Fréttablaðið - 19.04.2012, Blaðsíða 40

FÓLK|BÍLAR
ýjasti Porsche-bíllinn verður frum sýndur
hjá Bílabúð Benna í dag, sumardaginn
fyrsta. Um er að ræða Porsche 911,
ókrýndan konung sportbílsins í meira en
fjóra áratugi. Sjö kynslóðir af 911 bílnum
hafa átt sinn þátt í þróunar- og velgengnis-
sögu bílsins og verið um leið tákn fyrir ný
viðmið í hönnun sportbíla um allan heim.
Benedikt Eyjólfsson, framkvæmdastjóri
Bílabúðar Benna, segir nýja bílinn vera
enn eina staðfestinguna á því að Porsche
beri höfuð og herðar yfir aðra sportbíla í
heiminum. „Þegar 911 Turbo bíllinn kom
á markað árið 2003 stóðum við bílaáhuga-
menn stjarfir. Sá bíll var 4,6 sekúndur upp
í 100 en þessi er 4,1 sekúndur.“ Porsche
hefur smíðað þessa bíla í nærri 50 ár og
þeir eru alltaf að bæta þá að sögn Bene-
dikts. Hann segir að líkja megi þeirri þróun
við 100 metra spretthlauparann sem braut
10 sekúndna múrinn. Í stað þess að stefna
undir 9,9 sekúndur sé stefnt á 7 sekúndna
múrinn. „Fyrir bílakalla er þetta bara ekki
hægt. Það er svo mikil upplifun að keyra
þennan bíl að það er ekki hægt að lýsa því.
Þetta er allt öðruvísi en að keyra alla aðra
bíla. Það er eins og það séu engin takmörk
hjá þeim þegar kemur að því að bæta sig.
Það eru hlutir í þessum bíl sem eru ótrú-
legir en samt heldur hann karakter sínum.“
Grunnverð Porsche 911 er 19.990.000
krónur.
LÉTTARI BÍLL MEÐ NÝJUNGUM
Ýmsar athyglisverðar breytingar hafa verið
gerðar á bílnum að sögn Benedikts. Meðal
helstu nýjunga má nefna að afl bílsins hefur
aukist, eldsneytisnotkun og útblástur hefur
minnkað og hjólhaf bílsins hefur verið lengt
um 10 cm. Með hugvitsamlegri hönnun
hefur síðan tekist að létta bílinn talsvert,
eða um 45 kíló þótt bílinn sé stærri en fyrra
módel. Nýi bílinn er með sjö gíra sjálf-
skiptingu og tvöfaldri kúplingu. „Síðan er
„launch control“ á bílnum, svipað og er á
bílum í Formúlunni,“ segir Benedikt. „Þú
ýtir á takka, stendur á bremsunni og botnar
bílinn. Svo þegar bremsunni er sleppt skýst
bíllinn af stað og er 4,1 sekúndu upp í 100.“
MINNI MENGUN EN UM LEIÐ MEIRI
KRAFTUR
Nýi Porsche 911 mengar lítið eða einungis
194 gr./km., sem er það lægsta sem sést
hefur hjá sportbíl að sögn Benedikts. Hann
bendir á að þrátt fyrir minni eyðslu og út-
blástur kemur það með engum hætti niður
á frammistöðu bílsins. „Sem dæmi má
nefna að á kappakstursbrautinni í Nürbur-
gring í Þýskalandi fór hann hringinn á sjö
mínútum og 40 sekúndum sem er heilum
fjórtán sekúndum betri tími en hjá fyrri út-
gáfu bílsins. Það er ótrúlegur árangur hjá
afturhjóladrifnum bíl.“
Í afturhjólum bílsins er síðan driflæsing
sem gerir það að verkum að þegar bíllinn
beygir, til dæmis í hringtorgum, þá beygir
hann líka með afturhjólunum. „Hann hægir
á öðru hjólinu en herðir á hinu, þetta er
alveg ótrúlegt. Þú finnur í hringtorgum
hvernig afturhjólið er að hjálpa fram-
hjólunum í beygjunni.“
BREYTT HÖNNUN EN KLASSÍSKT ÚTLIT
Hönnun bílsins hefur líka tekið miklum
breytingum þótt það sjáist ekki endilega
við fyrstu sýn. Bíllinn hefur klassískt útlit
911 bílsins að sögn Benedikts. „Þessar
nýjungar sem við erum að kynna í dag
sýna enn og aftur að leitinni að fullkomnun
hjá Porsche lýkur aldrei.“
Ný innrétting er í bílnum sem er í sama
stíl og Cayenne og Panamera bílarnir frá
Porsche. Miðjustokkurinn er upphár og
bílstjórinn situr aðeins neðar en áður þótt
plássið sé í raun meira. Einnig er búið
að færa vélina framar í bílnum. „Í raun á
911 bíllinn ekki að virka eins vel og hann
gerir því vélin er aftur í. Þess vegna er svo
aðdáunar vert hvað þeir ná ofsalegri virkni.
Það er enginn „boddý“ hlutur eins og í
gamla bílnum. Þetta er gjörsamlega nýr bíll
en samt sérðu varla mun við fyrstu sýn.“
SKEMMTILEGUR AUKABÚNAÐUR Í BLAND
VIÐ GLÆSILEGUR STAÐALBÚNAÐ
Glæsilegur staðalbúnaður er í Porsche
911 eins og almennt er í Porsche bílum.
Innréttingar eru klæddar leðri og sæti raf-
magnsknúin. „Einnig er hægt að bæta við
ýmsum aukabúnaði, t.d. keramik bremsum
eins og á kappakstursbílum. Í boði er
einnig sportpúst sem virkar þannig að þú
ýtir á takka og þá opnast pústið. Einnig er
hægt að kaupa stærri felgur og mikið úrval
aukahluta.“
Porsche er að sögn Benedikts
toppurinn á þýska bílamarkaðnum sem
þó einkennist af hágæðabílum. Besta
tæknin sé hjá þýskum bílaframleiðendum
og þar tróni Porsche á toppnum. „Það
miða sig allir við Porsche. Ef þú skoðar
aðra þýska gæðabíla, t.d. Mercedes,
BMW og Audi, þá fær til dæmis enginn
þeirra leyfi til að fara yfir 250 km hraða
á klukkustund. Meira að segja Porsche
Cayenne turbo jeppinn fer í 280 km hraða
á klukkustund. Hámarkshraði nýja 911
bílsins er 304 km./klst.“
KONUNGUR SPORTBÍLANNA
BÍLABÚÐ BENNA KYNNIR Þýski bílaframleiðandinn Porsche hefur verið leiðandi í framleiðslu sportbíla í áratugi. Bílabúð Benna
frumsýnir nýjasta flaggskip þeirra, Porsche 911, í dag.
Í FARARBRODDI
Sjö kynslóðir af Porsche 911
bílnum hafa átt stóran þátt í
þróunar- og velgengnissögu
bílsins. Um leið hefur hann verið
tákn fyrir ný viðmið í hönnun
sportbíla um allan heim.
BREMSUR
Glæsilegur staðalbúnaður er í Porsche 911 eins
og leðurklæddar innréttingar og rafmagnsknúin
sæti. Ýmis aukabúnaður er einnig í boði, til
dæmis keramik bremsur eins og finna má í kapp-
akstursbílum.
TOPPURINN
Porsche er að sögn
Benedikts toppurinn á
þýska bílamarkaðnum
sem þó einkennist af
hágæðabílum á borð
við Mercedes, BMW
og Audi.