Fréttablaðið - 07.03.2012, Blaðsíða 13

MIÐVIKUDAGUR 7. mars 2012 13
Það var frá upphafi ljóst að það yrði erfitt fyrir nokkra ráð-
herra vinstri grænna að taka þátt
í því ferli sem Alþingi samþykkti
þegar ákveðið var að sækja um
aðild að Evrópusambandinu.
Ýmsir biðleikir voru leiknir til að
tefja ferlið og þeir voru umbornir
af samstarfsflokknum enda mátti
ekki raska lífi ríkisstjórnarinnar.
Gekk friðþægingin í garð VG svo
langt að sjálfur forsætisráðherr-
ann gat ekki í blaðagrein viður-
kennt að umsóknarferli væri í
gangi heldur var tiplað á tánum
í kringum málið og sagt að verið
væri að kanna kosti og galla
aðildar. Þetta var síðan leiðrétt
af utanríkisráðherra.
Tveir ráðherrar ríkisstjórnar-
innar og vinstri grænna hafa hins
vegar nýlega snúið við blaðinu og
lýst því yfir að flýta eigi viðræð-
um og kjósa fyrir næstu kosn-
ingar um samning. Nú á að haska
sér. Gott og vel.
Flýtum okkur hægt
Ef við gefum okkur það að mark-
mið samningaviðræðnanna sé að
ná sem hagfelldustum samningi
fyrir Ísland, þannig að niður-
staðan verði raunverulegur val-
kostur fyrir þjóðina, eru þetta
ekki beint gáfulegar yfirlýsing-
ar. Látum vera að þarna eru á
ferð fulltrúar þess flokks sem
lítt hefur liðkað fyrir viðræðun-
um. Hitt er alvarlegra að menn
ætli nú í skyndi, vegna yfirvof-
andi kosningabaráttu, að þrýsta
á um að ljúka samningaviðræðum
um mikilvægustu hagsmunamál
Íslendinga á svo skömmum tíma.
Í einfeldni minni hélt ég að hægt
væri, eftir allt sem á undan er
gengið, að sameina krafta stjórn-
málamanna til að ná sem best-
um samningum fyrir Íslendinga,
óháð skoðunum þeirra á Evrópu-
sambandinu. Allt tal um hraðferð
er ekki í samræmi við það mark-
mið.
Sjálf hef ég sagt að þetta
ferli muni taka tíma og reyna
á þjóðar sálina. Þess vegna var
ég á sínum tíma talsmaður þess
að efnt yrði til tveggja þjóðar-
atkvæðagreiðslna í málinu, að
þjóðin hefði jafnt upphafs- sem
lokaorðið. Ekki voru allir í fyrstu
ýkja hrifnir af þeirri leið en það
breyttist og varð síðar stefna
flokksins. Þessi tillaga okkar
sjálfstæðismanna var hins vegar
felld á Alþingi. Það hefði betur
ekki orðið, en ef og hefði dugar
okkur skammt við lausn viðfangs-
efna dagsins í dag. Ekki í þessu
máli frekar en öðrum.
Skortur á pólitísku baklandi
Staðan er nefnilega sú að þótt
samninganefndin sé ágætlega
mönnuð og sinni sínu verki af
samviskusemi þá hefur hún ekki
það pólitíska bakland sem nauð-
synlegt er til að fylgja umsóknar-
ferlinu eftir.
Hvort sem mönnum líkar það
betur eða verr þá tel ég ljóst að
samningar muni ekki nást fyrir
næstu alþingiskosningar ef eðli-
lega er staðið að málum. Það
verður því að flytja umsóknar-
ferlið á milli kjörtímabila, nema
menn telji það boðlegt að kasta
til hendinni og ljúka samningum
óháð niðurstöðu. Þessar skyndi-
legu hraðferðarhugmyndir bera
keim taugaveiklunar og ætlaðar
til flokkspólitísks heimabrúks
fremur en að ljúka viðkvæmu,
pólitísku máli með skynsamleg-
um hætti. Því um það snýst þetta
– að ná einhverri skynsemi í nið-
urstöðuna.
Hvernig á að færa málið á milli
kosninga?
En hvernig er þá best að færa
aðildarviðræðurnar á milli kosn-
inga? Tveir kostir blasa við.
Annars vegar að samið verði
um málið í stjórnarmyndunar-
viðræðum að loknum kosningum.
