Fréttablaðið - 05.05.2012, Qupperneq 110

5. maí 2012 LAUGARDAGUR74
PERSÓNAN
Birta Ísólfsdóttir
Aldur: 23 ára.
Starf: Fata-
hönnuður hjá
66°Norður.
Foreldrar:
Ísólfur Gylfi
Pálmason,
sveitarstjóri á
Hvolsvelli, og
Steinunn Ósk
Kolbeinsdóttir,
starfsmaður
Fræðslunets Suðurlands.
Fjölskylda: Einhleyp.
Búseta: Bergþórugata í Reykjavík.
Stjörnumerki: Krabbi.
Birta Ísólfsdóttir er sigurvegari sjónvarps-
þáttanna Hannað fyrir Ísland.
„Mig klæjar,“ segir Friðrik Ómar, spurð-
ur hvernig sé að vera í dragi.
Hann verður í gervi Fridu í hljóm-
sveitinni ABBA þegar hann syngur
lagið Waterloo með Regínu Ósk á tvenn-
um Eurovision-tónleikum í Hofi á Akur-
eyri í kvöld.
„Ég hef nú ekki gert þetta síðan á
öskudeginum í gamla daga. En það verð-
ur einhver að leika Fridu í ABBA og ég
ákvað að taka það að mér. Ég er á ein-
hverjum tólf sentimetra hælum. Þetta er
ekki þægilegt en ég verð sjúklega flott-
ur, það er alveg á hreinu,“ segir Friðrik
Ómar og hlær.
Á tónleikunum syngja hann og Reg-
ína Ósk Eurovisionlög frá árinu 1956
til dagsins í dag með aðstoð Sinfóníu-
hljómsveitar Norðurlands. „Við gerum
þetta eins og í gamla daga. Við ætlum
að flytja lögin með sjötíu manna hljóm-
sveit, kór og bakraddir á sviðinu. Ég held
að þetta sé í fyrsta skipti sem þetta er
gert á Íslandi,“ segir hann og vonast til
að halda tónleikana fyrir sunnan síðar
meir. „Okkur langar mikið til þess. Það
er vettvangur fyrir það, ég er hundrað
prósent viss um það.“
Eurovision-fararnir Greta Salóme og
Jónsi koma einnig fram á tónleikunum
í kvöld og syngja Eurovision-lagið sitt
Mundu eftir mér. Uppselt er á fyrri tón-
leikana en enn eru til miðar á Midi.is á
þá síðari sem hefjast klukkan 21. - fb
Í dragi á Eurovision-tónleikum
Á ÆFINGU Friðrik Ómar í gervi Fridu og Regína Ósk á æfingu fyrir
Eurovision-tónleikana í gær. MYND/BRYNJA HARÐARDÓTTIR
„Þetta gekk ótrúlega vel. Það var
troðfullt þarna í Koko-höllinni,“ segir
Hans Pjetursson úr Vigra.
Hljómsveitin spilaði á tónleika-
staðnum Koko í London um síðustu
helgi á útgáfutónleikum breska dans-
tónlistarmannsins Chicane.
Vigri spilaði með Chicane í þrem-
ur lögum en tvö þeirra eru á nýjustu
plötu hans, Thousand Mile Stare, þar
á meðal upphafslagið Hljóp. „Þetta
var gríðarlega gaman og dálítið
öðruvísi því við höfum ekki oft spil-
að fyrir svona dansunnendur,“ segir
Hans en tónlist Vigri er draumkennd
blanda af poppi, þjóðlagatónlist og
klassík.
Chicane er stórlax í danstónlist-
arsenunni. Hann er einna þekktast-
ur fyrir Ibiza-smellinn Offshore og
hefur unnið með Tom Jones, Cher og
Bryan Adams.
Eins og Fréttablaðið hefur greint
frá eyddi Chicane fimm dögum á
Íslandi í byrjun ársins og tók upp lög
með Vigra. Nýja platan hans hefur
fengið mjög góðar viðtökur og hefur
setið í þrjár vikur í efsta sæti dans-
tónlistarlista Itunes. Hún hefur einn-
ig verið ofarlega á listum víðs vegar
um Evrópu, þar á meðal í öðru sæti á
breska dansplötulistanum.
Vigri ætlar að spila aftur með
Chicane á tónlistarhátíð í Hollandi í
sumar. Í haust fer hljómsveitin svo í
tónleikaferð um Evrópu. Aðspurður
segir Hans að Chicane hafi áhuga á
frekara samstarfi. „Það er spurning
hvað við viljum gera. Við erum bara
á fullu að taka upp ný lög fyrir okkur.
Það er það sem okkur finnst skemmti-
legast að gera. Ég held að við séum
ekkert að fara að detta í danstónlist-
argeirann nema kannski að búa til
vangalög en það er mjög skemmtilegt
að prófa eitthvað nýtt.“ - fb
Spiluðu með Chicane í London
VIGRI Hljómsveitin spilaði á útgáfu-
tónleikum Chicane fyrir skömmu.
