Fréttablaðið - 05.05.2012, Qupperneq 10

5. maí 2012 LAUGARDAGUR10
GRIKKLAND Fastlega er reikn-
að með því að grískir kjósendur
muni refsa bæði sósíalistaflokkn-
um PASOK og hægriflokknum
Nýju lýðræði í þingkosningum á
morgun.
Þessir tveir flokkar hafa lengi
skipst á um að vera með völdin og
tóku loks höndum saman þegar
efnahagskreppan var orðin óvið-
ráðanleg síðastliðið haust.
Kjósendur virðast ekki velkjast
í vafa um að báðir þessir flokkar
beri ábyrgð á kreppunni og þeim
óvinsælu aðhaldsaðgerðum sem
gripið hefur verið til.
Samkvæmt síðustu skoðana-
könnunum hefur Nýtt lýðræði
mælst með rúmlega 20 prósenta
fylgi en PASOK með um 15 pró-
senta fylgi, sem er gríðarlegt fylg-
istap frá þingkosningunum árið
2009 þegar PASOK vann sigur
með nærri 45 prósentum atkvæða
en Nýtt lýðræði fékk nærri 35 pró-
sent.
Smærri flokkar hafa í stað-
inn verið að sækja í sig veðrið,
einnig öfgaflokkar bæði á hægri
og vinstri væng stjórnmálanna,
en enginn einn þessara smærri
flokka hefur þó síðustu vikurnar
verið að mælast með meira fylgi
en tíu prósent og þar fyrir innan.
Það má því búast við að sex eða
sjö flokkar standi álíka sterkt –
eða veikt – að vígi þegar kemur að
stjórnarmyndun eftir kosningar,
þótt PASOK og Nýtt lýðræði verði
eilítið stærri en hinir.
Minni flokkarnir hafa almennt
lýst harðri andstöðu við efnahags-
aðgerðir stjórnarinnar, sem bitnað
hafa hart á almenningi. Þar á ofan
hefur Nýtt lýðræði heitið því að
ganga ekki aftur til stjórnarsam-
starfs með PASOK.
Mikil óvissa ríkir því um það
hvað verður eftir kosningar um
efnahagsaðgerðirnar, sem Evrópu-
sambandið og Alþjóðagjaldeyris-
sjóðurinn gerðu að skilyrði þess
að Grikkir fengju fjárhagsaðstoð.
Antonis Samaras, leiðtogi Nýs
lýðræðis, hefur reyndar á síðustu
dögum höfðað meira til andstöðu
Grikkja við útlendinga og lofar því
að reka alla ólöglega útlendinga úr
landi: „Þeir hafa orðið harðstjórar
í þjóðfélagi okkar,“ sagði Samaras
á kosningafundi á fimmtudag.
Samkvæmt grískum lögum er
bannað að birta skoðanakannanir
síðustu tvær vikurnar fyrir kosn-
ingar. Þetta þýðir að bæði stjórn-
málamenn og kjósendur renna
dálítið blint í sjóinn, því fylgi
flokka getur hæglega hafa breyst
töluvert frá því síðustu kannanir
voru birtar. gudsteinn@frettabladid.is
Grikkir kjósa
sér nýtt þing
Mikil óvissa ríkir um afdrif efnahagsaðgerða grískra
stjórnvalda. Stjórnarflokkunum spáð miklu tapi en
vægi smærri flokka á hægri og vinstri kanti vex.
ANTONIS SAMARAS Leiðtogi hægrimanna lofar að reka alla ólöglega útlendinga úr
landi. NORDICPHOTOS/AFP
BANDARÍKIN, AP Í herstöð Banda-
ríkjamanna á Kúbu hefjast í dag
réttarhöld yfir fimm föngum sem
sakaðir eru um að hafa skipulagt
árásirnar á Bandaríkin þann 11.
september 2001.
Í yfirheyrslum, sem að hluta fóru
þannig fram að fangarnir voru
beittir pyntingum, hafa þeir allir
játað sekt og jafnvel sagst stoltir af
afrekinu. Lögmaður eins þeirra seg-
ist hins vegar telja að þeir ætli allir
að lýsa sig saklausa í dag og verjast
þrátt fyrir fyrri yfirlýsingar um að
þeir taki ekki mark á dómstólunum
og kjósi hvort eð er dauðann.
„Hann hefur engan hug á því að
lýsa sig sekan,“ sagði lögmaðurinn,
Jim Harrington, um skjólstæðing
sinn, Ramzi Binalshibh. „Ég held
að enginn þeirra ætli að lýsa sig
sekan.“
Réttarhöld í máli þeirra voru
langt komin í undirbúningi sum-
arið 2008 þegar Barack Obama
Bandaríkjaforseti reyndi að fá fang-
ana flutta til Bandaríkjanna þar
sem þeir kæmu fyrir borgaralega
dómstóla eins og aðrir sakamenn.
Obama fékk ekki stuðning til þess á
þingi, en fyrirkomulagi dómnefnda
á Kúbu var breytt nokkuð. - gb
Réttarhöld yfir fimm Guantanamo-föngum hefjast í dag:
Neita sök og ætla að verjast
Í GUANTANAMOFLÓA Enn eru nærri 170
fangar í búðunum og hafa sumir verið
þar í meira en áratug, án þess að koma
fyrir dómara. NORDICPHOTOS/AFP
SORPA bs óskar eftir tilboðum í verkið:
„Gámaleiga, flutningar og losun gáma frá endurvinnslu-
stöðvum SORPU bs“
Samningstími er frá 1. janúar 2013 til 31. desember 2015 eða til 31. desember 2017, en
mögulegt er að bjóða til þriggja ára og/eða til fimm ára.
Verkefnið felst í útvegun opinna og lokaðra gáma, pressugáma, grinda og kerja,
alls 263 stk ásamt því að sjá um flutning og losun úrgangs sem berst til
endurvinnslustöðvanna.
Meginverkefni verktaka er að tryggja að á endurvinnslustöðvum SORPU séu ávallt til
reiðu gámar fyrir mismundandi tegundir úrgangs. Mismikið berst til stöðvanna eftir
vikudögum, árstíðum og veðri.
Árið 2011 bárust alls um 29.000 tonn.
Heimilt er að bjóða í eina eða fleiri endurvinnslustöðvar. Samningar geta því orðið
einn eða fleiri, allt að sex.

Afhending útboðsgagna verður á bílavoginni við móttökustöð SORPU bs í Gufunesi,
112 Reykjavík, frá þriðjudeginum 8. maí kl. 13:00, gegn kr. 15.000.- gjaldi. Gögnin eru
á geisladiski.
Tilboð skulu hafa borist á skrifstofu SORPU bs Gylfaflöt 5, 112 Reykjavík, eigi síðar
en fimmtudaginn 28. júní 2012 kl. 11:00 og verða þau opnuð þar í viðurvist þeirra
bjóðenda sem þess óska.
Endurvinnslustöðvar
SORPU, útboð.
e fnahagsmal. is
EKKI TAKA ÞÁTT
Í NEINU Á NETINU
SEM ÞÚ VEIST
EKKI HVAÐ ER!
www.saft.is