Fréttablaðið - 05.05.2012, Síða 13

LAUGARDAGUR 5. maí 2012 13
DANMÖRK Muhudiin Mohamed
Geele, sem réðist inn á heimili
danska skopmyndateiknarans
Kurts Wester-
gaard á nýárs-
dag árið 2010
var á miðviku-
dag dæmdur í
tólf ára fangelsi
í hæstarétti í
Danmörku.
Réttur-
inn staðfesti
úrskurði lægri
dómstiga um
að um hryðjuverk hafi verið að
ræða, en bætti tveimur árum við
fangelsisdóminn frá landsrétti.
Westergaard er einn af teiknur-
unum sem gerðu skopmyndir af
Múhameð spámanni fyrir Jót-
landspóstinn árið 2005. - þj
Lokaniðurstaða í dómsmáli:
Þyngri dómur
yfir axarmanni
KURT
WESTERGAARD
SAMFÉLAGSMÁL Samtök meðlags-
greiðenda voru stofnuð í gær.
Markmið samtakanna er að standa
vörð um réttindi meðlagsgreið-
enda og knýja fram réttindabæt-
ur handa þeim, meðal annars með
bættri aðkomu að bótakerfinu, er
fram kemur í tilkynningu.
Meðlagsgreiðendur á Íslandi
sem jafnframt eru umgengnis-
foreldrar eru um tólf þúsund. Í
tilkynningunni segir að hópurinn
fái til að mynda engar barnabæt-
ur og aðkoma þeirra að vaxta- og
húsaleigubótakerfinu sé nánast
engin þar sem fólkið hefur sömu
stöðu og barnlausir einstakling-
ar, sem ýmist eru einstæðir eða
komnir í sambúð. - sv
Samtök meðlagsgreiðenda:
Greiðendur fái
hærri bætur
UMVAFINN SLÖNGUM Slöngur hringuðu
sig um styttu af heilögum Dóminíkusi í
skrúðgöngu í bænum Cocullo á Ítalíu í
tilefni af dýrlingsdegi hans.
NORDICPHOTOS/AFP
VINNUMARKAÐUR Föst laun hækkuðu
um 4,3 prósent milli áranna 2010 og
2011. Hækkunin hélt ekki í við verð-
bólgu, sem var 5,6 prósent. Þetta
er meðal þess sem kemur fram í
Launagreiningu endurskoðunar-
fyrirtækisins PwC fyrir árið 2011.
Hækkun launa er í takt við
almenna kjarasamninga.
Stjórnendur fyrirtækja og stofn-
ana hækkuðu meira í launum en
aðrir hópar á þessu tímabili. Laun
forstjóra og framkvæmdastjóra
hækkuðu um 9,9 prósent og laun
millistjórnenda um 8,3 prósent.
Aðrir hópar hækkuðu minna.
Föst mánaðarlaun á Íslandi voru
að meðaltali 463 þúsund krónur
en heildarlaun 513 þúsund krónur.
Launagreiningin byggir á raungögn-
um úr launakerfum fyrirtækja og
stofnana og tekur til launa í septem-
bermánuði.
Fram kemur í greiningunni að
tekjur hópa, sem lækkuðu eftir
kreppuna, eru farnar að hækka
á nýjan leik. „Launaþróun ólíkra
hópa er æði misjöfn og sömu sögu
er að segja um hlutföll fastra launa
og aukagreiðslna í heildarlaunum,“
segir í tilkynningu fyrirtækisins.
- þeb
Launagreining PwC fyrir síðasta ár sýnir að hækkanir héldu ekki í við verðbólgu:
Laun stjórnenda hækkuðu meira en annarra
UNNIÐ Launahækkanir héldu ekki í við verðbólguna. Stjórnendur hækkuðu mest í
launum. FRÉTTABLAÐIÐ/VILHELM
SVEITARSTJÓRNARMÁL Tíu milljónir
króna eru til úthlutunar úr For-
varnarsjóði Reykjavíkur. Opnað
hefur verið fyrir umsóknir úr
sjóðnum á vef borgarinnar.
„Hlutverk sjóðsins er að stuðla
að forvörnum og styrkja félagsauð
í hverfum Reykjavíkur. Styrkir úr
sjóðnum verða veittir til verkefna
sem styðja forvarnir í þágu barna
og unglinga, eflingu á félagsauð í
hverfum borgarinnar og verk-
efnum sem stuðla að bættri lýð-
heilsu,“ segir í tilkynningu. Sækja
þarf um fyrir 14. maí. - óká
Tíu milljónir til skiptanna:
Efla á forvarnir
og félagsauð
Styrkja nema í strætó
Bæjarráð Árborgar hefur ákveðið að
námsmenn með lögheimili þar og
sem skráðir eru í háskóla eða fram-
haldsskóla á höfuðborgarsvæðinu fái
15 prósenta afslátt af persónubundn-
um íbúakortum í strætó frá og með
ágúst á þessu ári.
ÁRBORG
Í fyrsta sinn á Íslandi
Arion banki auglýsir eftir umsækjendum í Startup Reykjavík
sem er byggt á fyrirmynd TechStars í Bandaríkjunum.
Startup Reykjavík er vettvangur til að skapa frumkvöðlum betra umhverfi og stuðla
að frekari verðmæta- og fyrirtækjasköpun á Íslandi.
Umsækjendur geta verið allt frá því að vera með hugmynd á byrjunarstigi upp í að
reka sprotafyrirtæki sem komið er lengra.
Tíu viðskiptateymi verða valin til að vinna sínar hugmyndir áfram í 10 vikur.
Startup Reykjavík stendur yfir frá 11. júní – 20. ágúst 2012.
Viðskiptateymin tíu fá:
2 milljónir króna í hlutafé frá Arion banka gegn 6% hlutdeild í fyrirtækinu
10 vikna þjálfun frá sérfræðingum Innovits og Klaks
Tengingar og handleiðslu frá yfir 40 sérfræðingum úr íslensku atvinnulífi
Aðgang að sameiginlegri vinnuaðstöðu
Aðgang að víðtæku tengslaneti um heim allan
Að kynna á fjárfestaþingi undir lok verkefnisins
Umsóknarfrestur rennur út 7. maí.
Umsóknareyðublað og nánari upplýsingar má nálgast á startupreykjavik.com.