Fréttablaðið - 07.03.2012, Blaðsíða 39

MIÐVIKUDAGUR 7. mars 2012 23
siminn.is/vefverslun
25% afsláttur
af GSM aukahl
utum
í verslunum Sí
mans
og á siminn.is
Bækur ★★★ ★★
Veiðimennirnir
Jussi Adler-Olsen
Þýðing: Hilmar Hilmarsson
Vaka-Helgafell
Jussi Adler Olsen er hratt rísandi stjarna í danska
krimmaheiminum og eftir lestur á Veiðimönnunum
er auðvelt að skilja hvers vegna. Sagan er lipurlega
skrifuð, spennandi og mannleg og lögreglumaðurinn
í forgrunni, Carl Mörck, er aldeilis yndislega ómögu-
legt eintak, eins og lífseigir skáldaðir lögreglumenn
gjarnan eru.
Plott sögunnar er dálítið langsótt og í fyrstu á les-
andinn erfitt með að kyngja því að þetta gæti verið
danskur raunveruleiki dagsins í dag, en ef horft er
framhjá því hefur sagan alla kosti sem prýða mega
einn krimma: Skemmtilega absúrd lögregluteymi
sem rannsakar málið, djöfullega þenkjandi glæpa-
menn sem einskis svífast, leyndardómsfulla konu
sem lengi framan af er erfitt að átta sig á hvort er
ofsótt fórnarlamb eða primus motor í hinum hrotta-
legu glæpum sem staðið hafa yfir áratugum saman
án þess að upp kæmist.
Fyrst og síðast er það þó yfirmaður deildar Q hjá
dönsku ríkislögreglunni, hinn mislyndi Carl Mörck,
sem heldur lesandanum við efnið. Hér er komin
persóna sem auðveldlega er hægt að sjá fyrir sér að
verði viðlíka uppáhald krimmalesandi Norðurlanda-
búa og þeir forverar hans Wallander og Erlendur.
Sérlundaður, brotinn og beyglaður, kynferðislega
sveltur og eftir því upp-
stökkur sprettur hann ljós-
lifandi upp af síðum bókar-
innar og kemur sér fyrir
við hjartarætur lesandans,
sem vart getur beðið eftir
næstu sögu af eltingaleik
hans við danska glæpa-
menn.
Aðrar persónur bók-
arinnar eru einnig eftir-
minnilegar, einkum útigangskonan Kimmie sem á
sér bæði skuggalega og sára fortíð sem hlýtur að
snerta hvern þann sem les. Assad aðstoðarmaður
Mörcks og Rose ritari eru einnig skýrt dregnar og
skemmtilegar persónur en aðeins of nálægt marg-
tuggnum klisjum til að vera alveg sannfærandi.
Sagan er skemmtilega skrifuð og mjög vel byggð,
smáskammtalækningarnar í upplýsingaflæði eru
úthugsaðar og alltaf í nákvæmlega réttu magni
þannig að lesandinn er knúinn til að lesa áfram til að
fá fleiri bita í púsluspilið og sjá heildarmyndina.
Þýðing Hilmars Hilmarssonar er í flesta staði
prýðileg. Rennur vel og er mestan part á eðlilegu
íslensku máli. Einstaka hráþýðingarglappaskot hefur
þó komist í gegn, eins og þegar sagt er að maður
svitni undir handleggjunum, en miðað við það sem
viðgengst í þýðingum þessa dagana er auðvelt að líta
fram hjá því. Friðrika Benónýsdóttir
Niðurstaða: Vel skrifaður og spennandi krimmi með
óvæntri fléttu. Carl Mörck er arftaki Wallanders og
Erlendar.
Útigangs-Jóna og sérarnir
Öld fram af öld hafa Íslendingar spunnið þráð, prjónað,
ofið og saumað út. Svo er enn. Sýning sem Textilfélag
Íslands er með á Korpúlfsstöðum gefur mynd af þeirri
breidd sem þráðlistir á Íslandi spanna um þessar mundir.
Þar getur að líta prjónahönnun, fatahönnun, veflistaverk,
tauþrykk og þæfingu. Einnig útsaum, pappírsverk, ljós-
myndaverk og margs konar óhefðbundin þráðlistaverk
unnin í blandaðri tækni. Sýnendur eru 40, eða um helming-
ur félaga í Textilfélagi Íslands.
Sýningin er opin frá klukkan 14 til 18 fimmtudaga
til sunnudaga. Hún er í stóra salnum á 2. hæð á
Korpúlfsstöðum og stendur til 25. mars. Aðgangur er
ókeypis. - gun
Þráðlistin á djúpar
rætur í landinu
Á KORPÚLFSSTÖÐUM
Þóra Björk Schram
gerði lampana, svörtu
kjólarnir í bakgrunni eru
eftir Rósu Helgadóttur.
M
YN
D
/K
R
ISTVEIG
H
A
LLD
Ó
R
SD
Ó
TTIR