Fréttablaðið - 17.05.2012, Blaðsíða 2
17. maí 2012 FIMMTUDAGUR2
SPURNING DAGSINS
lax
með strengjabaunum,
tómötum og kryddjurtasósu
Farðu inn á gottimatinn.is til að fá alla uppskriftina
og hugmyndir að fleiri girnilegum réttum.
ORKUMÁL Vinnuhópur um nýtingu
vindorku í Borgarbyggð segir fullt
tilefni til að kanna hagkvæmni
þess að nýta vindorku í sveitar-
félaginu.
„Fyrirséð er að kostnaður við
nýtingu vindorku fer lækkandi
frá því sem var á árum áður og
mannvirkin verða sífellt öflugri
og betri. Í ljósi hækkandi verðs á
orkugjöfum á alþjóðamörkuðum
og kröfum alþjóðasamfélagsins
um að draga úr bæði staðbundinni
loftmengun og losun gróðurhúsa-
lofttegunda er fyrirséð að meiri
áhersla verður lögð á umhverfis-
vænni orkugjafa í framtíðinni,“
segir í niðurstöðu vinnuhópsins
sem skipað var í af stjórn Borgar-
fjarðarstofu í fyrrahaust.
Meðal þess sem vinnuhópurinn
gerði var að skoða 30 kílóvatta
vindmyllu Haraldar Magnússonar
í Belgsholti og ræða við sérfræð-
inga Landsvirkjunar um áform
fyrirtækisins varðandi vindorku.
Landsvirkjun hefur þegar gert
vindmælingar á nokkrum stöðum
og fundið út að Suðurland væri eitt
álitlegasta svæðið ásamt svæðun-
um í kring um vatnsaflsvirkjan-
irnar við Búrfell og Blöndu. Við
fyrrnefndu virkjunina er þegar
hafin uppsetning á vindmyllum.
Leitað var til Einars Svein-
björnssonar veðurfræðings vegna
hugsanlegs staðarvals fyrir vind-
myllur í Borgarbyggð. Einar benti
á fjögur mikilvæg atriði; með-
alvindur þyrfti að vera nægur,
vindur þyrfti að vera stöðugur,
fjarlægð frá flutningskerfi Lands-
nets mætti ekki vera of mikil og í
fjórða lagi þyrfti að huga að hæð
vindorkuversins yfir sjávarmáli
vegna hættu á ísingu.
Einar nefndi þrjú svæði sem
hugsanlega kosti með tilliti til
ofangreindra forsendna. Hins
vegar er ekki tekið mið af þátt-
um eins og hljóð- og sjónmeng-
un og áhrifum á fuglalíf. Svæðin
eru við Fíflholt á Mýrum, í öðru
lagi með farvegi Hvítár og ofan
Borgarness og síðan í Norðurár-
dal upp undir Holtavörðuheiði.
Vinnuhópurinn segir það
helst á færi stærri orkufyrir-
tækja að reisa stærri vindmyll-
ur. Kæmi meðal annars til greina
að staðsetja vindmyllu við Anda-
kílsárvirkjun sem Orkuveita
Reykjavíkur á. Varðandi minni
vindmyllur setji strik í reikn-
inginn að ekki séu þriggja fasa
rafmagnslínur um alla Borgar-
byggð. Þó sé stefnt að því að svo
verði á aðalskipulagi sem gildi til
ársins 2022.
„Rekstur stórra vindorkuvera
er líklega ekki vænlegur kost-
ur á svæðinu eins og staðan er
í dag en ýmsir möguleikar eru
á rekstri minni vindorkuvera,“
segir vinnuhópurinn sem segir
þörf á meiri undirbúningsvinnu
áður en til framkvæmda komi.
gar@frettabladid.is
Mýrarnar álitlegar til
að reisa vindorkuver
Vinnuhópur í Borgarfirði segir þróun í verði orkugjafa og í umhverfismálum
fullt tilefni til að kanna nýtingu vindorku. Þrír staðir í Borgarbyggð eru sagðir
koma til greina. Landsvirkjun segir Suðurland þó álitlegast fyrir vindorkuver.
BELGSHOLT Sænsk vindmylla, sem sett var upp við bæinn Belgsholt í fyrrasumar,
framleiddi rafmagn fyrir bæinn auk umframrafmagns sem selt var inn á Landsnetið.
