Fréttablaðið - 19.04.2012, Blaðsíða 10

19. apríl 2012 FIMMTUDAGUR10
KOMINN Í SKÓLA Milljónir fátækra
barna á Indlandi hafa nú í fyrsta sinn
hafið skólagöngu, eftir að skólaskylda
var í lög leidd. Þessi piltur er að biðja
bænir í skóla úti undir berum himni.
FRÉTTABLAÐIÐ/AP
DANMÖRK Tvö kínversk vind-
orkufyrirtæki, Sinovel og
Goldwind, eru sögð hafa
mikinn áhuga á að kaupa
danska vindorkufyrirtækið
Vestas, að því er greint er frá á
vef Jyllands-Posten.
Fréttin varð til þess að hluta-
bréf í danska fyrirtækinu
hækkuðu um 15 prósent.
Kínversku vindorkufyr-
irtækin hyggjast færa út
kvíarnar en ekki þykir víst að
þeim takist að kaupa Vestas
vegna flókinnar samsetningar
eigenda.
Jafnframt þykir óvíst hvort
Kínverjar séu reiðubúnir að
reiða fram þá mörgu milljarða
sem þarf til þess að fá eigend-
ur til að selja hlutabréf sín. - ibs
Danskt vindorkufyrirtæki:
Kínverjar vilja
í vindmyllu-
bransann
Truflandi næturfótbolti
Íbúar í nágrenni svokallaðs battavallar
við Réttarholtsskóla kvarta ítrekað
yfir miklum hávaða og ónæði sem
þeir segja stafa af knattspyrnuiðkun
ungmenna á vellinum seint um kvöld
og að næturlagi. Þetta kemur fram í
fundargerð hverfisráðsins sem hyggst
beita sér fyrir lausn á málinu í sam-
vinnu við lögregluyfirvöld, borgina og
stjórnendur Réttarholtsskóla.
REYKJAVÍKURBORG
VEGAMÁL Undanfarin ár hefur borið á
því að of miklu hafi verið hlaðið á vöru-
flutningabíla sem flytja áburð, að því er
fram kemur á vef Vegagerðarinnar.
„Að gefnu tilefni mun umferðareftirlit
Vegagerðarinnar á næstunni veita þessum
flutningum sérstaka athygli í þeim til-
gangi að fyrirbyggja og fækka brotum,“
segir þar. Með því á bæði að tryggja aukið
umferðaröryggi og vernda vegakerfið.
„Nú er hafinn tími áburðarflutninga um
allt land. Á undanförnum árum hefur tals-
vert verið um þungabrot tengd þessum
flutningum auk þess sem frágangi farms
hefur í mjög mörgum tilfellum verið veru-
lega áfátt,“ segir á vef Vegagerðarinnar.
Bent er á að vegna leysinga sé vega-
kerfið víða viðkvæmt og í mörgum tilfell-
um þörf á þungatakmörkunum til vernd-
unar. „Mikilvægt er að flutnings aðilar
hafi þetta í huga og kynni sér vel þær
þyngdir sem leyfðar eru hverju sinni til
að komist verði hjá kærum og fjárútlátum
vegna sekta.“
Þá minnir Vegagerðin á reglugerð um
hleðslu, frágang og merkingu farms.
Þar segir að farm ökutækis skuli skorða
tryggilega og festa við ökutækið og ganga
þannig frá að byrgi ekki útsýni ökumanns.
- óká
Auka eftirlit til að vernda vegakerfið og tryggja betur umferðaröryggi:
Vegagerðin fylgist með fóðurflutningum
INNI Í VÖRUBÍL Farmur vöruflutningabíla á að vera tryggilega
festur og hann má ekki byrgja ökumanni sýn. FRÉTTABLAÐIÐ/VALLI
SVEITARSTJÓRNIR Meirihluti atvinnu-
málanefndar Ísafjarðar bæjar
segir verulega annmarka á frum-
varpi sjávarútvegsráðherra
um stjórn fiskveiða. 87 prósent
af aflaheimildum séu á lands-
byggðinni og breytingarnar komi
því harðast niður þar.