Hins vegar að þjóðin kjósi sam-
hliða alþingiskosningum um það
hvort halda eigi aðildarviðræðum
áfram. Ég er sjálf þeirrar skoðun-
ar að halda eigi viðræðum áfram
og að menn sýni metnað og festu
í yfirstandandi viðræðum þann-
ig að ná megi hagfelldum samn-
ingi fyrir land og þjóð. Þjóðin fær
síðan tækifæri til að segja skoð-
un sína á samningnum. Að hafna
honum eða samþykkja. Sá val-
kostur sem lagður er fyrir Íslend-
inga verður hins vegar að byggja
á bestu mögulegu niðurstöðu en
ekki bara „einhverri niðurstöðu“
líkt og nú virðist eiga að leggja
fyrir þjóðina þegar stjórnarskrá
landsins er annars vegar.
Staðreynd er að samningaferlið
hefur verið undirorpið óeiningu
innan núverandi ríkisstjórnar
sem tafið hefur viðræður, sama
hvað hver segir. Að ná hagfelldri
samningsniðurstöðu mun taka
drjúgan tíma. Því er farsælla í
þessari stöðu að þjóðin segi til
um framhald viðræðna samhliða
þingkosningum í stað þess að
umsóknarferlið verði notað sem
skiptimynt við gerð stjórnarsátt-
mála næstu ríkisstjórnar. Slíkri
þjóðaratkvæðagreiðslu á ekki,
eins og sumir hafa lagt til, að
blanda saman við forsetakosning-
ar sem þá færu að snúast meira
um ESB en hvernig forseta við
Íslendingar viljum til næstu ára.
Best færi á því að Íslendingar
gætu strax í haust kosið til nýs
þings fyrir margra hluta sakir og
gæfist samhliða færi á að segja
skoðun sína á framhaldi samn-
ingaviðræðna.
Best færi á því að
Íslendingar gætu
strax í haust kosið til nýs
þings ...
Framundan er tími aðalfunda og kjör stjórna fyrirtækja og
eftir tæp tvö ár eða í september
2013 taka gildi ný lög sem kveða
á um að hlutfall hvors kyns verði
aldrei lægra en 40% í stjórnum
stærri hlutafélaga. Þetta á við
um öll fyrirtæki með fleiri en 50
starfsmenn.
Það var umdeilt hvort það
þyrfti löggjöf til að knýja fram
jákvæðar breytingar í þessa átt.
Staðreyndin er aftur á móti sú að
viðhorfin eru að breytast og flest-
ir eru nú sammála um að auka
þurfti þátt kvenna í stjórnun fyr-
irtækja og nýta þannig mikilvæga
starfskrafta og þekkingu þeirra
sem eru helmingur þjóðarinnar.
Á Viðskiptaþingi þann 15.
febrúar jókst hlutur kvenna í
stjórn Viðskiptaráðs milli aðal-
funda. Í fráfarandi stjórn voru
konur 33% af aðalstjórnarmönn-
um. Nú nemur hlutfall kvenna í
aðalstjórn um 37%.
Heiðursfélagar Viðskiptaráðs
Á afar vel heppnuðu Viðskipta-
þingi voru fimm karlar, fyrr-
um formenn og velunnarar Við-
skiptaráðs, sæmdir nafnbótinni
Heiðursfélagi Viðskiptaráðs.
Þeir voru; Davíð Scheving Thor-
steinsson, Haraldur Sveins-
son, Hjalti Geir Kristjánsson,
Jóhann J. Ólafsson og Ragnar S.
Halldórsson. Heiðursfélagi Við-
skiptaráðs er sæmdarheiti sem
veitt er mönnum er hafa lagt sér-
staklega mikið af mörkum í þágu
viðskiptafrelsis og framfara í
atvinnulífinu. Þeir félagar áttu
þetta svo sannarlega skilið og ég
fann það á fundinum að þeir mátu
það mikils að fá þessa viðurkenn-
ingu. Katrín Pétursdóttir, for-
stjóri Lýsis, tilkynnti um útnefn-
inguna og sagði m.a: „Á langri
sögu Viðskiptaráðs hefur margt
áunnist. Gildin hafa ávallt verið
þau sömu og eiga ekki síður við í
dag en fyrir 95 árum þegar ráðið
var stofnað. Og það vill stundum
gleymast, svona í svartnættishjali
og skrítinni pólítík, að sú umgjörð
atvinnulífs sem við höfum byggt
hér á Íslandi hefur skapað okkur
afar góð lífskjör. Þetta er hins
vegar allt mannanna verk og þeir
eru margir sem lagt hafa hönd
plóg og búið okkur sem á eftir
ganga frjósaman jarðveg til rækt-
unar“
Þeir sem hlutu sæmdarheitið
Heiðursfélagi Viðskiptaráðs
Íslands að þessu sinni voru ein-
göngu karlar. Þegar þeir voru í
forystu í viðskiptalífinu var það
nánast undantekning að konur
væru þar í hópnum. Þetta sýnir
þá miklu breytingu sem orðið
hefur á kynjahlutföllum í atvinnu-
lífinu undanfarna 2-3 áratugi.