Myllan losnaði af mastrinu í vetur og hefur verið unnið að viðgerð. MYND/HANNEVIND.SE
DÓMSMÁL Karlmaður sem í fyrra-
vor laumaðist aftan að konu sem
var að kasta af sér vatni á Aust-
urvelli og stakk fingri í enda-
þarm hennar var dæmdur í átján
mánaða fangelsi fyrir nauðgun
í Hæstarétti í gær. Það er sama
refsing og honum var gerð í hér-
aðsdómi.
Þegar konan brást skelfd við
aðförum mannsins hló hann og
stökk á flótta, upp í leigubíl og á
brott. Hann játaði sök fyrir dómi
og sagðist með þessu hafa fengið
útrás fyrir reiði sína. Hann var
dæmdur til að greiða konunni 700
þúsund krónur í miskabætur. - sh
Hæstiréttur staðfestir dóm:
Átján mánuðir
fyrir nauðgun
DÓMSMÁL Sögu Ýrr Jónsdóttur lögmanni er
skylt að afhenda skattrannsóknarstjóra nöfn
og kennitölur yfir fimmtíu kvenna sem feng-
ið hafa ígrædda PIP-sílikon púða á árunum
2006 til 2011. Þetta er úrskurður Héraðsdóms
Reykjavíkur sem kveðinn var upp í gær. Saga
er lögmaður um hundrað kvenna sem hugðust
höfða skaðabótamál á hendur Jens Kjartans-
syni lýtalækni vegna gallaðra brjóstapúða sem
hann græddi í þær á margra ára tímabili.
Skattrannsóknarstjóri fór fram á upplýs-
ingarnar vegna rannsóknar sinnar á störfum
Jens sem lýtalæknis, en hann er grunaður um
skattsvik. Saga hefur neitað að afhenda upp-
lýsingarnar og vísað til þagnarskyldu lög-
manna gagnvart skjólstæðingum sínum.
„Dómurinn kemur mér ekki á óvart,“ segir
Saga. „En maður hefur meiri áhyggjur af
honum vegna starfa lögmanna almennt, þar
sem við sjáum að ríkisskattstjóri hefur mjög
víðtækar heimildir til að fá afhent gögn frá
lögmönnum.“
Saga hafði ekki heyrt frá neinum skjólstæð-
inga sinna í gær, en hóf að semja áfrýjunar-
kæru til Hæstaréttar um leið og dómurinn
féll. „Við erum að sjá í fyrsta skipti hvernig
tekið verður á þessu. Nú verður maður bara að
láta reyna á hvað Hæstiréttur hefur um málið
að segja.“
Ekki náðist í Jens Kjartansson lýtalækni í
gær. Þá vildi skattrannsóknarstjóri ekki tjá
sig um málið. - sv
Lögmaður kvenna með gallaðar brjóstafyllingar ætlar að áfrýja dómi Héraðsdóms Reykjavíkur:
Verður að gefa upp nöfn kvenna með PIP
PIP-PÚÐAR FJARLÆGÐIR Yfir 300 konur með PIP-
púða hafa leitað til Krabbameinsfélagsins til að fara í
ómskoðun vegna ótta um leka í púðum.
NORDICPHOTOS/AFP
BESSASTAÐIR Ólafur Ragnar Gríms-
son taldi sér skylt að hugleiða
hvernig hægt yrði að tryggja
að landið yrði ekki stjórnlaust á
hættutímum í kringum stjórnar-
slitin í janúar 2009 með því að huga
að myndun utanþingsstjórnar.
Þetta kemur fram í færslu á
kosningavef Ólafs. Þar skýrir
hann ummæli sem hann lét falla í
viðtali á Útvarpi Sögu.
Ólafur segir að ástandið hafi
verið afar brothætt í kringum
þann tíma sem slitnaði upp úr
stjórnarsamstarfi Sjálfstæðis-
flokks og Samfylkingar í janúar
2009.
Í því ástandi segist hann hafa
talið mögulegt að stjórnmálaflokk-
arnir myndu ekki ráða við hlut-
verk sitt að mynda ríkisstjórn.
„Því var það skylda forsetans að
hugleiða með sjálfum sér hvernig
þá væri hægt að tryggja að land-
ið yrði ekki stjórnlaust á þessum
hættutímum,“ skrifar Ólafur.
