Fréttablaðið - 17.08.2012, Blaðsíða 26

FÓLK|HELGIN
Fastur liður í dagskrá menningar-nætur undanfarin ár er vöfflu-kaffið. Þar hafa íbúar nokkurra
gatna í miðborginni boðið gestum heim
til sín í vöfflur og kaffisopa. Auk veiting-
anna bjóða sumir gestgjafarnir upp á
fjölbreytt skemmtiatriði sem eiga sinn
þátt í að gera daginn enn eftirminni-
legri. Þóra Andrésdóttir og Gunnar
Roach bjóða gestum menningarnætur
heim til sín að Ingólfsstræti 21A fimmta
árið í röð. „Fjölskyldan skipuleggur
þetta í sameiningu. Ég átti hugmyndina
upphaflega en við hjálpumst öll að og
börnin mín taka líka þátt. Dagskráin fer
öll fram í garðinum hjá okkur og boðið
verður upp á fjölbreytt tónlistaratriði
í bland við ljúffengar veitingar,“ segir
Þóra.
Eins og venjulega bjóða Þóra og
Gunnar upp á vöfflur og kaffi en auk
veitinga verður boðið upp á fjölbreytta
dagskrá. Fyrst munu tíu ára frændsystk-
ini Þóru troða upp með tónlistaratriði
en þau spila á fiðlur. „Síðan verður hluti
af tónleikunum Lagaleiðangur Ingibjarg-
ar Þorbergs fluttur í garðinum en hún
verður einmitt 85 ára á þessu ári. Svo
munu hjómsveitirnar Boogie Trouble
og Útidúr spila en sonur okkar, Kristinn
Roach Gunnarsson, spilar í báðum sveit-
unum.“ Auk tónlistaratriðanna verða
nokkrar styttur eftir Þorbjörgu Pálsdótt-
ur, móður Þóru, til sýnis í garði Þóru.
Mætingin hefur verið góð undan-
farin ár þótt hún sé eðlilega misjöfn
eftir veðri. Hún segir vini, ættingja og
nágranna mæta í heimsókn auk fjölda
gesta sem koma af götunni í heimsókn.
„Dagskráin hefst kl. 14 með leik yngstu
barnanna. Svo verður boðið upp á heit-
ar vöfflur og kaffi. Síðan taka við fleiri
tónlistaratriði og gleðin stendur yfir til
kl. 16 og jafnvel lengur ef stemningin er
góð og það er fjölmennt. Á ég líka von á
heimsókn frá meðlimum Tangófélagsins
sem munu jafnvel sýna tangó í garð-
inum þannig að það mun kenna ýmissa
grasa.“
Þegar gestirnir eru farnir ætla hjónin
að rölta um miðbæinn og skoða nokkra
viðburði. „Mig langar mikið að heim-
sækja varðskipið Tý og sjá ljósasýn-
inguna þar. Þetta er sambærileg sýning
og var á Vetrarhátíðinni við Hallgríms-
kirkju í vetur. Svo labba ég kannski
niður í Tjarnarbíó og fæ mér te. Síðan
mun ég að sjálfsögðu horfa á stórtón-
leikana við Arnarhól þar sem Retro Stef-
son mun meðal annars spila en dóttir
okkar er í hljómsveitinni. Þau hafa nú
oft spilað í garðinum hjá okkur en eru
að koma að utan sama dag og ná því
ekki í ár.“ ■ starri@365.is
MIÐBORGARBÚAR
BJÓÐA HEIM
HEIMBOÐ Vöffluilmur berst um miðborgina næsta laugardag þegar íbúar
miðborgarinnar bjóða gestum í kaffi, vöfflur og óvænt skemmtiatriði.
LIFANDI TÓNLIST
Fjölbreytt skemmtiatriði
verða í boði í garði Þóru
og Gunnars á menn-
ingarnótt
MYND/ÚR EINKASAFNI
GARÐVEISLA Þóra
Andrésdóttir og Gunnar
Roach bjóða gestum
menningarnætur heim
í garðinn sinn næsta
laugardag.
WMYND/GVA
Þóra Margrét Birgisdóttir kennari er einn af
skipuleggjendum hátíðarinnar. Hún er borgarbarn
en flutti í Hólminn fyrir tveimur árum. „Ég þekkti
aðeins til hérna og varð svo hrifin af bænum að
ég ákvað að flytja og sé ekki eftir því.“
Alla jafna er ekki ríkjandi dönsk menning í
Stykkishólmi en um helgina breytist bærinn svo
um munar. „Fólk tekur þemað alvarlega. Götu-
nöfnum er breytt, hús og garðar skreyttir og
danski fáninn blaktir víðast hvar. Hótelin bjóða
upp á danskt smurbrauð og danska er töluð eftir
bestu getu.“ Í kvöld verður götugrill og þar á
eftir mun hljómsveitin Vinir vors og blóma spila
á bryggjuballi. „Laugardagurinn byrjar á Stubba-
hlaupinu. Markaðstjald verður sett upp og hvíta-
sunnufólk kynnir skátastarf. Einar töframaður
verður með töfranámskeið og íbúar halda skott-
markað þar sem gamlir hlutir eru dregnir fram
úr geymslum og seldir. Hátíðardagskrá verður í
gangi allan daginn og um kvöldið verður brekku-
söngur og flugeldasýning í boði Atlantsolíu. Þór
Breiðfjörð verður með tónleika og Páll Óskar
heldur uppi stuði fram á nótt á balli í íþróttahús-
inu.“ ■vidir@365.is
DANSKIR DAGAR
Í ÁTJÁNDA SINN
Danskir dagar verða haldnir með pompi og prakt í
átjánda sinn í Stykkishólmi um helgina.
DANSKA Á SUNNU-
DÖGUM
Tilurð Danskra daga
má rekja til þess að
áður var töluð danska
á sunnudögum vegna
sterkra tengsla og áhrifa
frá Danmörku.
Skeifunni 8 • 108 Reykjavík • Sími: 517-6460
www.belladonna.is
Verslunin Belladonna á Facebook
Flott föt fyrir flottar konur
st. 40 – 58
Núna færð þ
ú 50%
viðbótarafs
látt
af öllum úts
öluvörum
LOKA – ÚTSÖLULOK
Haustvörurnar komnar
20% afsláttur
St. 38-48
Vertu vinur okkar á Facebook
Lokadagar
ÚTSÖLU!
Allt á að seljast!
FÓLK ER KYNNINGARBLAÐ sem býður auglýsendum að kynna vörur og
þjónustu í formi viðtala og umfjallana ásamt hefðbundnum auglýsingum.
Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Jónína María Hafsteinsdóttir, jmh@365.is, s. 512 5473 | Sverrir Birgir
Sverrisson, sverrirbs@365.is, s. 512 5432 | Elsa Jensdóttir, elsaj@365.is, s. 512-5427