Fréttablaðið - 17.08.2012, Qupperneq 8

17. ágúst 2012 FÖSTUDAGUR8
LANDSBYGGÐIN „Það hefur aldrei verið mín
meining að nota þetta hús sem sumarhús,“
segir Ómar Sigurðsson sem í júlí síðastliðn-
um keypti hús á Bíldudal. Í grein Frétta-
blaðsins um húsnæðisskort þar í bæ sagði að
það hús yrði nýtt sem sumarhús en í því býr
nú fimm manna fjölskylda sem þarf að finna
sér nýtt húsnæði sem er ekki heiglum hent
í húsnæðisskortinum. Af þeim sökum hefur
Ómar frestað því að flytja inn í húsið. „Ég
keypti mér bát sem ég gerði út frá Bíldudal í
sumar og mun gera í haust og í framtíðinni.“
Hann segir að í raun sé það jákvæð þróun
að hús séu orðin eftirsótt á sunnanverðum
Vestfjörðum eftir langt hnignunarskeið þar.
„Nú þarf að bregðast við þessari þróun. Í
fyrsta lagi þurfa heimamenn að sýna það í
verki að þeir hafi trú á framtíðinni þarna
með því að fjárfesta. Það er til dæmis eitt
einbýlishús til sölu nú á góðu verði sem eng-
inn hefur boðið í. En ég hef líka skilning á
því að það geta ekki allir farið út í slík kaup
og þá kemur að síðari þættinum en hann er
sá að lánastofnanir og yfirvöld þurfa líka
að sýna í verki að þau hafi trú á framtíðinni
þarna.“
Ómar bjó á Bíldudal á áttunda áratugn-
um en varð að fara þegar niðursveiflan kom
með þunga þar í byrjun þess níunda. „Nú
get ég loksins farið þangað aftur og ég veit
að margir myndu vilja gera slíkt hið sama,“
segir hann. - jse
ÓMAR SIGURÐSSON Hann segir að heimamenn, yfir-
völd og lánastofnanir þurfi nú að sýna í verki að þau
hafi trú á landsbyggðinni. FRÉTTABLAÐIÐ/VILHELM
1. Hvaða Íslendingur keppir í
UFC-deildinni í bardagalistum í
Englandi í september?
2. Hvað heitir forsætisráðherra
Grikklands?
3. Hvaða íslenski handknattleiks-
maður er nú í atvinnuleit eftir að
lið hans AG fór á hausinn?
SVÖR
1. Gunnar Nelson 2. Antonis Samaras 3.
Snorri Steinn Guðjónsson
VEISTU SVARIÐ?
BRETLAND „Þótt sögulegur sigur hafi unnist í
dag, þá er barátta okkar rétt að hefjast,“ segir
Julian Assange, stofnandi Wikileaks, í yfirlýs-
ingu sem hann sendi frá sér í gær eftir að hafa
fengið pólitískt hæli í Ekvador. „Stöðva verður
hina fordæmalausu rannsókn Bandaríkjanna á
Wikileaks.“
Hann vottaði Bradley Manning, bandaríska
hermanninum sem grunaður er um að hafa
lekið leyniskjölum til Wikileaks, virðingu sína:
„Þótt athyglin í dag beinist að miklu leyti að
ákvörðun Ekvadorstjórnar, þá er jafn mikil-
vægt að minnast þess að Manning hefur verið í
haldi án réttarhalda í meira en 800 daga.“
Assange hefur dvalið í sendiráði Ekvadors
í London í nærri tvo mánuði. Þar leitaði hann
skjóls og sótti jafnframt um pólitískt hæli í
Ekvador í von um að komast þannig hjá því að
verða framseldur til Svíþjóðar.
Svíar vilja fá hann til yfirheyrslu vegna ásak-
ana um kynferðisbrot gegn tveimur konum,
en Assange óttast að Svíar framselji hann til
Bandaríkjanna þar sem hann ætti yfir höfði
sér málsókn vegna birtingar á leyniskjölum frá
Bandaríkjaher. Hann óttast að málsmeðferðin
þar yrði ekki sanngjörn.
