Fréttablaðið - 08.03.2012, Side 40

8. mars 2012 FIMMTUDAGUR32
HVAÐ? HVENÆR? HVAR?
Fimmtudagur 08. mars 2012
➜ Fræðsla
17.15 Jóna Hrönn Bolladóttir flytur erindi
um ábyrgð í Bókasafni Kópavogs. Þetta
er fjórða og síðasta erindið í röðinni
um ábyrgð. Allir velkomnir og ókeypis
aðgangur.
➜ Kvikmyndir
17.00 Konfúsíusarstofnunin Norður-
ljós sýnir kvikmyndina Rauði lampinn
(Raise the Red Lantern) frá 1991. Myndin
verður sýnd í stofu 101 í Odda. Allir eru
velkomnir og aðgangur er ókeypis.
➜ Tónleikar
19.00 Styrktartónleikar Félags Einstakra
barna verða haldnir í Háskólabíói. Miða-
verð er kr. 2.000.
20.00 Hljómsveitin Blágresi heldur
útgáfutónleika í Kaldalónssal Hörpu í til-
efni útgáfu plötu sinnar Hvað ef himininn
brotnar. Bjartmar Guðlaugsson og Gunnar
Þórðarson verða sérstakir gestir.
20.30 Anna Vilhjálms fer í gegnum söng-
feril sinn á tónleikum í Austurbæ. Hún
mun taka vinsælustu og uppáhalds lögin
sín. Einar Júlíusson, Bjarni Arason og Viðar
Jónsson verða gestasöngvarar. Miðaverð
er kr. 3.500.
➜ Uppákomur
19.00 Herrakvöld Jack & Jones verður
haldið í verslun þeirra í Smáralind. Ýmis-
legt verður um að vera, til dæmis FIFA
mót og armbeygjukeppni og verða
veglegir vinningar í boði. Bjór verður í
boði Ölgerðarinnar og eitthvað að narta
í, auk þess sem Finlandia stelpur verða á
svæðinu með fljótandi veigar.
➜ Dagskrá
17.00 Í tilefni af Alþjóðlegum baráttudegi
kvenna munu fjölmörg samtök, stétta-
félög og fagfélög standa fyrir dagskrá í
Iðnó. Yfirskrift fundarinns er Vorið. Dag-
skráin er öllum opin og aðgangur er
ókeypis.
➜ Leikrit
14.00 Leikfélag eldri borgara, Snúður og
Snælda, sýnir leikritið Rommí eftir D.L. Col-
burn í Iðnó. Leikstjóri er Bjarni Ingvarsson.
➜ Tónlist
20.00 Partíþokan, boðberi taumlausrar
gleði, mætir í Edinborgarhúsið á Ísafirði.
Fram koma Úlfur Úlfur, FM Belfast, Prins-
póló, Mammút og Klysja. Miðaverð er
kr. 1.900 en nemendur MÍ fá miðann á
1.500 kr.
21.00 Ofurkvartettinn ADHD spilar á
Græna Hattinum, Akureyri. Kvartettinn
skipa þeir Óskar Guðjónsson, Ómar Guð-
jónsson, Davíð Þór Jónsson og Magnús
Elíasson. Miðaverð er kr. 2.000.
21.00 Reykjavík Folk Festival tónlistar-
hátíðin heldur áfram á Café Rosenberg.
Á hátíðinni koma fram hljómsveitir úr
ýmsum áttum og er hún sett upp að
alþjóðlegri fyrirmynd. Í kvöld koma fram
Guðrún Gunnarsdóttir og hljómsveit,
Spottarnir, Kvonn frá Færeyjum og Varsjár-
bandalagið.
21.30 Hin árlega Skattheimta Reglu Hins
Öfuga Pýramída verður haldin í þriðja
skipti á tónleikastaðnum Faktorý. Fram
koma The Heavy Experience, Fist Fokkers,
Gang Related, Malneirophrenia, Otto Katz
Orchestra og Veenox Seven. Aðgangseyrir
er kr. 1.000.
22.00 Danski saxafónleikarinn Benjamin
Koppel verður gestur Bítladrengjanna
blíðu á tónleikum þeirra á Ob-La-Dí,
Frakkastíg 8. Aðgangseyrir er kr. 1.000.
22.00 Myrra Rós og Svavar Knútur spila
á tónleikaröðinni gogoyoko Wireless í
boði Símans og Smirnoff. Tónleikaröðin
fer fram á KEX Hostel og er miðaverð kr.
1.500.
Upplýsingar um viðburði sendist á
hvar@frettabladid.is
„Þetta er í fyrsta skipti sem
við höldum styrktartónleika en
okkur langaði að gera eitthvað
sérstakt í tilefni 15 ára afmæl-
is félagsins,“ segir Guðmundur
Björgvin Gylfason, formaður
félags Einstakra barna.
Einstök börn er stuðningsfélag
barna og ungmenna með sjald-
gæfa sjúkdóma. Það var stofnað
af nokkrum foreldrum 13. mars
1997 og eru nú um 200 fjölskyld-
ur í félaginu. „Það er ekki þann-
ig í mörgum félögum að maður
óski þess að hafa sem allra fæsta
félagsmenn,“ segir Guðmundur.
„Við reynum að styðja félags-
menn okkar bæði félagslega og
og faglega,“ segir Guðmundur
og bætir við að það sé mikilvægt
fyrir sjúklinga og aðstandendur
að hitta fólk í sambærilegum
sporum. Félagið byggist upp á
sjálfboðaliðastarfi og styrkjum
og stuðningi úr samfélaginu,
og það gera tónleikarnir líka.
„Þetta verður fimm stjörnu
kvöld þar sem allir tónlistar-
mennirnir gefa vinnu sína,“
segir Guðmundur.
Miðaverð á tónleikana, sem
haldnir verða í Háskólabíói í
kvöld, er aðeins 2.000 krónur og
renna þær óskertar til félagsins.
Flytjendurnir eru ekki af verri
endanum, en fram koma Ingó
og Veðurguðirnir, Jón Jónsson,
Moses Hightower, Valdimar og
Jónas Sigurðsson & Ritvélar
framtíðarinnar. Miða má nálgast
á midi.is og í verslunum Brim.
- trs
Fimm stjörnu tónleikar
EINSTÖK BÖRN Guðmundur Björgvin, formaður félags Einstakra barna, segir styrktar-
tónleikana í kvöld lofa góðu. FRÉTTABLAÐIÐ/VILHELM