Fréttablaðið - 17.05.2012, Blaðsíða 8
17. maí 2012 FIMMTUDAGUR
SJÁVARÚTVEGUR Endurskoðunar-
fyrirtækið Deloitte hafnar öllum
ávirðingum sem fram koma í
greinargerð sjávarútvegsráðu-
neytisins um útreikninga fyrir-
tækisins á áhrifum frumvarpa um
stjórn fiskveiða. Fyrirtækið ítrek-
ar þá skoðun sína að frumvörpin
um stjórn fiskveiða sem nú liggja
fyrir Alþingi séu illa undirbúin og
stórgölluð.
Sjávarútvegsráðuneytið sendi
atvinnumálanefnd Alþingis grein-
argerð í gær. Þar er sett fram hörð
gagnrýni þar sem meðal annars
kemur fram að ekki sé á útreikn-
ingum Deloitte byggjandi við laga-
gerðina.
„Orðalepparnir í þessari grein-
argerð eru þannig að það vekur
furðu að þetta komi frá ráðuneyt-
inu,“ segir Þorvarður Gunnars-
son, forstjóri Deloitte, sem segir
plaggið „kostulega lesningu“ sem
sé morandi af stafsetningarvillum
sem sé til marks um gæði vinn-
unnar. Þorvarður tekur dæmi af
þeirri fullyrðingu ráðuneytisins að
umsagnir um frumvörpin byggi á
greinargerð þeirra sem send var
inn til nefndarinnar 23. apríl. Alls
bárust 78 umsagnir en aðeins 19
þeirra bárust eftir að umsögn
Deloitte var birt. „Af þeim 19 voru
átta frá ráðuneytum og undirstofn-
unum þeirra sem ég geri ekki ráð
fyrir að hafi tekið mikið tillit til
okkar útreikninga,“ segir Þorvarð-
ur. „Það er því fráleitt að segja að
margar umsagnir til nefndarinnar
hafi byggt á okkar niðurstöðum.“
Fernt nefnir Þorvarður helst
sem Fréttablaðið fjallaði um í gær
og vill skýra nánar.
Ráðuneytið segir Deloitte
ofmeta fjárfestingarþörf um sjö
milljarða króna með því að segja
hana 30 prósent af EBITDA.
„Þessi forsenda er fráleit og leið-
ir til villandi niðurstöðu,“ segir í
greinargerðinni. Til að mynda sé
fjárfestingarþörf árins 2010 áætl-
uð þrátt fyrir að hún liggi þegar
fyrir sem raunstærð.
Þorvarður segir að ráðuneyt-
ið gefi sér að afskriftir, eins og
þær eru núna í bókum fyrirtækj-
anna, endurspegli fjárfestingar-
þörf greinarinnar. Árið 2010 hafi
afskriftir verið tólf milljarðar en
fyrirtækið telji hana vera 19 millj-
arða. „Við horfum til þess að verð-
lag hefur hækkað. Það er því frá-
leitt að segja að hægt sé að nota
tölur um verðlag frá því fyrir hrun
og segja að hægt sé að fjárfesta
fyrir sömu krónutölu. Taktu bara
Toyota Corolla sem dæmi. Hann
kostaði 1,7 árið 2006 en 3,6 í dag.
Þetta er 112% hækkun og það er
ekkert öðruvísi með fjárfestingar
í atvinnurekstri,“ segir Þorvarð-
ur sem bendir jafnframt á að fjár-
festingar séu í sögulegu samhengi
30% af EBITDA, en hafa verið um
7% undanfarin ár vegna óvissu í
greininni að sögn Þorvarðar. „Það
er því glórulaust að vera að benda
á fjárfestinguna 2009 og 2010 sem
eðlilega.“
Þorvarður nefnir nýtt skip
Ísfélagsins í Eyjum sem dæmi,
Heimaey VE 1, sem átti að kosta
1,8 milljarða þegar skipið var
pantað en kostar 3,5 milljarða við
komuna heim.
Ráðuneytið gagnrýnir að Delo-
itte ofreikni vaxtagjöld útgerð-
arinnar og reiknar með 6% vöxt-
um. Þorvarður segir að vaxtaálag
bankanna hafi hækkað ár frá ári
og í útreikningum Deloitte sé
horft til framtíðar. „Fiskveiði-
stjórnunarkerfið á að gilda í ára-
tugi og því gengur ekki að miða
við stöðu vaxta á þeim tíma í for-
tíðinni þegar vextir og vaxtaálag
voru í sögulegu lágmarki“, segir
Þorvarður.
