Fréttablaðið - 15.06.2012, Blaðsíða 26

FÓLK|HELGIN
JR og Bobby verða ekki aðal-hetjur þáttanna heldur synir þeirra, John Ross Ewing III,
sonur JR og Sue Ellenar, og Christopher
Ewing, ættleiddur sonur Bobby Ewing og
Pamelu Ewing. Feðurnir verða að sjálf-
sögðu fyrirferðarmiklir í þáttunum. Tekist
er á um völd og auðæfi ekki ólíkt því sem
gerðist í fyrri þáttum.
Dallas-þættirnir voru fyrst sýndir árið
1978 sem minisería. Vinsældirnar urðu
þvílíkar að ráðist var í framhaldsþáttaröð
sem sýnd var við miklar vinsældir um
allan heim allt til ársins 1991. Árið 1980
stóð heimurinn á öndinni og beið eftir
þætti sem hét „Hver skaut JR?“. Eng-
inn sjónvarpsþáttur hefur enn slegið út
áhorfendamet sem þá var slegið. Um 90
milljónir Bandaríkjamanna horfðu á þátt-
inn og 360 milljónir um allan heim. Dallas-
þættirnir voru sýndir á 67 tungumálum í
yfir níutíu löndum.
Nú hverfa áhorfendur aftur til South-
fork-búgarðsins í Dallas, heimilis hinna
auðugu olíubaróna og munu fylgjast með,
í að minnsta kosti tíu þáttum, átökum
innan ættarinnar. Mörg kunnugleg andlit
sjást í þáttunum og þykir ýmsum sem
leikararnir hafi elst vel. Larry Hagman
mætir aftur sem JR, Linda Gray sem
Sue Ellen og Patrick Duffy er enn Bobby
Ewing. Brenda Strong kemur ný í þættina
sem eiginkona Bobby en hún er þekkt
sem Mary Alice úr Aðþrengdum eigin-
konum. Þar að auki má sjá aftur Lucy
Ewing, Ray Krebbs, hálfbróður Ewing-
bræðranna, og Cliff Barnes en öll þessi
nöfn ættu að hljóma kunnuglega í eyrum
gamalla aðdáenda þáttanna.
Larry Hagman, sem er áttræður að
aldri, er ánægður með að vera kominn
aftur á Southfork sem JR, enda hefur það
hlutverk lifað með honum. „Hversu marg-
ir leikarar á mínum aldri fá hlutverk og
eru að gera það sem þeim þykir skemmti-
legt?“ spyr leikarinn. Linda Gray segir að
þetta sé eins og að fara aftur á bak í tíma
en sá tími hafi verið fljótur að líða. Patrick
Duffy segist hins vegar ekki hafa átt von á
því að leika með þessu fólki aftur en það
sé sérstaklega ánægjulegt. ■ elin@365.is
TAKAST Á Í NÝJUM
DALLAS-ÞÁTTUM
LÍFIÐ HELDUR ÁFRAM Á SOUTHFORK Tuttugu árum eftir að hinir vinsælu
Dallas-þættir luku göngu sinni birtast þeir á skjánum á nýjan leik. Ný þáttaröð
var frumsýnd í Bandaríkjunum á miðvikudaginn og hefst á Stöð 2 17. júní.
NÆSTA KYNSLÓÐ
Synirnar takast á um
völd og auðæfi í nýju
þáttaröðinni.
Skipholti 29b • S. 551 0770
ÚTSALA
HAFIN!
ÚTVARPS-
STÖÐVAR
Í BEINNI5
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir
ALLTAF JR
„Hversu margir
leikarar á mínum
aldri fá hlutverk?“
spyr áttræður
Larry Hagman.
GÖMLU HETJURNAR
Þau eru komin aftur tuttugu árum síðar,
JR, Bobby og Sue Ellen. Nýja konan í lífi
Bobby er leikin af Brendu Strong sem er
þekkt úr Aðþrengdum eiginkonum.
Grasagarðurinn stendur fyrir kvöldgöngu
um Laugarnesfjöru á sunnudagskvöldið
klukkan 20. Tilefnið er Dagur villtra
blóma sem árlega er haldinn á Norður-
löndunum og er gangan öllum opin.
Gengið verður um fjöruna á Laugar-
nestanga þar sem gróðurfar er fjöl-
breytt og plöntur greindar til tegunda.
Fjallað verður um gróður á svæðinu og
starfsemi Flóruvina kynnt. Þeir sem eiga
plöntubækur og stækkunargler eru hvatt-
ir til að hafa þau meðferðis. Forstöðu-
maður Grasagarðsins, Hjörtur Þorbjörns-
son mun leiðsegja í göngunni.
Flóruvinir standa fyrir plöntuskoðun-
arferðum víða um land sunnudaginn 17.
júní í tilefni Dags villtra blóma. Upplýs-
ingar um allar skoðunarferðir Flóruvina
er að finna á www.floraislands.is. Þá eru
farnar fræðslugöngur um Grasagarð-
inn alla föstudaga í júní og hefjast þær
klukkan 13.00.
DAGUR VILLTRA BLÓMA
Haldið verður upp á sameiginlegan dag villtra blóma á Norðurlöndum með
kvöldgöngu 17. júní. Plöntuskoðun verður víða um land.
ÞJÓÐARBLÓM
ÍSLANDS
Holtasóley vex víða um
land á melum og í þurru
mólendi.
MYND/GRASAGARÐUR REYKJAVÍKUR
■ ÞJÓÐLEGT
Í Árbæjarsafni hafa þjóðbún-
ingar verið í aðalhlutverki á
þjóðhátíðardaginn, 17. júní, í
mörg ár og eru gestir hvattir til
að mæta í eigin búningi. Klukk-
an 16 dansa bæði börn og full-
orðnir í þjóðbúningum á torgi
safnsins. Glæsivagnar Forn-
bílaklúbbsins verða á svæðinu
og skoða má nýjar sýningar
í safninu nú í sumarbyrjun.
Þar má nefna Farfi og fegurð
– saga húsamálunar, Lög unga
fólksins, sýning sem unnin var
af nemendum við HÍ, Horft
fyrir Horn, sýning Þórhalls
Árnasonar í Listmunahorninu,
Krummakrunk – hrafninn í ís-
lensku samfélagi og Ekki snerta
jörðina, sýning um leiki barna í
gamla daga.
ÞJÓÐBÚNINGAR Á
ÁRBÆJARSAFNI