Fréttablaðið - 21.06.2012, Blaðsíða 16

21. júní 2012 FIMMTUDAGUR16
Meiri Vísir.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meira sjónvarp, meira útvarp, meiri fréttir,
meiri upplýsingar, meiri umræða, meira líf,
meiri íþróttir, meiri virkni, meira úrval.
Þú færð meira af öllu á vísi.
Á Veiðivísi, nýjum veiðivef Vísis, getur þú nálgast helstu fréttir,
ítarlega umfjöllun og gagnlegar upplýsingar um veiði, hvort heldur
sem er stangveiði eða skotveiði. Fylgstu með í sumar og nýttu þér
allt sem Vísir hefur upp á að bjóða.
Umsjón: nánar á visir.is
Íslandsbanki tilkynnti í gær-
morgun að hann ætlaði sér að selja
fimm prósenta hlut í Icelandair
Group í lokuðu útboði sem fram
fer í dag og á morgun. Til greina
kemur að selja enn stærri hlut
verði verðtilboð fjárfesta viðun-
andi. Eftir söluna verður Íslands-
banki ekki lengur stærsti eigandi
Icelandair Group heldur Fram-
takssjóður Íslands (FSÍ) með 19
prósenta hlut. Gengi hlutabréfa í
Icelandair Group lækkaði umtals-
vert þegar tilkynnt var um söluna.
Heildarmarkaðsvirði félagsins er
samt sem áður hátt, eða tæplega
32 milljarðar.
Íslandsbanki á sem stendur
20,3 prósenta hlut í Icelandair
sem bankinn eignaðist að mestu
í maí 2009 þegar hann leysti til
sín eignarhluti stórra eigenda
sem gátu ekki staðið skil á lánum
sínum. Eftir það átti bankinn 47
prósenta hlut í félaginu. Í kjöl farið
var ráðist í fjárhagslega endur-
skipulagningu á Icelandair Group
sem Íslandsbanki leiddi. Nánar er
greint frá henni hér til hliðar.
FSÍ keypti upprunalega í Ice-
landair í hlutafjárútboði sumar-
ið 2010 fyrir 3,6 milljarða króna
og eignaðist við það 29 prósenta
eignar hlut. Sjóðurinn seldi tíu pró-
senta hlut í nóvember í fyrra á 2,7
milljarða króna.
Eftir þá sölu var Íslandsbanki
aftur orðinn stærsti eigandi Ice-
landair Group. Bankinn af hendir
nú FSÍ aftur þann kyndil. Í til-
kynningu vegna sölunnar á fimm
prósenta hlut Íslandsbanka í Ice-
landair Group segir að „endan-
leg stærð þess eignarhlutar sem
verður seldur mun ráðast af verð-
tilboðum fjárfesta“. Aðspurð um
hvað hvað sé átt við með þessu
segir Guðný Helga Herberts dóttir,
upplýsingafulltrúi bankans, að „í
skilmálum útboðsins er heimilt
að hækka eða lækka útboðsfjár-
hæðina en við stefnum á sölu á 5%
hluta og í raun liggur ekki annað
fyrir í dag“.
Verð á hlutabréfum Icelandair
FSÍ verður stærsti
eigandi Icelandair
Íslandsbanki ætlar að selja fimm prósenta hlut í Icelandair Group. Markaðs-
virði hlutarins um 1,6 milljarðar. Gæti selt meira ef tilboð eru viðunandi. Gengi
bréfa í Icelandair lækkaði umtalsvert í gær eftir að tilkynnt var um söluna.
RISI Stærsta eign Icelandair Group er millilandaflugfélagið Icelandair. Stóraukinn
ferðamannastraumur til landsins á undanförnum árum hefur aukið arðsemi þess
til muna. FRÉTTABLAÐIÐ/PJETUR
Hluti af fjárhagslegri endurskipulagningu Icelandair Group var að gefa út
nýtt hlutafé upp á 3,3 milljarða króna að nafnvirði. Það var selt á genginu
2,5 krónur á hlut í tveimur útboðum á árinu 2010. Á meðal þeirra sem
keyptu þetta hlutafé var FSÍ og Lífeyrissjóður verzlunarmanna auk þess sem
um þriðjungur þess var seldur í almennu hlutafjárútboði í desember 2010.
Samhliða þessu þynntist hlutur Íslandsbanka út.
Til viðbótar breyttu kröfuhafar Icelandair skuldum upp á 3,6 milljarða
króna í hlutafé á genginu 5 krónur á hlut auk þess sem kröfuhafar keyptu
eignir sem tengdust ekki kjarnastarfsemi félagsins fyrir 7,6 milljarða króna.
Við endurskipulagninguna lækkuðu vaxtaberandi skuldir Icelandair alls um
tæpa fjórtán milljarða króna.
Verð á hlutabréfum Icelandair lækkaði skarpt í gær eftir að tilkynnt var
um söluna, eða um 3,05 prósent. Verðið stendur nú í um 6,35 krónum á
hlut. Það þýðir að þeir sem keyptu bréf í hlutafjárútboðunum árið 2010 á
genginu 2,5 hafa ávaxtað fé sitt um rúmlega 150 prósent á einu og hálfu ári.