FRÉTTABLAÐIÐ/VALLI
Mick Rogers er gítarleikari, söngv-
ari og annar af stofnmeðlimum
hinnar sögufrægu hljómsveitar
Manfred Mann’s Earth Band sem
stígur á svið í Háskólabíói 16. maí.
Hann hlakkar mikið til að koma til
Íslands, enda hefur góður vinur
hans, fótboltakappinn Heiðar
Helguson, hvatt hann ítrekað til að
heimsækja landið.
„Heiðar Helguson er mjög góður
vinur minn. Hann býr um tíu mín-
útum frá heimili mínu. Hann kom
á tónleikana okkar í gærkvöldi
[fimmtudagskvöld] og skemmti sér
mjög vel,“ segir Rogers, sem býr
í litlu sveitaþorpi rétt fyrir utan
London. Rogers er aðdáandi úrvals-
deildarliðsins Fulham sem Heiðar
spilaði með fyrir nokkrum árum
og kynntust þeir út frá því. „Ég hef
hitt nokkra úr fjölskyldunni hans
og vini og þau eru mjög vingjarn-
leg. Hann hefur alltaf spurt mig af
hverju ég vilji ekki spila á Íslandi,
þannig að ég, Manfred og hljóm-
sveitin hlökkum mikið til.“
Auk þess að vera í Manfred
Mann’s Earth Band hefur Rogers
sinnt sólóferli sínum og unnið með
köppum á borð við Frank Zappa og
Jeff Beck.
Aðspurður segir hann að Heiðar,
sem spilar núna með QPR og ber tit-
ilinn Íþróttamaður Íslands, sé mik-
ill aðdáandi Manfred Mann’s Earth
Band. Tónleikarnir á fimmtudags-
kvöld á staðnum Jazz Cafe í London
voru þeir fyrstu sem hann sá með
bandinu. Með honum í för var eig-
inkona hans Eik Gísladóttir. „Ég tók
hann í smá gítarkennslu um daginn.
Ég sagði við hann: „Kenn þú mér að
skora mörk og ég skal kenna þér á
gítarinn“. Þegar ég var uppi á sviði
á tónleikunum setti ég aðeins inn í
prógrammið það sem ég hafði kennt
honum að spila. En hann er hætt-
ur núna. Hann gafst upp og fannst
þetta alltof erfitt,“ segir Rogers og
hlær. freyr@frettabladid.is
MICK ROGERS: HEIÐAR HELGUSON ER MJÖG GÓÐUR VINUR MINN
Gítarleikari Manfred Mann
tók Heiðar í gítarkennslu
GÓÐIR VINIR Gítarleikari Manfred Mann’s Earth Band (til vinstri) er góður vinur
fótboltakappans Heiðars Helgusonar. NORDICPHOTOS/GETTY
ÁNÆGÐUR MEÐ BLÖNDUNA Í EARTH BAND
Forsprakki Manfred Mann’s Earth Band, hljómborðsleikarinn Manfred Mann,
hóf feril sinn í Bretlandi fyrir fimmtíu árum. Þá stofnaði hann hljómsveitina
Manfred Mann ásamt Mike Hugg og saman gáfu þeir út vinsæl
lög á borð við Do Wah Diddy Diddy, Pretty Flamingo
og Mighty Quinn. Árið 1971 stofnaði Mann sveitina
Manfred Mann’s Earth Band sem hefur gefið út
Blinded By the Light, Davy’s on the Road Again og
fleiri vinsæl lög.
Hljómsveitin spilar á tónleikum allt árið um
kring. Stærsti markaðurinn hennar er í Þýska-
landi, Skandinavíu og Bretlandi. „Það er
alltaf uppselt og gengur mjög vel. Mér finnst
þessi blanda af Earth Band vera frábær. Nýi
söngvarinn, Robert Hart, er mjög góður og við
náum allir mjög vel saman,“ segir Mick Rogers.
Hann ólst sjálfur upp í tónlistarfjölskyldu en
frændi hans var bassaleikari og pabbinn trommari.
„Ég hef aldrei gert neitt annað og er ómögulegur í
öllu öðru.“
Hann vonast til að ný plata með Manfred Mann’s
Earth Band komi út snemma á næsta ári. Það fer
mikið til eftir því hvernig tekst að reka á eftir Man-
fred Mann í hljóðverinu. „Hann getur ekki tekið
snöggar ákvarðanir og við ætlum að reyna að fá
hann til að vinna hraðar,“ segir hann hress.
LOKSINS
FÁANLEGAR
Á NÝ!
Barnavagnavika Ferðafélags Íslands
alla daga næstu viku 7. – 11. maí
Þátttaka er ókeypis – allir velkomnir.
Gönguferðir með barnavagna og
kerrur, fyrir mömmur og pabba, afa
og ömmur og alla sem vilja vera með.
Léttar gönguferðir í 60 – 75 mínútur
með léttum teygjum og æfingum inn
á milli.
Lagt af stað kl. 12.15 alla daga.
Fyrsta gangan er frá Árbæjarlaug mánudaginn 7. Maí kl. 12.15
Sjá nánari dagskrá barnavagnaviku
á heimasíðu FÍ www.fi.is