Fréttablaðið - 05.05.2012, Qupperneq 96

5. maí 2012 LAUGARDAGUR60
lifsstill@frettabladid.is
60
KYNLÍF: TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
KYNLÍF Ein kynlífsmýta, sem virðist
ekki ætla að deyja, er sú að píkan
verði víð við notkun. Í nýlegum kyn-
lífstækjaleiðangri rakst ég á krem
sem á að „þrengja“ píkuna svo hún
verði eins og í „fyrsta skipti“. Mig
langaði að taka þessa kremtúbu og
þrykkja henni í hausinn á starfs-
manninum. Það eru svona vörur sem
viðhalda mýtunni um að stelpur eiga
að vera „óspilltar“ og að reynsluleysi
í kynlífi sé hin æðsta dyggð. Ég sem
hélt að það að vera „þurrkunta“ væri
neikvætt.
Ég skal útskýra þetta nánar. Við
fyrstu samfarir eru leggöng oft
þröng vegna órofins meyjarhafts
en einnig vegna þess að daman er
stressuð og leggöngin því þurr. Það
að vera „þröng“ er því ekkert annað
en að troða sér í þurr leggöng sem
eru ekki tilbúin fyrir samfarir og
þurfa meiri nærgætni og örvun.
Rakastig legganganna fer ekki
eftir fjölda innsetninga lims heldur
hversu æst konan er, með tilliti til
lífeðlislegra ferla, svo sem hormóna.
Það er því ekki orsakasamband milli
rúmmáls legganga og tíðni samfara
eða fjölda bólfélaga.
Leggöng gefa eftir við kynferð-
islega örvun (og við fæðingu) en
ganga svo saman að verknaði lokn-
um. Rétt eins og athugasemdin um
greiða læknisins að gera „auka-
sporið“ á konu sem rifnaði við fæð-
ingu barns. Ég verð brjáluð þegar
ég heyri þennan „brandara“ því ég
velti því fyrir mér hvort sá hinn
sami haldi að typpi lengist því oftar
sem það er strokkað.
Ég get ekki bara „slakað á“ og
haft smá húmor því þessi mýta lifir
góðu lífi þar sem henni er viðhald-
ið af fávitum og fáfræðin bitnar á
óspenntum píkum. Í Mið-Afríku
brenna konur jurtir við leggöngin til
að þurrka þau upp svo þær virðist
þrengri og þar með „hreinni“. Í vest-
urheimi hafa lýtalæknar tekið þetta
verkefni að sér með meyjarhaftsað-
gerð og sílikonfyllingu. Í vanþróaðri
ríkjum nota konur rakvélablöð til að
ná fram sömu áhrifum.
Ég fæ oft spurninguna um víðu
píkuna í kynfræðslu svo ég ákvað
að taka þessa mýtu sérstaklega fyrir
þar. Kynferðislega æst stúlka mun
blotna og það er hvorki til marks um
kynlífsreynslu hennar né reynslu-
leysi, það er bara lífeðlislegt ferli.
Ég veit ekki hvernig það er hægt
að drepa þessa mýtu en eitt af vígj-
unum hljóta að vera markaðsöflin.
Ég ætla því að byrja á mínu nánasta
umhverfi og skora á Neytendasam-
tökin og Heilbrigðiseftirlitið að gera
rassíu í þessum verslunum og byrja
að uppræta mýturnar þar.
Mýtunni um þröngu
píkuna haldið við
Hættum að tengja ákveðið
útlit við heilbrigði og fögn-
um fjölbreytileikanum er
boðskapur Megrunarlausa
dagsins sem fer fram á
morgun. Samtök um líkams-
virðingu hvetja alla til að
staldra við og íhuga útlits-
boðskap samfélagsins.
HEILSA „Í dag finnst mér ríkja
meira samþykki fyrir því að fólk
megi ganga ansi langt í að grenna
sig og móta líkama sinn,“ segir
Sigrún Daníelsdóttir sálfræðing-
ur og formaður Samtaka um lík-
amsvirðingu, sem standa að Megr-
unarlausa deginum, sem fer fram
á morgun.