Stjórn Ekvadors telur þennan ótta eiga við
rök að styðjast: „Það er ekki útilokað að hann
myndi sæta grimmilegri meðferð, verði dæmd-
ur í ævilangt fangelsi eða jafnvel til dauðarefs-
ingar,“ sagði Ricardo Patino, utanríkisráðherra
Ekvadors. Bresk stjórnvöld lýstu yfir vonbrigð-
um sínum með þessa niðurstöðu, en sögðu hana
engu breyta um að þeim beri lagaleg skylda til
þess að handtaka Assange og framselja hann.
Á miðvikudag sendu Bretar orðsendingu til
Ekvadors þar sem því var hótað að friðhelgi
sendiráðsins í London yrði rofin og Assange
handtekinn. Lögreglan í London umkringdi
síðan sendiráðsbygginguna, en þangað safnað-
ist einnig fjöldi fólks til að lýsa yfir stuðningi
við Assange.
Sænska stjórnin brást síðan við í gær með því
að kalla sendiherra Ekvadors á sinn fund til að
mótmæla því að Assange hefði fengið pólitískt
hæli. gudsteinn@frettabladid.is
Stjórn Ekvadors samþykkir
að Julian Assange fái hæli
Utanríkisráðherra Ekvadors segir hættu á því að Svíar framselji stofnanda Wikileaks til Bandaríkjanna.
Assange hefur dvalið í sendiráði Ekvadors í London. Bresk stjórnvöld hóta að rjúfa friðhelgi sendiráðsins.
MÓTMÆLENDUR OG LÖGREGLA Mikið var um að vera fyrir utan sendiráð Ekvadors í London í gær. FRÉTTABLAÐIÐ/AP
Samkvæmt Vínarsamningnum um ræðissam-
band, alþjóðasamningi frá 1961 sem nánast öll
ríki Sameinuðu þjóðanna eiga aðild að, njóta
sendiherrar og annað starfsfólk sendiráða frið-
helgi.
Friðhelgin nær til húsakynna sendiráðsins, en
þó er hægt að vísa sendiherranum og starfsfólki
úr landi og þá fellur úr gildi friðhelgi húsnæðisins.
Breska lögreglan hefur sem sagt ekki heimild til
að fara inn í sendiráð Ekvadors í London til að
handtaka þar fólk, nema starfsfólki sendiráðsins
hafi verið vísað úr landi og sé farið úr húsinu.
Bresk stjórnvöld vísa hins vegar til breskra laga
frá árinu 1987, sem heimila breskum stjórnvöld-
um að afturkalla friðhelgi sendiráðshúsnæðis,
meðal annars ef ljóst þykir að sendiráð sé notað í
öðrum tilgangi en heyrir undir starfsemi sendi-
ráða, en tilefnið þarf þá að vera brýnt. Grípi bresk
stjórnvöld til þessa ráðs væri það fordæmalaust
og gæti gefið varhugavert fordæmi.
Utan sendiráðsins nær friðhelgin eingöngu til
starfsfólks sendiráðsins og fjölskyldna þeirra, en ekki
til annarra einstaklinga sem kunna að vera í för með
sendiráðsfólkinu. Julian Assange á því ekki kost á
að fara í fylgd sendiráðsstarfsfólks út á flugvöll og
komast þannig úr landi, jafnvel þótt honum hafi
verið veitt hæli í Ekvador, nema þá með leynd – og
það gæti orðið erfitt því breska lögreglan fylgist
grannt með sendiráðinu.
Ekvador gæti veitt Assange ríkisborgararétt með
hraði í þeim tilgangi að gera hann að starfsmanni
sendiráðsins, en til þess þyrfti samþykki breskra
stjórnvalda, sem varla fengist. Ekvador gæti einnig
gert Assange að sendiherra sínum hjá Sameinuðu
þjóðunum, og þá nyti hann friðhelgi sem slíkur, en
sá möguleiki virðist þó heldur langsóttur.
