Fréttablaðið - 21.06.2012, Side 46

21. júní 2012 FIMMTUDAGUR34
Tónlist ★★★★ ★
Lokatónleikar Reykjavík
Midsummer Music
Ýmsir flytjendur
Eldborg, Hörpu 19. júní
Maður skyldi ætla að tónlistarhátíð í
Reykjavík örskömmu á eftir Listahátíð
væri eins og að eiga afmæli 27. des-
ember.
En hin svokallaða Reykjavík Midsum-
mer Music hátíð var vel sótt. Hátíðin var
haldin í Hörpu núna í kringum helgina.
Megas og kammer
Sennilega var hún stíluð á annan áheyr-
endahóp. Enskur titillinn var væntan-
lega til að laða að túristana.
Fyrstur á dagskránni á lokatónleik-
unum á þriðjudagskvöldið var hinn svo-
kallaði Forleikur um hebresk stef eftir
Prokofiev. Hann hljómaði undarlega.
Hljómburðurinn var furðu dauflegur;
það var ekki fyrr en um miðbik verksins
að ég áttaði mig á að þarna var m.a.
Ástríður Alda Sigurðardóttir að leika á
píanó. Klarinetta Einars Jóhannessonar
var líka fremur litlaus. Samt var flutn-
ingurinn fínn, nákvæmur og lifandi.
Skýringin á þessu var sú að „þakið“
fyrir ofan sviðið, sem er stillanlegt, var
of hátt fyrir órafmagnaða tónlist. Það
var vegna hátalaranna sem héngu
úr því. Þeir voru of stórir til að vera
neðar. Hljóðið endurkastaðist því ekki
nægilega vel til áheyrenda. En hátalar-
arnir þurftu að vera þarna; Megas var
væntanlegur síðar um kvöldið, og hann
notar hljóðnema.
Sellósónatan eftir Ligeti í meðförum
Sigurgeirs Agnarssonar kom að mörgu
leyti betur út en Prokofiev. Hugsanlega
vegna þess að sellóleikarinn var framar
á sviðinu; ég hreinlega veit það ekki. En
leikur hans var í það heila stórbrotinn
og glæsilegur.
Enn magnaðra var horntríó eftir sama
tónskáld. Þar spilaði Víkingur Heiðar
Ólafsson, listrænn stjórnandi hátíðar-
innar, ásamt Stefáni Jóni Bernharðssyni
hornleikara og Sigrúnu Eðvaldsdóttur
fiðluleikara. Þetta er einstök tónlist,
hnitmiðuð og djörf. Og túlkunin var
ótrúlega glæsileg.
Eftir hlé var komið að tónsmíð eftir
Daníel Bjarnason, Bow to String. Þetta er
skemmtileg tónlist, byrjar með miklum
eldglæringum, en fellur svo í djúpa
kyrrð. Þarna var Bryndís Halla Gylfadóttir
sellóleikari í aðalhlutverki. Leikur hennar
var íhugull, litríkur og fallegur.
Megas var svo rúsínan í pylsuend-
anum. Lögin hans eru hreinustu perlur.
Hér söng hann við undirleik sem var
útsettur af syni hans, Þórði. Annars
vegar lék strengjakvintett (Sigrún,
Hávarður Tryggvason, Bryndís Halla og
Þórunn Ósk Marinósdóttir), hins vegar
Víkingur Heiðar.
Útsetningarnar voru fagmannlegar og
snyrtilegar. Strengjaútsetningarnar voru
samt dálítið knúsaðar. Þær skyggðu
of mikið á sönginn. Ég tók eftir því að
þegar kontrabassaleikarinn var ekki að
spila þá hljómaði röddin betur. Þarna
voru árekstrar á milli tíðnisviðs hljóð-
færisins og raddar Megasar.
Píanóútsetningarnar voru betri, en
einnig þar hefði minna verið meira. Og
möguleikar alls hljómborðsins hefðu
mátt vera betur nýttir. Píanóið var oft á
sama stað og röddin. Fyrir bragðið var
dúettinn þeirra Víkings og Megasar eins
og samræða þar sem hvor talar upp í
annan.
Það var samt gaman að Megasi.
Hann var svo frjálslegur og öðruvísi! Og
í það heila voru þetta flottir tónleikar.
Vissulega voru þeir ekki gallalausir, en
topparnir voru svo mikil snilld að allt
annað fyrirgefst. Jónas Sen
Niðurstaða: Glæsileg kammertón-
listarveisla.
NÝTT
www.facebook.com/Fronkex
Fáðu þér íslenskt gott kex
með chilli eða hvítlauksbragði.
Bættu við bragðgóðum íslenskum osti,
dreitil af sultu og njóttu þess.
Opið laugard. kl. 10-14
HVAÐ? HVENÆR? HVAR?
Fimmtudagur 21. júní 2012
➜ Tónleikar
12.00 Fyrstu fimmtudagstónleikar
Alþjóðlegs orgelsumars verða haldnir
í Hallgrímskirkju. Lazlo Petö, organisti
Stykkishólmskirkju, leikur á Klais-orgel.
Miðaverð er kr. 1.500 en ókeypis er fyrir
félaga í Listvinafélagi Hallgrímskirkju.
21.00 Einar Lövendal spilar á Café
Rosenberg.
21.00 Hljómsveitin Múgsefjun heldur
útgáfutónleika í Fríkirkjunni í Reykjavík.
Miðaverð er kr. 2.500.
21.00 Tónleikar til styrktar Davíð
Erni Arnarssyni og fjölskyldu hans í
Austurbæ. Meðal tónlistarmanna eru
Björgvin Halldórsson, Jón Jónsson og
Sigga Beinteins. Miðaverð er kr. 3.500.
22.00 Tónlistarkonan Ólöf Arnalds
heldur tónleika á Café Flóru í Grasa-
garðinum í tilefni sumarsólstaða. Miða-
verð er kr. 3.000.
22.00 Sumarskemmtunin Veislufjör
2012 verður í Pakkhúsinu á Höfn í
Hornafirði. Það eru Snorri Helgason,
Mr. Silla og Hugleikur Dagsson sem
sjá um dagskrána. Miðaverð er kr.
2.000.
➜ Fræðsla
20.00 Minjasafn Reykjavíkur býður til
sögugöngu um miðbæinn. Lagt verður
af stað frá Grófinni, milli Tryggvagötu 15
og 17. Skrautleg hús, fálkaskjöldur með
kórónu, útskorið skip og fálkar skoðaðir.
Aðgangur ókeypis.
20.00 Árleg Jónsmessuganga menn-
ingarnefndar Seltjarnarness verður farin
frá bílastæðinu við Bakkatjörn. Skoðuð
verður jarðfræði Seltjarnarness undir
leiðsögn dr. Helgi Torfason, jarðfræð-
ings. Aðgangur er ókeypis.
➜ Leiðsögn
17.00 Hallgrímur Helgason verður
með leiðsögn um sýninguna Mynd-
veiðitímabilið 2012 í Gerðubergi.
➜ Fyrirlestrar
14.00 Þrýstingur er yfirskrift fræðslu-
fundar á vegum Stoðar hf. sem
haldinn verður í hjálpartækjasal Stoðar,
Trönuhrauni 8 í Hafnarfirði. Það eru
þau Franz Krapfenbauer, Gíslný Bára
Þórðardóttir og Vala Þórólfsdóttir sem
tala á fundinum.
Upplýsingar um viðburði sendist á
hvar@frettabladid.is