Fréttablaðið - 17.05.2012, Qupperneq 54

17. maí 2012 FIMMTUDAGUR38
GOTT Á GRILLIÐ
Helgi Björnsson, söngvari og hestamaður, mun
ásamt eiginkonu sinni, Vilborgu Halldórsdóttur,
stýra þáttum um Landsmót hestamanna sem sýndir
verða á Stöð 2. Þættirnir, sem nefnast Sprettur:
Helgi og Vilborg hita upp fyrir Landsmót, verða
þrír talsins og hefja göngu sína þann 3. júní.
„Ég og Vilborg, kona mín, vorum fengin til að sjá
um smá óbeina upphitun fyrir Landsmótið í formi
sjónvarpsþátta og vekja þannig athygli á íslenska
hestinum og hestamenningunni. Hesturinn er
svo stór hluti af okkar þjóðarsál og alveg frábær
skepna,“ segir Helgi sem var staddur í Barcelona er
Fréttablaðið náði tali af honum.
Í þáttunum munu hjónin fara um víðan völl og
meðal annars heimsækja knapa sem eru í óða önn
að undirbúa sig fyrir mótið, skoða gangtegund-
ir hestanna og rifja upp sögu Landsmótsins. „Svo
munum við auðvitað heimsækja stjörnur mótsins,
sem eru hestarnir sjálfir. Vonandi fáum við einnig
að heimsækja eldri stjörnur eins og Orra frá Þúfu,
þeir hestar eru eins og söngvararnir sem sungu
gömlu hittarana,“ bætir Helgi við.
Sjálfur er söngvarinn mikill áhugamaður um
hestamennsku og veit fátt skemmtilegra en að fara
á bak. „Höfðingi minn heitir Dagfari og hann hef ég
átt í tíu ár. Hann hefur borið mig um ýmsa lands-
hluta og það er aldrei að vita nema honum bregði
fyrir í þáttunum, hann á það alveg skilið.“ - sm
Helgi hitar upp fyrir landsmót
10 DAGAR í aðalkeppni Eurovision
„Aserar eru yndislegir, kurteisir
og almennilegir í alla staði,“ segir
Jón Jósep Snæbjörnsson, Jónsi, um
lífið í Bakú, höfuðborg Aserbaíd-
sjan. Þar er heitt í veðri, eða 25 til
30 stiga hiti.
Næstkomandi þriðjudag stígur
hann á svið ásamt Gretu Salóme
í Crystal-höllinni og flytur lagið
Never Forget. „Okkur mætir mikil
velvild og ef okkur skyldi van-
haga um eitthvað finnst okkur við
bara þurfa að smella fingrum,“
segir Jónsi, sem flaug út með um
tuttugu manna Eurovision-hópi á
laugardaginn. Síðan þá hafa stífar
æfingar staðið yfir, auk blaðavið-
tala og móttaka. Aðspurður segir
Jónsi stemninguna í hópnum góða.
„Við þurfum að styðja hvert annað
því það tekur á taugarnar að vera
svona mikið saman þegar við erum
fjarri ástvinum okkar.“
Hvað varðar öryggisgæsluna
segir Jónsi hana minni en þegar
hann keppti í Istanbúl árið 2004. Þá
var hann iðulega með tvo til fjóra
lífverði í kringum sig, aðallega
vegna hryðjuverkaógnar. „Núna
fáum við lögreglufylgd í umferð-
inni og vitanlega er góð gæsla í
Kristalshöllinni en það er bara
barnaleikur miðað við seinasta
skipti hjá mér.“
Hann segir umhverfið í kringum
höllina stórkostlegt. „Höllin stend-
ur yst á skaga við höfnina og innan
við hana er risastór upphækkað-
ur flötur sem rís tuttugu til þrjá-
tíu metra upp í loftið. Á honum er
stærsta flaggstöng sem ég hef séð.“
Hvað með atriðið ykkar. Er
það að smella vel saman? „Já, við
vorum að æfa það núna rétt í þessu
og það er alveg geirneglt.“ - fb
Jónsi fær almennilegar móttökur
Í BAKÚ Jónsi í Bakú þar sem Eurovison-
keppnin verður haldin í næstu viku.
„Ég ætlaði aldrei að leiðast út í
þennan bransa en smitaðist af tón-
listarbakteríunni í Versló,“ segir hin
21 árs gamla söngkona Elín Lovísa
Elíasdóttir sem gefur út lagið Hring
eftir hring á næstu dögum.