Friðhelgi sendiráða
STJÓRNSÝSLA Guðbjartur Hannes-
son velferðarráðherra hefur skip-
að þriggja manna sérfræðinefnd
í samræmi við lög um réttarstöðu
einstaklinga með kynáttunar-
vanda, sem Alþingi samþykkti
nýverið.
Hlutverk nefndarinnar er að
meta hvort umsóknir einstak-
linga sem óska staðfestingar á
því að þeir tilheyri gagnstæðu
kyni uppfylli skilyrði laga og að
meta hvort umsækjandi sé hæfur
til aðgerðar. Þá annast nefndin
tilkynningar til Þjóðskrár.
Geir Gunnlaugsson landlækn-
ir er formaður, en aðrir nefnd-
armenn eru María Rún Bjarna-
dóttir lögfræðingur og Engilbert
Sigurðsson geðlæknir. - sv
Guðbjartur skipar nefnd:
Nefnd um kyn-
áttunarvanda
TÁLKNAFJÖRÐUR Sveitarstjórn
Tálknafjarðarhrepps hefur sam-
þykkt að taka lán hjá Lánasjóði
sveitarfélaga ohf. upp á 25 millj-
ónir króna.
Lánið er tekið til að fjármagna
hafnarframkvæmdir sveitar-
félagsins. Þetta kemur fram á vef
Bæjarins besta.
Til tryggingar láninu standa
tekjur sveitarfélagsins. Unnið
er að því að endurbyggja gömlu
bryggjuna ásamt því að setja
niður nýtt stálþil. - kh
Framkvæmdir á Tálknafirði:
Slær lán til að
stækka höfnina
TÁLKNAFJÖRÐUR Sveitarstjórnin ætlar að
slá lán til að stækka höfnina.
MYND/EGILL AÐALSTEINSSON
Ómar Sigurðsson frestar því að flytja í hús sem hann keypti vegna húsnæðisskorts heimamanna:
Verða að hafa trú á þorpunum fyrir vestan
SJÁVARÚTVEGUR Makrílveiðar upp-
sjávarveiðiskipa HB Granda hafa
gengið vel í sumar. Á heimasíðu
fyrirtækisins kemur fram að í byrj-
un vikunnar var búið að veiða um
11.400 tonn af makríl á vertíðinni
og þá voru óveidd um 4.500 tonn.
Hlutfall síldar í makríl aflanum
hefur aukist upp á síðkastið, en
skip sem eru á síldveiðum norðan
við helsta makrílveiðisvæðið hafa
jafnframt verið að fá 10-20% með-
afla af makríl.
„Veiðin hefur verið í góðu lagi í
sumar. Það kom reyndar smá deyfð
í þetta í gær, eins og gerist af og til,
en eftir að við komum á miðin um
miðnætti hafa aflabrögðin verið
með ágætum,“ segir Guðlaugur
Jónsson, skipstjóri á Ingunni AK,
en er rætt var við hann laust upp úr
hádeginu í gær var verið að ljúka
þriðja holi veiðiferðarinnar í Litla-
djúpi, en nú er lögð áhersla á að ná
makrílkvótanum áður en haldið
verður til síldveiða.
Vinnsla í uppsjávarhúsinu á
Vopnafirði hefur gengið vel í
sumar enda eru skipin þrjú, sem
sjá vinnslunni fyrir hráefni. Þau
landa á þriggja daga fresti með 400
til 500 tonna afla hvert. Makríllinn
sem nú veiðist er feitur og fallegur
og meðal vigtin hjá Ingunni í yfir-
standandi veiðiferð er rúmlega 400
grömm. - shá
Þrjú skip landa 400 til 500 tonnum á Vopnafirði á þriggja daga fresti:
Gengur hratt á makrílkvótann
INGUNN AK Nokkuð ber á síld sem meðafla við makrílveiðarnar sem nú eru á
lokametrunum hjá HB Granda. MYND/HBGRANDI
E n g i h j a l l a 8 , 2 0 0 Kó p avo g i
Opið frá 11 - 20 alla daga