Sigrún segist finna fyrir breyt-
ingum í samfélaginu síðan fyrsti
Megrunarlausi dagurinn var hald-
inn hér á landi fyrir sex árum og
að umræðan sé að dragast í tvær
mismunandi áttir. „Annars vegar
er komið ákveðið samþykki fyrir
öfgafullum leiðum í heilsurækt og
þyngdarstjórnun þar sem útlits-
dýrkun er gríðarlega áberandi
og mér finnst eins og fólk sé í
sívaxandi mæli að tengja ákveðið
útlit við heilbrigði,“ segir Sigrún
og bætir við að sem betur fer sé
einnig að aukast vitund fólks um
mikilvægi andlegs og félagslegs
heilbrigðis. „Líðan okkar dag frá
degi, heilbrigð samskipti og heil-
brigð sjálfsmynd eru ekki síður
hluti af heilsu og velferð. Þrátt
fyrir þessar öfgar finnst mér líka
eins og samþykki fyrir fjölbreyti-
leikanum sé að aukast og fólk sé að
átta sig á mikilvægi þess að lifa í
sátt við líkama sinn.“
Sigrún segir fjölmiðla gegna
mikilvægu hlutverki í þessari
umræðu og telur að þeir verði að
átta sig á ábyrgðinni sem fylgir
myndbirtingum og umfjöllun-
um um heilsurækt og útlit. „Mér
finnst sorglegt að sjá hvernig fjöl-
miðlar hampa öfgum í líkamsrækt
og stuðla að útlitsdýrkun með því
hvernig þeir fjalla um fegurð og
Er á móti öfgum í heilsurækt
■ Alþjóðlegur baráttudagur
gegn megrun, átrösk-
unum og fordómum fyrir
holdafari.
■ Var haldinn í fyrsta sinn hér
á landi árið 2006.
■ Stofnaður til þess að
vekja athygli á skaðlegum
áhrifum útlitsdýrkunar
og mismununar í garð
þeirra sem falla utan hins
viðurkennda ramma um
æskilegan líkamsvöxt.
Tilgangur dagsins er að:
■ Fagna margbreytilegum lík-
amsvexti af öllum stærðum
og gerðum.
■ Minna á rétt allra til heil-
brigðis, hamingju og vel-
ferðar óháð líkamsvexti.
■ Lýsa yfir opinberum frídegi
frá hugsunum um megrun
og líkamsvöxt.
■ Vekja athygli á lítt þekktum
staðreyndum um megrun,
heilsu og holdafar.
■ Minna á hvernig megrun og
stöðugar kröfur um grannan
vöxt er samfélagsleg atlaga
gegn konum.
■ Minnast fórnarlamba
átraskana og hættulegra
megrunaraðferða.
■ Berjast gegn andúð á
líkamsfitu og fordómum
vegna vaxtarlags.
6. MAÍ – DAGUR
ÁN MEGRUNAR
FJÖLMIÐLAR BERA ÁBYRGÐ
Sigrún Daníelsdóttir sálfræðingur segir
sorglegt hvernig fjölmiðlar hampi öfgum í
líkamsrækt og stuðli þannig að útlitsdýrkun
og fordómum gegn feitum.
FRÉTTABLAÐIÐ/ERNIR
heilsu. Einnig eru fitufordómar í
fjölmiðlum algengir sem sést til
dæmis í fréttum um offitu þar sem
birtast oftast myndir af feitu fólki
í neikvæðu ljósi.“
Sigrún segist alls ekki vera á
móti heilbrigðum lífsstíl eða að
hugsa vel um líkama sinn. „Ég er
hins vegar á móti öfgunum sem
skila engu til lengri tíma litið. Það
er gríðarlega erfitt að halda sig
við lífsvenjur sem eru í andstöðu
við þarfir líkamans og gera honum
ekki gott.“
Sigrún hvetur alla til að staldra
við á morgun og íhuga útlits- og
megrunarboðskap samfélagsins.
„Ég hvet alla til að einbeita sér
frekar að því að lifa heilbrigðu og
góðu lífi.“
Samtök um líkamsvirðingu
standa einnig fyrir auglýsingar-
herferð sem allir geta tekið þátt
í með því að senda inn mynd af
sér og búa til slagorð. Hægt er
að sjá herferðina og taka þátt á
Facebook-síðu samtakanna.
alfrun@frettabladid.is
MATUR Íbúar í Lúxemborg neyta
mest af kjöti miðað við höfðatölu ef
marka má nýjustu upplýsingar frá
Matvælaeftirliti Bandaríkjanna.
