Fréttablaðið - 19.04.2012, Blaðsíða 66

19. apríl 2012 FIMMTUDAGUR58 58
popp@frettabladid.is
Aðalfundur GFF
verður haldinn fimmtudaginn 26. apríl
kl 15 í fyrirlestrarsal Þjóðminjasafnsins.
Allt áhugafólk um gróður
og umhverfisvernd
velkomið
37 DAGAR í aðalkeppni Eurovision
33
Heitasta slúðrið í Hollywood um
þessar mundir er um meint ást-
arsamband stjarnanna Ashtons
Kutcher og Milu Kunis.
Ashton og Mila hafa verið vinir í
mörg ár en þau kynntust við tökur
á þáttunum That 70‘s Show, sem hóf
göngu sína árið 1998 og kom þeim
báðum á kortið. Það er því ekki
ósennilegt að þrátt fyrir að hafa
farið saman í húsgagnaverslun og
kvöldmat áður en þau fóru saman
heim til Kutcher nú fyrr í vikunni,
sé bara um að ræða vinskap þeirra
á milli. Það er þó aldrei að vita
nema ást sé í spilunum og vilja sér-
fræðingar meina að líkamstjáning
þeirra á myndum sem náðst hafa
af þeim saman beri með sér að þau
séu að leyna einhverju.
Meira en vinir?
NÝ ÞRÓUN Kutcher og Kunis hafa verið vinir í fjölmörg ár, en nú er uppi orðrómur
um að vináttan hafi þróast út í eitthvað meira.
Poppprinsessan Britney Spears
ku vera komin með pennann í
hendurnar og tilbúin að skrifa
undir samning við Simon Cowell
um að setjast í dómarasætið í
bandarísku X Factor keppninni.
Frá þessu greinir miðillinn TMZ
en ef rétt reynist mun Spears
eflaust trekkja að þónokkuð
áhorf. Spears ætlar ekki að gera
þetta ókeypis en samkvæmt
heimildum TMZ á Spears að fá
um 15 milljón dali fyrir vinnuna.
Spears sest þá í einn af
tveimur lausum stólum við
dómara borðið en bæði Paula
Abdul og Nicole Scherzinger, sem
voru dómarar í fyrra, hafa yfir-
gefið keppnina.
Britney
tilbúin fyrir
X Factor
DÓMARI Samningar eru að nást milli
Britney Spears og Simons Cowells um
að hún verði dómari í næstu X Factor
keppninni í Bandaríkjunum.
NORDICPHOTOS/GETTY
Bíó ★★★ ★★
21 Jump Street
Leikstjórn: Phil Lord, Chris Miller
Leikarar: Jonah Hill, Channing
Tatum, Brie Larson, Dave Franco,
Ellie Kemper, Rob Riggle, Ice
Cube
Hér er á ferðinni kvikmynd byggð
á sjónvarpsþáttunum 21 Jump
Street sem nutu mikilla vinsælda
á 9. áratug síðustu aldar. Þar var
ungur Johnny Depp í hlutverki
leynilöggu sem ásamt félögum
sínum faldi sig innan um unglinga
og leysti glæpi í skólum og skúma-
skotum þar sem óþekk ungmenni
héldu sig. Sprellið ræður ríkjum
í nýju uppfærslunni og eru það
gosarnir Jonah Hill og Channing
Tatum sem sjá um fjörið.
Lögreglumennirnir Greg og
Morton fá það verkefni að afhjúpa
eiturlyfjahring sem teygir anga
sína í fyrrum menntaskóla þeirra
félaga, þar sem Greg var vinsæll
á sínum tíma en Morton alls ekki.
Þeir dulbúa sig sem nemendur við
skólann og sökum klaufa skapar
neyðist lúðinn til að leika hlut-
verk þess vinsæla og öfugt. Málið
reynist hættulegra en það virtist í
fyrstu og löggurnar tvær þurfa að
lokum að grípa til vopna.
Myndir um spaugileg vista-
skipti hafa kitlað hláturtaugar
kvikmyndahúsagesta lengur en
elstu menn muna. 21 Jump Street
gerir þetta ágætlega og áreynslu-
lítið. Aðalleikararnir tveir eru
kómískir, án þess þó að hálfdrepa
áhorfendur úr hlátri, og sam leikur
þeirra er skemmtilegur. Báðir líta
þeir þó út fyrir að vera um þrí-
tugt (sem þeir eru) og grefur það
undan trúverðugleika myndar-
innar. Þá kemur Dave Franco, tví-
fari og litli bróðir leikarans James
Franco, skemmtilega á óvart með
sterkum og dramatískum leik sem
smákrimminn Eric.
Þessi ágæti grínhasar krefst
engrar þekkingar á sjónvarps-
þáttunum gömlu, og þrátt fyrir
skort á stjórnlausum hlátrasköll-
um má vel hafa gaman af 21 Jump
Street. Haukur Viðar Alfreðsson
Niðurstaða: Mátulegur skammtur af
formúluskopi. Allt gott og blessað.
SKÁLKAR Á SKÓLABEKK
SKEMMTILEGIR Jonah Hill og Channing Tatum er góðir saman í 21 Jump Street.
Eurovision-tónleikar verða haldnir í Amsterdam á
laugardagskvöldið, fjórða árið í röð.
Tónleikarnir voru fyrst haldnir sem hálfgert grín
árið 2009 og var öllum þátttökulöndum boðið að
koma með sitt lag og taka þátt. Síðan þá hafa þeir þó
stækkað umtalsvert og metþátttaka verður á tón-
leikunum þetta árið. Meirihluti þeirra landa sem taka
þátt í Eurovision í lok maí sendir framlag sitt til þátt-
töku á tónleikunum, en þar koma fram 24 af þeim 42
löndum sem keppa í Baku.
Ísland verður því miður ekki meðal flytjenda á tón-
leikunum frekar en flestar aðrar Norðurlandaþjóðir,
en Finnar halda uppi heiðri norðursins og verða þeir
einu af Norðurlöndunum sem taka þátt. Tónleikunum
verður stýrt af hollenska Eurovisionfaranum frá 1993,
Ruth Jacott, og hollenska þulnum Cornald Maas.
Metþátttaka á
Eurovision-tónleikum
TAKA ÞÁTT Írsku
töffararnir í Jedward
eru meðal þeirra
24 atriða sem fram
koma á tón leikunum
í Amsterdam.
LEIKKONAN KATE HUDSON er 33 ára í dag. Hún fagnar
eflaust afmælisdeginum með manni sínum Matthew Bellamy,
söngvara Muse, og sonum sínum Bingham og Ryder.