Hann segir vangaveltur sínar
ekki hafa verið ræddar við nokk-
urn mann. Í ljós hafi komið í sam-
felldri fundarlotu með formönnum
allra stjórnmálaflokka sólarhring-
inn eftir að stjórnin hafi beðist
lausnar að hægt væri að mynda
minnihlutastjórn sem varin yrði
vantrausti, og að boðað yrði til
kosninga innan fárra mánaða. - bj
Ólafur Ragnar segir sér hafa verið skylt að íhuga utanþingsstjórn eftir hrunið:
Ísland mátti ekki verða stjórnlaust
BROTHÆTT Ástandið í kringum stjórnarslitin í janúar 2009 var brothætt og skylda for-
setans að tryggja að landið yrði ekki stjórnlaust, segir Ólafur Ragnar. FRÉTTABLAÐIÐ/ANTON
KOSNINGAR Fimm frambjóðend-
ur af þeim sjö sem lýst hafa yfir
framboði til embættis forseta
Íslands skiluðu meðmælalist-
um til yfirkjörstjórnar í Suður-
kjördæmi í gær. Hvorki Hannes
Bjarnason né Andrea J. Ólafs-
dóttir skiluðu meðmælalistum.
Grímur Hergeirsson, formað-
ur yfirkjörstjórnarinnar, segir
Hannes hafa látið vita að hann
muni skila síðar. Andrea sagði í
samtali við Fréttablaðið að hún
hafi skilað undirskriftum í öðrum
kjördæmum og hafi safnað nægi-
legum fjölda undirskrifta.
Kjörstjórnin hafði óskað eftir
því að fá meðmælalista í gær
til að ná að fara yfir þá áður en
framboðsfrestur rennur út 25.
maí, segir Grímur. - bj
Fimm skila meðmælalistum:
Tveir skiluðu
ekki listunum
HEILBRIGÐISMÁL Heilbrigðisþjón-
usta á Íslandi er sú þriðja besta í
Evrópu samkvæmt könnun fyrir-
tækisins Health Consumer Power-
house sem vinnur meðal annars
með framkvæmdastjórn ESB.
Könnunin byggir á ýmsum breyt-
um, meðal annars aðgengi og fjöl-
breytni þjónustu.
Gefin eru stig allt upp í 1.000
og er Ísland með 799 stig. Hol-
land (872) og Danmörk (822) eru
fyrir ofan Ísland. Í athugasemd-
um segir að íslenska kerfið hefði
sennilega verið í öðru sæti ef
betri upplýsingar lægju fyrir um
lyfjanotkun, en einn af styrkleik-
um kerfisins er reynsla og sam-
bönd sem unglæknar fá við nám
og störf erlendis. - þj
Íslenskt heilbrigðiskerfi:
Þriðja besta
kerfið í Evrópu
SPÍTALALÍF Heilbrigðisþjónusta á Íslandi
er sú þriðja besta í Evrópu samkvæmt
nýrri könnun. FRÉTTABLAÐIÐ/VILHELM
Árni, ert þú búinn að kaupa
SÁÁ álfinn?
„Það er langt síðan síðast en hann
stendur fyrir sínu eins og aðrir álfar.“
Árni Johnsen flutti heljarstóran stein af
Hellisheiði og til Vestmannaeyja í vikunni.
Í steininum er sögð búa álfafjölskylda
sem flytur með til Eyja og fær þar gott
útsýni yfir hafið.
LANDHELGISGÆSLAN Skipta þarf um
legu í annarri af aðalvélum Varð-
skipsins Þórs vegna bilunar sem
upp kom í vélinni. Önnur af aðal-
vélum skipsins er ónothæf vegna
bilunarinnar, en hægt er að sigla
skipinu á hinni vélinni, að því er
fram kom í fréttum RÚV í gær.
Bilunin kom í ljós þegar skipið
sigldi frá Noregi um síðustu mán-
aðamót. Framleiðandi vélbún-
aðarins í skipinu, Rolls Royce,
ber ábyrgð á vélinni og mun
skipta um leguna á næstu dögum.
Kostnaðurinn mun ekki falla á
Landhelgisgæsluna. - bj
Enn bilun í varðskipinu Þór:
Skipta þarf um
legu í vél Þórs
BILUN Skipta þurfti um aðra vél Þórs í
Noregi nýverið, og er skipið nýkomið
aftur til landsins eftir viðgerðina.