
unni. „Úr því að þeir sögðu að Kópa-
vogsbær vildi ekki heldur greiða þá
sögðum við að þeir mættu slökkva
okkar vegna,“ segir svæðisstjórinn.
Guðríður Arnardóttir segir hins
vegar að Vatnsendavegur sé ekki
á ábyrgð sveitarfélagsins heldur
Vegagerðarinnar og um það hafi
verið gert samkomulag.
„Ef til þess kemur að það verð-
ur slökkt á ljósunum á Vatnsenda-
vegi þá varpa ég ábyrgðinni alfar-
ið á Vegagerðina. Og þeir verða að
svara fyrir það,“ segir Guðríður
sem auk þess að vera í fram-
kvæmdaráði er formaður bæjar-
ráðs í Kópavogi.
Þess má geta að það sem á við um
Vatnsendaveg gildir einnig við um
Víkurveg í Reykjavík. Ennfremur
vill Vegagerðin ýmsa vegi í þétt-
býli út af þjóðvegaskrá, til dæmis
Nýbýlaveg, Gullinbrú og Höfða-
bakka.
Að sögn Guðríðar hafa samskipti
bæjaryfirvalda við Vegagerðina
ekki verið góð undanfarið. Það eigi
við um fleiri mál. „Þetta eru ekki
síðustu orð okkar í Kópavogsbæ um
þetta mál, það er algjörlega ljóst.“
gar@frettabladid.is
Segist munu slökkva
ljós á Vatnsendavegi
Formanni bæjarráðs Kópavogs misbýður ákvörðun Vegagerðinnar um að borga
ekki áfram götulýsingu á Vatnsendavegi. OR segist munu slökkva ljósin greiði
enginn rafmagnsreikninginn. Vegagerðin segir Vatnsendaveg innanbæjargötu.
BROT AF ÞÝFINU Töluvert magn af þýfi
og vopnum fannst við fimm húsleitir
hjá lögreglunni á höfuðborgarsvæðinu í
síðustu viku.
SPURNING DAGSINS
Ómissandi á pizzuna,
í ofn- og pastaréttina,
á tortillurnar og salatið.
Heimilis
RIFINN OSTUR
NÝJUNG
ÍSLENSKUR OSTUR
100%
Vatnsendavegur tengir saman Breiðholtsbraut og Reykjanesbraut
ALÞINGI Verð á eldsneyti hefur aldrei verið hærra
hér á landi en nú. Málið var tekið fyrir á Alþingi
í gær og gagnrýndu þingmenn skattastefnu ríkis-
stjórnarinnar harðlega vegna aukinna álagna á elds-
neytisverð. Helgi Hjörvar, formaður efnahags- og
viðskiptanefndar, er tilbúinn að leggja málið fyrir
nefndina.
Meðal þeirra sem létu hörð orð falla um ríkis-
stjórnina voru Bjarni Benediktsson og Guðlaug-
ur Þór Þórðarson. Guðlaugur benti á að skattar og
gjöld á eldsneyti hefðu hækkað um nærri helming á
lítra síðan um áramót. Hann hvatti Helga Hjörvar,
formann efnahags- og viðskiptanefndar, til að beita
sér fyrir því að endurskoða skattastefnuna.
Helgi benti á að vöruverð hefði farið hækkandi
vegna íslensku krónunnar og rýrnun hennar frá
ári til árs. Nauðsynlegt væri að hafa í huga þann
vítahring sem skapast gæti við miklar kaupgjalds-
hækkanir sem leiddu af sér miklar verðlagshækk-
anir. Hann tók undir að full ástæða væri til að hafa
áhyggjur af hækkandi bensínverði.
„En þá kannski ekki síður þætti álagningarinnar
í bensínverðinu,“ sagði hann og bætti við að hann
væri tilbúinn að taka málið inn í nefndina til að fara
yfir þátt álagningar olíufélaganna og áhrif gjald-
anna og þróunar verðs á heimsmörkuðunum á olíu-
verðið. - sv
Þingmenn stjórnarandstöðunnar gagnrýndu aukin eldsneytisgjöld á Alþingi:
Álagning olíufélaganna líklega skoðuð
HELGI HJÖRVAR BJARNI
BENEDIKTSSON
GUÐLAUGUR
ÞÓR ÞÓRÐARSON
SELJAHVERFI
Reykjavík
VATNSENDAHVARF
SALAHVERFI
Kópavogur
Garðabær
Breiðholtsbraut
Re
yk
ja
ne
sb
ra
ut
Vat
nse
nda
veg
ur
MENNTAMÁL Magnea Lena Björns-
dóttir, formaður foreldrafélags
Húsaskóla, er hætt í stýrihópi
vegna sameiningar unglinga-
deilda skólans og Hamraskóla.
Magnea tilkynnti úrsögn sína á
fjölmennum fundi í Hamraskóla í
gærkvöld.
„Ég trúi ekki lengur á þessa
sameiningu,“ segir Magnea. „Við
höfum enn ekki fengið þau svör
sem við þurfum.“ Elín Hjálms-
dóttir, formaður foreldrafélags
Hamraskóla, sagði sig úr stýri-
hópnum í síðustu viku. - sv
Foreldrar ósáttir við flutning:
Formenn hætta
í stýrihópnum
Bjarni, þarf ekki bara að
lengja árnar?
„Lengjum bara tímabilið. Björn
Blöndal rithöfundur sýndi fram
á að það er hægt að veiða alla
mánuði ársins - þótt það sé reyndar
gasalega erfitt í febrúar.“
Stangaveiðifélag Reykjavíkur reynir nú að
fá lengingu á veiðitímabilið í Elliðaánum
vegna þess að eftirspurn félagsmanna
eftir leyfum í ánni er miklu meiri en
framboðið. Bjarni Júlíusson er formaður
félagsins.
EGYPTALAND Talið er að minnst
73 hafi látist og meira en þúsund
manns særst í uppþotum á fót-
boltaleik í Egyptalandi í gær.
Átök brutust út meðal áhorf-
enda eftir að leik milli liðanna Al
Masry og Al Ahly lauk í borginni
Port Said. Fólk hópaðist út á leik-
vanginn og veittist hvert að öðru
með bareflum. Sumir létust af
völdum stungusára og óttast er að
tala látinna eigi eftir að hækka.
Erlendir fjölmiðlar greina frá því
að atvikið sé það alvarlegasta í
fótboltasögu Egyptalands. - sv
Minnst 73 látnir eftir uppþot:
Harmleikur á
fótboltaleik