Ráðuneytið segir að ekki sé hægt
að horfa til heildarskulda greinar-
innar vegna þess að skuldir séu að
hluta til komnar vegna óskyldr-
ar starfsemi. „Þetta er klassísk
bábilja sem hefur dunið á okkur
um langan tíma. Þetta á ekki við
nein rök að styðjast og við höfum
sýnt fram á það, aftur og aftur. Svo
höfum við bent á það að ekkert til-
lit er tekið til skulda vegna kaupa
á aflaheimildum. Það þýðir ekki
að berja höfðinu svona við stein-
inn. Menn hafa keypt heimildir í
samræmi við lög og reglur. Bók-
færðar aflaheimildir eru yfir 200
milljarðar og það að taka ekki tillit
til skulda vegna þessa er algjörlega
fráleitt og þýðir að geta félaganna
til að borga veiðigjald er stórlega
ofmetin.“ svavar@frettabladid.is
Hafnar ávirðingum
ráðuneytisins alfarið
Þorvarður Gunnarsson, forstjóri Deloitte, hafnar gagnrýni sjávarútvegsráðu-
neytisins á útreikninga um áhrif kvótafrumvarpa. Hann segir orð ráðuneytisins
um fjárfestingar í óskyldum rekstri „bábilju“ og „orðaleppa“ með ólíkindum.
Á VEIÐUM Deilur ráðuneytisins og Deloitte eru til marks um það að ekkert þokast
í átt að sátt eða niðurstöðu er varðar stjórn fiskveiða til framtíðar. FRÉTTABLAÐIÐ/ÓSKAR
Eins og Fréttablaðið greindi frá í gær kemur fram í greinargerð sjávarútvegs-
ráðuneytisins, sem atvinnuveganefnd bað sérstaklega um, að niðurstöður
Deloitte séu ekki marktækar og á þeim verði ekki byggt. Segir í greinar-
gerðinni að greining endurskoðunarfyrirtækisins byggist ekki á mati á
afkomu og arðsemi veiða og vinnslu „en snýst um að haga bókhaldslegum
stærðum með þeim hætti sem henta þyki“, eins og segir á einum stað, en
greinargerðin er afar harðorð og gerðar eru athugasemdir í níu liðum við
útreikninga Deloitte.
Harðorð greinargerð ráðuneytismanna
Björn Valur Gíslason, fulltrúi Vinstri grænna í atvinnu-
veganefnd, segir að greinargerð sjávarútvegsráðuneytisins
um útreikninga Deloitte á áhrifum frumvarpa um stjórn
fiskveiða eigi fullan rétt á sér og það sé sitt mat að
útreikningar endurskoðunarfyrirtækisins
séu settir fram með villandi hætti
af ráðnum hug.
„Ég er þeirrar skoð-
unar, eftir að hafa fundað
með þeim og séð þeirra
umsagnir og gögn, að
framsetning fyrirtækisins
sé blekkjandi. Þetta er ekki
síst alvarlegt í því ljósi að
þeir sem hafa veitt umsögn
byggja á röngum gögnum.
Öll umfjöllunin um málið,
byggð á þeim umsögnum, er
því markleysa. Svo er hitt, að
sjálfsögðu, að þá hlýtur þetta
að vera stór áfellisdómur yfir
endurskoðunarfyrirtækinu
Deloitte. Ég minni á stór orð
um ábyrgð slíkra fyrirtækja í
kjölfar hrunsins og að menn
ætluðu ekki að brenna sig á
þessu sama aftur.“
Umræðan bjöguð ef satt reynist
Einar K. Guðfinnsson, fulltrúi Sjálfstæðisflokksins í
atvinnuveganefnd, segir að athugasemdir sjávarútvegs-
ráðuneytisins sýni „að við erum í rauninni á algjörum
byrjunarreit í vinnu okkar. Það hafa verið haldnir 16 fundir
í atvinnuveganefnd Alþingis og kallaðir til okkar fjölmargir
gestir. Þessir fundir hafa verið mjög gagnlegir. En þrátt fyrir
það er enn þá verið að deila um forsendur og þess háttar
varðandi fiskveiðilagafrumvörpin sem hafa
verið lögð fyrir Alþingi.“
Einar segir þetta til marks um
að málið sé í hreinum ógöngum
og það sé „að sjálfsögðu mikið
áhyggjuefni. Á meðan við deilum
enn um forsendur, er ljóst að
okkur miðar ekkert í efnislegri
vinnu, sem þó þyrfti að eiga sér
stað.“
Einar segir jafn-
framt að greinar-
gerð ráðuneyt-
isins hreki ekki
þá gagnrýni
sem Deloitte
hefur sett
fram.
Við erum enn þá á byrjunarreit
– FULLT HÚS ÆVINTÝRA
REYKJAVÍK • AKUREYRI
ellingsen.is
PIPA
R\TBW
A
• SÍA
• 1123
43
Devold nærfatnaðurinn
er úr hreinni merino-ull.
Ullin heldur á þér hita
í öllum veðrum og hún
verður ekki blaut viðkomu
þótt hún blotni.
Tilboðið gildir
til mánudagsins
21. maí
Heimir & Kolla vakna með þér í bítið
Fréttir, fróðleikur og frábær tónlist alla virka morgna kl. 6.50 – 9.00
Orðalepparnir í þess-
ari greinargerð eru
þannig að það vekur furðu að
þetta komi frá ráðuneytinu,
ÞORVARÐUR GUNNARSSON,
FORSTJÓRI DELOITTE