Fréttablaðið - 19.04.2012, Blaðsíða 78

19. apríl 2012 FIMMTUDAGUR70
Í
2012
Tónlistarmaðurinn Smutty Smiff
er nýkominn heim frá Banda-
ríkjunum þar sem hann ferðaðist
um og kynnti nýtt hárgel úr sinni
smiðju fyrir heimamönnum. Gelið
nefnist JS Sloane, var heilt ár í
þróun og er ætlað herramönnum
og rokkabillí-aðdáendum.
„Þetta hefur gengið mjög vel.
Ég var að ganga frá stórri pöntun
við þýska heildsölu og þar með er
fyrsta upplagið af gelinu nánast
uppselt,“ segir Smutty og lýsir
gelinu sem hágæða vöru sem
ætluð er herramönnum í anda Don
Draper úr sjónvarps þáttunum
Mad Men og Nucky Thompson úr
Boardwalk Empire.
Smutty er þekkt andlit innan
alþjóðlegu rokkabillísenunnar
vegna tónlistar sinnar en hann
hefur einnig starfað sem hár-
greiðslumaður í rúm þrjátíu ár og
þaðan kom hugmyndin og þekking-
in að baki hárgelinu. „Mig langaði
að skapa hágæða hárvöru í anda
þess sem notað var á fimmta og
sjötta áratugunum en færa það í
nútímalegan búning. Það tók ár
að þróa gelið og ég er mjög sáttur
við útkomuna, enda mundi ég ekki
setja nafnið mitt við eitthvað sem
væri ekki fullkomið. Ég sá til þess
að allt útlit vörunnar, gæði hennar
og lyktin væri hundrað prósent
enda er markhópurinn menn eins
og Johnny Depp, Brad Pitt og
George Clooney,“ segir Smutty og
bætir við að hann hafi afhent Depp
dollu af gelinu á meðan hann dvaldi
í Bandaríkjunum. Leikarinn var þó
ekki eina stórstjarnan sem fékk
geldollu í hendurnar því söngvar-
inn Chris Isaak fékk einnig prufu
sem og leikarar Mad Men þátt-
anna. „Ég er með sambönd frá því
ég var í rokkinu og nota þau,“ segir
Smutty í gamansömum tón.
Gelið fæst eingöngu í Herra-
fataverslun Kormáks og Skjaldar
á Laugavegi og kveðst Smutty
mjög vandlátur þegar kemur að
vali á sölustöðum. Hann vill ekki
að gelið endi í hillum stór markaða
við hliðina á ódýrari týpum og
nefnir í því samhengi Silver, gelið
sem Logi Geirsson og Björgvin
Páll Gústavsson framleiða. „Ég
mundi ekki vilja það nærri mínu
hári,“ segir Smutty að lokum.
sara@frettabladid.is
SUMARLAGIÐ
Ég sá til þess að
allt útlit vörunnar,
gæði hennar og lyktin væri
hundrað prósent enda er
markhópurinn menn eins og
Johnny Depp, Brad Pitt og
George Clooney
Lagið Hold You (hold yuh) með
Gyptian er tilvalið til að keyra
um með rúðurnar niðri í sumar-
sólinni.
Hafsteinn Júlíusson, vöruhönnuður og
eigandi hönnunarfyrirtækisins HAF.
SMUTTY SMIFF: ÞAÐ TÓK ÁR AÐ ÞRÓA GELIÐ OG ÉG ER MJÖG SÁTTUR
Markhópurinn menn eins
og Clooney, Depp og Pitt
FLOTTUR Smutty Smiff, tónlistarmaður og gelframleiðandi, setti nýverið á markað
hárgelið JS Sloane. Gelið er hágæðavara sem seldist nærri því upp samstundis.
FRÉTTABLAÐIÐ/HAG
Kvikmyndaleikstjórinn Baltas-
ar Kormákur vinnur nú að kvik-
myndinni 2 Guns, sem skartar
Mark Wahlberg og Denzel
Washington í aðalhlutverkum
ásamt leikkonunni Paulu Patton.
Baltasar réði nýlega töku-
manninn Oliver Wood, sem er
einn sá eftirsóttasti í bransanum.
„Hann hefur meðal annars tekið
allar Bourne-myndirnar og síðast
tók hann Safe House með Denzel
og Ryan Reynolds,“ segir hann.
Þá hefur Beth Mickle verið ráðin
til að sjá um útlit myndarinnar,
en hún sá t.d. um útlit verðlauna-
myndarinnar Drive.
„Þetta er algjörlega frábært,
enda fólk sem er slegist um
í bransanum,“ segir leik-
stjórinn Baltasar Kormákur um
ráðningarnar. Áætlað er að hefja
tökur á 2 Guns í júní.
Ræður eftirsóttasta fólkið í bransanum
ALLT Á FULLU Baltasar vinnur nú að næstu mynd sinni, 2 Guns, og sópar að sér
fagfólki í bransanum.
„Það var mjög gaman að vera á „setti“ og
kynnast auglýsingageiranum,“ segir Unn-
steinn Manuel Stefánsson, forsprakki Retro
Stefson.
Nýtt lag með hljómsveitinni sem nefnist
Kensho verður frumflutt í kvöld í aug lýsingu
fyrirtækisins Vodafone. Þar spila Unnsteinn
og félagar lagið á snjallsíma og iPad.
„Við erum búin að vinna að því í fjögur
ár,“ segir hann um nýja lagið. Það átti upp-
haflega að vera á fyrstu plötu sveitarinnar
en ekki tókst að ljúka við það í tæka tíð
og heldur ekki fyrir þá næstu sem kom
út fyrir jólin 2010. Þess í stað verður það
líkast til á þriðju plötunni sem er væntan-
leg í lok sumars eða snemma í haust.
Aðspurður segir Unnsteinn að vissulega
hafi þau þurft að hugsa sig um áður en
þau seldu lagið í auglýsinguna, enda hefur
sveitin ekki gert svona lagað áður. „En svo
eigum við heima á Íslandi þar sem annar
hver maður er á gestalista og maður fær
aldrei borgað fyrir neitt. Maður þarf líka
að eiga fyrir salti í grautinn.“
Eitt annað stórt fyrirtæki hafði áhuga
á að nota lagið í aðra auglýsingu en á
endanum hreppti Vodafone hnossið.
Spurður hvort tilboðið frá þeim hafi verið
gott segir Unnsteinn einfaldlega að það hafi
verið fínt.
Retro Stefson ætlar að spila á að minnsta
kosti tveimur erlendum tónlistarhátíðum
á mánuði í sumar. Sveitin spilar á smærri
hátíðum en í fyrra en á stærri sviðum og
hjálpar þar til útgáfusamningur sem hún
gerði við Universal. - fb
Retro Stefson með lag í nýrri auglýsingu
NÝTT LAG Nýtt lag með hljómsveitinni Retro Stefson
verður frumflutt í kvöld.