„Á Vestfjörðum var auðlinda-
gjaldið á síðasta ári 255 milljónir.
Með nýja frumvarpinu verður
það hins vegar um 1,4 milljarðar,
þar af 1,2 á norðanverðum Vest-
fjörðum,“ segir atvinnumála-
nefndin og vísar þar í útreikninga
Atvinnuþróunarfélags Vestfjarða.
Svo mikla aukningu á skatt-
heimtu af burðarfyrirtækjum
á svæðinu sé ekki hægt að sam-
þykkja. „Sérstaklega ekki meðan
ótryggt er að nokkuð af þeim
tekjum skili sér aftur til upp-
byggingar í Ísafjarðarbæ. Eins er
engin vissa fyrir því að það sem
skilar sér vegi upp það tap sem
sveitarfélög verða fyrir vegna
þess útsvars sem tapast,“ segir
atvinnumálanefndin. „Líklegt er
að störfum muni fækka enn frekar
en orðið er og laun lækka hjá sjó-
mönnum og fiskvinnslufólki, sem
hafa mun áhrif á útsvar sveitar-
félaga. Þá mun draga verulega úr
fjárfestingu fyrirtækja í greininni
með tilheyrandi afleiðingum fyrir
minni þjónustufyrirtæki.“
Þá segir nefndin ekki sátt vera
um skerðingu á kvóta núver-
andi handhafa, til að mynda
potta fyrir nýliða. „Þar er í ein-
hverjum til fellum verið að hygla
áhuga mönnum á kostnað atvinnu-
manna,“ segir nefndin sem hins
vegar kveður væntanlega hægt að
ná „einhverri sátt“ um þær greinar
frumvarpsins er varða nýtingar-
samninga og pottafyrirkomulag.
„Með nýtingar samningum til 20
ára, og möguleika á framlengingu,
ættu fyrirtæki að geta skipulagt
sig til framtíðar. - gar
Atvinnumálanefnd Ísafjarðar varar við frumvarpi:
Telja auðlindagjald
munu fimmfaldast
ÍSAFJÖRÐUR Vestfirsk fyrirtæki greiddu
255 milljónir í auðlindagjald í fyrra.
Ísfirðingar segja ekki hægt að samþykkja
margföldun á gjaldinu.
MYND/HALLDÓR SVEINBJÖRNSSON
VEGAMÁL Innanríkisráðherra hefur
ákveðið að Vegagerðin skuli ekki
vinna áfram að til lögum um til-
teknar breytingar á legu hring-
vegarins í sveitarfélaginu
Skagafirði, Blönduósbæ og Húna-
vatnshreppi. „Samkvæmt því
dregur Vegagerðin til baka kröfur
um að hugsanlegar veg-
línur verði sýndar á
aðalskipulagi sveitar-
félaganna,“ segir í bréfi
sem Hreinn Haraldsson
vegamálastjóri skrifaði
viðkomandi sveitarfé-
lögum síðasta þriðjudag.
Í bréfi sem Ögmundur
Jónasson innanríkisráð-
herra skrifaði vegamála-
stjóra, dagsettu 13. apríl
síðastliðinn, óskar hann
eftir því að Vegagerðin
sendi sveitar félögunum
bréf. „Fyrir liggur að ég
hef tekið ákvörðun er
varðar innanríkisráðu-
neytið og stofnanir þess
í samráði við sveitar-
félögin á þessu svæði
um að ekki verði gerðar tillögur
um flutning á hringveginum frá
Blönduósi yfir á nýja Svínvetninga-
braut né flutning hans til suðurs
frá Varmahlíð,“ segir Ögmundur í
bréfinu. Hann vísar til fyrri sam-
skipta við sveitarfélögin í kjölfar
skoðanaskipta á ársþingi Sam-
taka sveitarfélaga á Norðurlandi
vestra [SSNV] í ágúst. „Ég lít svo
á að flutningur hringvegarins á
þessum stöðum eigi ekki að vera
viðfangsefni skipulagsyfirvalda
nema sveitar félögin óski sjálf eftir
því,“ segir hann í bréfi til SSNV í
lok nóvember í fyrra.