150 prósenta ávöxtun frá útboðum
lækkaði skarpt í gær eftir að til-
kynnt var um söluna, eða um 3,05
prósent. Það stendur nú í um 6,35
krónum á hlut. Það þýðir að þeir
sem keyptu bréf í hlutafjárútboð-
unum árið 2010 á genginu 2,5 hafa
ávaxtað fé sitt um rúmlega 150
prósent á einu og hálfu ári. Ice-
landair Group greiddi 800 millj-
óna króna arð til hluthafa sinna
ný verið vegna frammistöðu félags-
ins á árinu 2011. Félagið hagnaðist
um 4,4 milljarða króna á því ári.
thordur@frettabladid.is
VAR HÆKKUN á vísitölu leiguverðs á höfuðborgarsvæðinu í maí. Síðastliðna
tólf mánuði hefur vísitalan hækkað um 6,2%.1,7%
Kaup Landsbankans á eignum og
rekstri Sparisjóðs Svarfdæla voru
nauðsynleg aðgerð og til þess
fallin að tryggja fjármálastöðug-
leika. Þetta kemur fram í ákvörðun
Eftirlitsstofnunar EFTA (ESA)
sem birt var í gær. Lands bankinn
gekk frá kaupunum í janúar
síðast liðnum og greiddi sjóðnum
165 milljónir króna fyrir. Spari-
sjóðurinn hafði þá verið rekinn á
undanþágu frá Fjármálaeftir litinu
(FME) þar sem hann uppfyllti ekki
lágmarkskröfur þess um eigið fé.
Hann rekur starfsemi á Dalvík og
afgreiðslu í Hrísey.
Kaupin voru gerð með fyrir-
vara um samþykki ESA þar sem
Landsbankanum hafði verið veitt
ríkisaðstoð í kjölfar fjármála-
kreppunnar. Bönkum sem þegið
hafa slíka aðstoð er ekki heimilt
að kaupa samkeppnisaðila nema í
undantekningartilvikum.
Í ákvörðun ESA segir að „ekki
varð séð að aðrar betri leiðir væru
færar til þess að tryggja að Spari-
sjóður Svarfdæla uppfyllti skilyrði
un eiginfjárhlutfall“. Þess vegna
voru kaup Landsbankans nauð-
synleg aðgerð til að tryggja fjár-
málastöðugleika. - þsj
Kaup á Sparisjóði Svarfdæla tryggðu stöðugleika:
ESA samþykkir kaup
Landsbanka á sjóði
LANDSBANKI ÍSLANDS Gengið var í
janúar frá kaupum Landsbankans á
Sparisjóði Svarfdæla. FRÉTTABLAÐIÐ/RÓSA
EFNAHAGSMÁL Seðlabanki Íslands
stóð í gær fyrir tveimur gjaldeyris-
útboðum. Í fyrra útboðinu bauðst
bankinn til að kaupa evrur fyrir
krónur eða ríkisskuldabréf en í því
seinna að kaupa krónur fyrir evrur.
Alls 49 tilboð, að fjárhæð 43,8
milljónir evra, bárust í fyrra út-
boðinu. Var tilboðum að fjárhæð
23,7 milljónir evra tekið og var sam-
þykkt verð 245 krónur fyrir evru. Í
seinna útboðinu bárust 42 tilboð að
fjárhæð 29,0 milljarðar króna. Var
tilboðum tekið fyrir 7,5 milljarða á
genginu 246 krónur fyrir evru.
Útboð Seðlabankans eru liður í
áætlun stjórnvalda um losun gjald-
eyrishafta. Markmið þeirra var
annars vegar að selja krónur fyrir
gjaldeyri til aðila sem ákveðið hafa
að fjárfesta í íslensku atvinnulífi
eða ríkisskuldabréfaum sem verða
í vörslu í 5 ár. Hins vegar að stuðla
að því að fjárfestar geti selt krónu-
eignir sínar með skipulögðum hætti
ef þeir svo kjósa. - mþl
Gengið á bilinu 245 til 246 krónur fyrir evru:
Gjaldeyrisútboð í gær
SEÐLABANKI ÍSLANDS Gjaldeyrisútboðið
í gær var hið þriðja á þessu ári. Tvö til
viðbótar eru ráðgerð í ágúst og septem-
ber. FRÉTTABLAÐIÐ/PJETUR
Umframeftirspurn var eftir
hlutabréfum í fasteignafélaginu
Regin hf. í almennu hlutafjárút-
boði sem lauk á þriðjudag. Þar
bauð Landsbanki Íslands allt að
75 prósenta hlutafjár í félaginu
til sölu. Heildareftirspurn nam
10,3 milljörðum króna og er
heildarsöluverðmæti þess 7,9
milljarðar króna. Landsbankinn
ákvað að halda eftir tæplega eins
prósents hlut til að selja til við-
skiptavaka. Bankinn mun auk
þess sjálfur halda eftir 25 pró-
senta hlut þegar Reginn verður
skráður á hlutabréfamarkað.
Búist er við að fyrsti viðskipta-
dagur með hlutabréfin í Kaup-
höll Íslands verði 2. júlí næst-
komandi.
Verðbilið í hlutafjárútboðinu
var 8,1 til 11,9 krónur á hlut.
Miðað við það var markaðsvirði
alls hlutafjár í Regin áætlað
10,5 til 15,5 milljarðar króna.
Útboðsgengi hefur verið ákveðið
8,2 krónur á hlut. Miðað við það
er heildarmarkaðsvirði Regins
10,7 milljarðar króna, eða mjög
nálægt lægri mörkum þess
bils. Allir sem buðu verð á eða
yfir útboðsgengi og tilgreindu
hámarksverð á eða yfir útboðs-
gengi fá úthlutað hlutum.
Helstu eignir Regins eru
Smára lind og Egilshöll. Reginn
verður annað félagið sem nýskráð
verður á markað eftir bankahrun
og fyrsta fasteignafélagið. - þsj
Umframeftirspurn eftir hlutum í Regin sem fer á markað 2. júlí:
Útboðsgengi Regins við neðri mörk
Á MARKAÐ Reginn á meðal annars Smáralind og Egilshöll. Helgi S. Gunnarsson er
forstjóri félagsins. FRÉTTABLAÐIÐ/GVA