Alls var kjötneysla 177 þjóða skoð-
uð og í efsta sæti sat Lúxemborg,
en íbúar landsins neyta að meðal-
tali um 136,5 kílóa af kjöti á mann
árlega. Sú þjóð er neytti minnst kjöts
voru íbúar Indlands.
Borða mest af kjöti
LÚXEMBORGARAR BORÐA MEST Íbúar í
Lúxemborg borða hvað mest af kjöti.
FRÉTTABLAÐIÐ/VILHELM
KEMUR Í VEG FYRIR HJARTAÁFALL Samkvæmt nýjum rannsóknum Karolinska institu-
tet í Svíþjóð getur neysla mjólkurvara með lága fituprósentu komið í veg fyrir hjartaáfall. Þess vegna
er þeim sem eru í áhættuhóp fyrir hjartasjúkdóma ráðlagt að drekka léttmjólk í stað nýmjólkur.
bruun-rasmussen.dk
Bredgade 33
DK-1260 Kbh. K
Tel +45 8818 1111
Verið velkomin á Hótel Loftleiðir
fimmtudaginn 10. maí n.k. kl. 15-19
og föstudaginn 11. maí kl. 10-12.
Þar munu reynslumiklir sérfræðingar okkar meta listaverk af
öllu tagi, „design“, vín og skartgripi.
Matið er án endurgjalds og án skuldbindinga með hugsanlega
sölu á uppboði í huga.
Við erum t.d. að leita að verkum eftir íslenska listmálara eins
og Jón Stefánsson, Ólaf Elíasson, Ásgrím Jónsson og Jóhannes
Kjarval og aðra eldri sem yngri meistara. Ef um stóra hluti er
að ræða, er best að koma með ljósmynd.
Fyrirfram greiðsla er möguleg.
Boðið er uppá heimsókn í heimahús báða dagana.
Nánari upplýs ingar veita Össur Kristinsson, 5554991 og 6984991
og Peter Beck +45 88181186, e-mail: pb@bruun-rasmussen.dk
Hvers virði er þetta ?
Ól
af
ur
E
lia
ss
on
: “
Tw
o
ho
t a
ir
co
lu
m
ns
”,
20
05
.
Tv
æ
r h
ög
gm
yn
di
r ú
r r
yð
fr
íu
st
ál
i m
eð
ra
fm
ag
ns
pe
ru
m
.
H
am
ar
sh
ög
g:
2
10
.0
00
d
kr
.
Þorsteinn
Magnússon
lögg. fasteignasali
Austurvegi 6 – Sími 482 4800 – www.arborgir.is
Guðjónsgata,
Úthlíð
Snyrtilegt sumarhús
á fallegri útsýnislóð í
Úthlíð í Bláskógabyggð.
Húsið er 51,3 m2 að
stærð, timburhús klætt
að utan með liggjandi
timburklæðningu, stallað
járn er á þaki. Að innan
skiptist eignin í forstofu, 2 herbergi, baðherbergi, stofu og eldhús
auk þess sem rúgmott svefnloft er yfir hluta hússins. Plastparket er á
gólfum og í eldhúsi er ágæt innrétting. Stór og góður sólpallur með
heitum potti og skjólveggjum er við húsið. Lóðin er mjög snyrtileg og
eru leiktæki á henni. Stutt er í ýmsa afþreyingu og þjónustu.
Reykjavegur,
Reykjaskógi.
Gott sumarhús sem
stendur á fallegri
leigulóð í Reykjaskógi í
Bláskógabyggð. Húsið er
alls um 53 m2 að stærð
og skiptist í forstofu,
baðherbergi, 2 her-
bergi stofu og eldhús.
Sólpallur með heitum
potti og skjólveggjum er við húsið. Lóðin er gróin og útsýni er fallegt.
Stutt í ýmsa afþreyingu og þjónustu.
Nánari upplýsingar gefur Þorsteinn Magnússon lgf í síma 894 2045