Fréttablaðið - 15.06.2012, Qupperneq 25

| FÓLK | 3BÍLAR
Bílaþvottastöðin Splass er splunkuný og glæsileg bílaþvottastöð sem býður tjöruhreinsun, háþrýsti-þvott, handþvott, bón, Rain-x og skolun með
eimuðu vatni.
„Við erum með hraða þjónustu og hver bíll tekur aðeins
um tíu mínútur hjá okkur. Við getum tekið við sendi-
bílum og bílum á allt að 46“ dekkjum eða 250 cm á hæð.
Svo þarf ekki að panta tíma hjá okkur, bara mæta á
svæðið,“ segir Vilhjálmur Einarsson, eigandi Splass.
„Bílarnir keyra inn á færibandi sem er það eina sinnar
tegundar á landinu. Við byrjum á því að tjöruhreinsa
bílinn með öflugum tjöruhreinsi frá Mjöll Frigg. Því næst
fer bíllinn í gegnum háþrýstiþvott, eftir það er sápu
sprautað á bílinn og hann handþveginn með svömpum.
Sápan er skoluð af og bóni sprautað yfir bílinn og rain-x.
Eftir það er eimuðu vatni sprautað yfir bílinn.
Þá er komið að því að bíllinn fer í gegnum fimm þurrk-
blásara og loks er bíllinn þurrkaður með mjúkum klútum
og þurrkað úr hurðarfölsum og skotti,“ segir hann.
Hjá Splass er einnig í boði að láta þrífa bílinn að innan.
„Þá eru rúðurnar þrifnar að innan, mælaborðið þrifið og
bíllinn ryksugaður. Við erum líka með sérstaka mottu-
þvottavél sem mottunum er skellt í og þaðan koma þær
hreinar og þurrar, hvort sem það eru gúmmí- eða teppa-
mottur. Þrif að innan og utan taka um það bil hálftíma og
geta viðskiptavinir okkar annaðhvort beðið í setustof-
unni hjá okkur eða skroppið yfir í Smáralindina sem er
hér við hliðina á okkur. Viðskiptavinurinn fær svo sent
SMS-skeyti þegar bíllinn er tilbúinn.
Í setustofunni eru alltaf nýjustu tímaritin og einnig er
frítt WiFi í húsinu, þannig að fólk getur vafrað á netinu
inni í bílnum eða á biðstofunni á meðan bíllinn er þrif-
inn.“
Viðskiptavinurinn greiðir fyrir þrifin í bílalúgu þannig
að í raun er óþarfi að stíga út úr bílnum.
„Við afgreiðum kaffi, café latte, espresso og cappucc-
ino í gegnum lúguna sem fólk getur drukkið í bílnum á
meðan það bíður,“ segir Vilhjálmur.
Splass er vistvæn bílaþvottastöð þar sem allt frá-
rennsli frá stöðinni fer í gegnum olíu- og sandskilju áður
en það fer í frárennsliskerfið. „Það er miklu umhverfis-
vænna að koma með bílinn til okkar en að þrífa hann
heima þar sem öll efni, sápa og tjöruhreinsir fara beint
ofan í frárennslið og út í umhverfið.“
OPNUNARTÍMI
mán-föst 9-19
lau 10-18
sun 13-18
VERÐLISTI
fólksbílar
2.290 kr.
fólksbílar með inniþrifum
3.690 kr.
jepplingar og stærri bílar
2.790 kr.
með inniþrifum 4.690 kr.
SPLUNKUNÝ OG GLÆSILEG
BÍLAÞVOTTASTÖÐ
VISTVÆN HANDÞRIF Bílaþvottastöðin Splass er ný vistvæn bílaþvottastöð við hliðina á Smáralind. Bílarnir eru handþrifnir með
svömpum og einnig er boðið upp á þrif að innan. Strákarnir á stöðinni geta tekið á móti breyttum bílum á 46“ dekkjum.
NÝ STÖÐ
Bræðurnir Vilhjálmur og
Eyjólfur Einarssynir eru nýbúnir
að opna glæsilega bílaþvotta-
stöð þar sem áhersla er lögð á
góða þjónustu og gott verð.
FRÍTT Á
NETIÐ
VERSLAÐ MEÐAN BEÐIÐ ER
Splass er til húsa að Hagasmára 2. Viðskipta-
vinir geta rölt yfir í Smáralind meðan þeir bíða
eftir bílnum. Þegar bíllinn er klár eru þeir látnir
vita með sms-skilaboðum.
LÍKA AÐ INNAN
VANDVIRKIR OG SNÖGGIR
Bílarnir eru handþvegnir
með svömpum. Strákarnir
hjá Splassi eru vandvirkir og
snöggir. MYND/ANTON