Hring eftir hring er fyrsta lagið
sem Elín gefur út upp á eigin spýt-
ur en hún vakti athygli er hún söng
með rapparanum Kristmundi Axel í
laginu Það birtir alltaf til árið 2010.
„Ég byrjaði að leika mér að syngja
í Versló og tók meðal annars þátt í
söngkeppninni. Þá varð ekki aftur
snúið og er draumurinn að gefa út
heila plötu.“
Elín er yngri systir söngkonunn-
ar Klöru í stúlknasveitinni The
Charlies svo það má segja að tón-
listin sé í fjölskyldunni. Elín segir
stóru systur sína, Steinunni og
Ölmu vera duglegar að hvetja sig
áfram. „Ég væri ekki að gera þetta
án Klöru og þeirra allra. Við erum
duglegar að hittast á Skype og þær
gefa mér ráðleggingar varðandi
hitt og þetta,“ segir Elín, en Alma
á einmitt heiðurinn af texta lags-
ins Hring eftir hring sem er samið
af strákunum í upptökuteyminu
Redd Lights.
Elín er á fyrsta ári í viðskipta-
fræði í Háskólanum í Reykjavík og
verður bankastarfsmaður í sumar.
Hún fer þó ekki leynt með að draum-
urinn sé að starfa í tónlistarbrans-
anum í framtíðinni. „Ég ætla bara
að bíða og sjá hvernig viðtökurnar
verða við laginu. Það væri draum-
ur að geta gert meira úr tónlistinni
og jafnvel setjast að erlendis og ein-
beita sér að þessu eins og systir mín
er að gera. Ég hef einu sinni farið í
heimsókn til þeirra til Los Angeles
svo maður er allavega komin með
nokkur góð sambönd.“
Lagið Hring eftir Hring er hresst
rafpopplag sem Elín hefur trú á
að geti orðið vinsælt á dansgólf-
um borgarinnar í sumar. „Þetta er
þannig lag að það getur vel orðið
sumarslagari. Ég er bara glöð að
lagið sé loksins á leið í spilun. Við
höfum verið að tala um þetta lengi
og ferlið tekið sinn tíma. Nú er bara
að bíða og sjá hvernig landsmenn
taka laginu.“ Hring eftir hring
verður frumflutt í morgunþættinum
Magasín á FM957 á morgun.
alfrun@frettabladid.is
ELÍN LOVÍSA ELÍASDÓTTIR: ÞETTA LAG GETUR VEL ORÐIÐ SUMARSLAGARI
Fær ráðleggingar frá The
Charlies í gegnum Skype
SUMARSMELLUR Lagið Hring eftir hring í flutningi söngkonunnar ungu Elínar Lovísu Elíasdóttur er á leiðinni í spilun á næstu
dögum. Texti lagsins er skrifaður af Ölmu í stúlknasveitinni The Charlies en Elín er yngri systir Klöru í sveitinni. FRÉTTABLAÐIÐ/STEFÁN
HITAR UPP FYRIR LANDSMÓT Helgi Björnsson og eiginkona
hans, Vilborg Halldórsdóttir, munu hita upp fyrir Landsmót
hestamanna með skemmtilegum fræðsluþáttum á Stöð 2.
FRÉTTABLAÐIÐ/ARNÞÓR
„Þar er prime rib og bökuð kart-
afla og málið dautt.“
Björgvin Halldórsson, tónlistarmaður.
Nákvæm kort og ítarleg nafnaskrá
Þjónusta í þéttbýli
Náttúruperlur og sögustaðir
Fróðleikur og fallegar myndir
GERÐU FERÐALAGIÐ
ÓGLEYMANLEGT!
Þeir sem óska eftir að leigja sölutjald þann 17. júní nk.
í Reykjavík þurfa að skila inn umsókn fyrir föstudaginn
29. maí fyrir kl. 16.00 í Skátamiðstöðina Hraunbæ
123. Umsóknareyðublöð og nánari upplýsingar eru
á vefnum www.skataland.is/17juni
Vakin er athygli á því að lausasala á hátíðarsvæðinu er
bönnuð. Sölutjöld eru einungis leigð félögum og
samtökum sem sinna æskulýðs- og íþróttastarfi í
Reykjavík, en ekki einkaaðilum.
Umsóknir um sölutjöld
17. júní 2012 í Reykjavík
Þjóðhátíðarnefnd Reykjavíkur | Skátasamband Reykjavíkur