Sveitarfélögin á svæð-
inu hafa mótmælt harð-
lega hugmyndum um
styttingu þjóðvegarins. Í
þingsályktunartillögu um
styttingu þjóðvegarins
með lagningu nýs vegar á
Svínavatnsleið, sem Sig-
mundur Ernir Rúnarsson,
þingmaður Samfylkingar
ásamt þingmönnum fleiri
flokka lagði fram á þingi
fyrir áramót, er bent á að
þjóðhagslegur ávinningur
væri af því að stytta leið-
ina. „ Lagning Svínavatns-
leiðar mun, auk styttri
aksturs leiðar og þar með
minni aksturs, skemmri
aksturs tíma og minni los-
unar mengandi efna, án efa leiða
til aukins umferðar öryggis, minni
kostnaðar fyrir ökumenn, og minni
flutningskostnaðar svo og fjöl-
breyttara leiðavals ökumanna,“
segir í greinargerðinni.
olikr@frettabladid.is
BLÖNDUÓS Sveitarstjórnarmenn hafa mótmælt harðlega hugmyndum um stytt-
ingu hringvegarins sem fært hefði bæði Blönduós og Varmahlíð úr alfaraleið
hringvegarins um landið. FRÉTTABLAÐIÐ/VALLI
Hætt við styttingu hringvegar
Innanríkisráðherra hefur fallist á sjónarmið sveitarfélaga sem lagst hafa gegn hugmyndum um styttingu
hringvegarins. Blönduós og Varmahlíð verða áfram við hringveginn. Vegamálastjóri sendi bréf í vikunni.
Breytingar á legu vega eru yfirleitt gerðar í samráði og samvinnu við sveitarfélög
á hverjum stað, segir Hreinn Haraldsson vegamálastjóri. Hann segir styttingu
hringvegarins með Svínvetningaleið eða færslu suður frá
Varmahlíð ekki hafa staðið til í bráð. „Þetta er ekki inni á 12
ára samgönguáætlun en við höfum hins vegar viljað hafa þetta
inni á skipulagi sveitarfélaganna, en ráðherra hefur ákveðið að
það skuli ekki gert,“ segir hann. Margt í ráðleggingum Vega-
gerðarinnar nái ekki fram að ganga. „Stjórnvöld stjórna þessu
eins og ýmsu öðru. Það er bara eins og gengur að ekki er alltaf
farið eftir því sem við vildum helst og þýðir ekkert að sýta það.“
Hugmyndirnar um styttingu þjóðvegarins hafa mætt veigamikilli
andstöðu heima fyrir. „Sveitarstjórnirnar hafa ekki getað gengið
frá sínum aðalskipulagstillögum vegna óska okkar um að þetta
verði inni. Því hefur verið þrýst mjög á um að þetta verði afgreitt,“ segir Hreinn,
en almennt fara sveitarstjórnir með skipulagsvaldið á hverjum stað. „Það er ekki
hægt að keyra yfir þeirra vilja í framkvæmdum. Þær gefa leyfi fyrir öllum nýjum
framkvæmdum og hafa þannig í hendi sér hvað þær heimila og hvað ekki.“
HREINN
HARALDSSON
Skipulagsvaldið er hjá sveitarfélögunum
Fyrir liggur að
ég hef tekið
ákvörðun er
varðar innan-
ríkisráðu-
neytið og
stofnanir þess
í samráði við
sveitarfélögin.
ÖGMUNDUR
JÓNASSON