Þurfum að leggja áherslu á góða
stjórnarhætti
Þann 8. mars næstkomandi verð-
ur morgunverðarfundur á Grand
Hóteli þar sem rætt verður um
bætta stjórnarhætti með tilliti til
kynjahlutfalls í stjórnum fyrir-
tækja. Það er einmitt gott að ræða
þetta nú þegar aðalfundatíminn
er hafinn og mikilvægt að hvetja
eigendur fyrirtækja og aðra þá
sem geta haft áhrif á stjórnarkjör
að huga að góðum stjórnarháttum
og kynjahlutfalli í stjórnum fyrir-
tækja auk annarra þátta, svo sem
varðandi þverfaglega breidd og
aldursdreifingu, sem skiptir máli.
Háskólinn í Reykjavík hefur
innan Opna háskólans verið
undanfarin ár með námskeið
undir heitinu „Ábyrgð og árang-
ur stjórnarmanna“, sem er mik-
ilvægur undirbúningur fyrir
alla stjórnarmenn. Í þessu sam-
bandi má benda á leiðbeining-
ar um góða stjórnarhætti fyrir-
tækja og þar má meðal annars
líta til leiðbeininga OECD, Við-
skiptaráðs Íslands, Kauphallar
Íslands og Samtaka atvinnulífs-
ins um stjórnarhætti fyrirtækja.
Þá ætti einnig að horfa til leið-
beininga um stjórnarhætti opin-
berra fyrirtækja sem gefin hafa
verið út af Viðskiptaráði Íslands,
Nasdaq OMX Ísland og Samtök-
um atvinnulífsins og reglna ASÍ
um samfélagslega ábyrgar fjár-
festingar. Þeir sem eru í forystu
í íslensku atvinnulífi verða að
byggja upp trúverðugleika á ný.
Heiðursfélagar í atvinnulífssam-
tökum eftir aldarfjórðung verða
vonandi konur og karlar í réttum
hlutföllum. Aðalatriðið er samt
að við höfum hæft fólk til að leiða
fyrirtæki okkar í atvinnulífinu og
ekki síður í stjórnmálum.
Áhrif kvenna í atvinnulífinu
eru að aukast
Sameinumst um
skynsamlega
niðurstöðu
ESB-aðild
Þorgerður K.
Gunnarsdóttir
alþingismaður
Atvinnulíf
Þorkell
Sigurlaugsson
framkvæmdastjóri hjá
HR og stjórnarformaður
Framtakssjóðs Íslands
Fiskikóngurinn • Sogavegi 3 • sími 587 7755
Viðbygging/
stækkun á verslun
Fiskikóngurinn ehf kt 440110-0100, óskar tilboða í viðbyggingu að
Sogavegi 3. Um er að ræða stækkun uppá c.a 160 fm með kjallara.
Allar teikningar og
samþykki á stækkun liggja
fyrir og hægt er að hefja
framkvæmdir strax.
Verklokum skal lokið
1. júní 2012.
Tilboðshöfum er bent á að
senda tilboðin á kristjan@
fiskikongurinn.is eða skila
þeim inn í verslun okkar,
Fiskikóngurinn Sogavegi 3,
108 Reykjavík, eigi síðar en 12. mars 2012.
Tilboðsgögn má nálgast með því að senda tölvupóst á kristjan@fiskikongurinn.is
eða í síma 896 0602 Kristján Berg.
Tilboð
óskast
525 8000
www.bilaland.is
KLETTHÁLSI 11 og EIRHÖFÐA
VIÐ ERUM Á TVEIMUR STÖÐUM:
(Bílakjarninn)
E
N
N
E
M
M
/
S
ÍA
/
N
M
5
10
0
4