Fréttablaðið - 20.09.2012, Side 2

20. september 2012 FIMMTUDAGUR2
Atli, var þetta aldrei spurning?
„Nei. Því þegar þér talið, sé já yðar
já og nei sé nei. Ég sagði já.“
Atli Freyr Steinþórsson útvarpsþulur hefur
tekið sér nýtt hlutverk og spreytir sig í
vetur sem spurningahöfundur og dómari
í framhaldsskólakeppninni Gettu betur.
LEIÐIN TIL HOLLUSTU
Skyr.is drykkirnir standast þær ströngu
kröfur sem gerðar eru til matvæla sem
merktar eru Skráargatinu. Þú getur
treyst á hollustu Skyr.is.
www.skyr.is
NÝTT
HINDBER &
BANANAR
H
V
ÍT
A
H
Ú
SI
Ð
/
S
ÍA
BANDARÍKIN, AP Karen King, guð-
fræðiprófessor við Harvard,
kynnti í vikunni fornt papýrus-
brot þar sem finna má texta sem
bendir til þess að Jesús hafi verið
giftur konu að nafni María.
Í textanum, sem talinn er vera
frá annarri öld eftir Krist, er haft
eftir Jesú þar sem hann talar um
konu sína, en í biblíunni er hvergi
kveðið á um hjúskaparstöðu hans.
Uppgötvunin hefur vakið
umræður innan fræðanna og
meðal almennings. Margir efast
þó um að mikið sé að marka það
sem stendur á skjalinu, enda sé
til aragrúi af fornum textum sem
séu uppfullir af vitleysu. - þj
Ný uppgötvun vekur athygli:
Jesús gæti hafa
átt eiginkonu
UMDEILT TEXTABROT Á þessum papýrus-
búti er texti þar sem Jesús talar um
eiginkonu sína. FRÉTTABLAÐIÐ/AP
DANMÖRK Karl á fertugsaldri var
fyrir skemmstu dæmdur í þriggja
og hálfs árs fangelsi fyrir að hafa
nauðgað tveimur konum. Brot-
in framdi hann með aðeins um
tveggja tíma millibili í febrúar
síðastliðnum. Í frétt Jótlandspóst-
sins segir að önnur konan sé fyrr-
um kærasta mannsins.
Maðurinn er einnig dæmdur
fyrir líflátshótanir og tilraun til
fjárkúgunar, en hann krafði annað
fórnarlambið um sem nemur
fimm og hálfri milljón íslenskra
króna. Hinn dæmdi hyggst ekki
áfrýja dómnum. - þj
Í þriggja og hálfs árs fangelsi:
Dæmdur fyrir
tvær nauðganir
sama daginn
KJARAMÁL Guðbjartur Hannesson
velferðarráðherra hefur fallið frá
þeirri ákvörðun sinni að hækka
laun Björns Zoëga, forstjóra Land-
spítalans, um 450 þúsund krónur
um næstu mánaðamót. Í tilkynn-
ingu frá velferðarráðuneytinu
segir að þetta sé gert í samkomu-
lagi við Björn.
Haft er eftir Guðbjarti í tilkynn-
ingunni að hann hafi í góðri trú
samið við Björn um að hann tæki
að sér frekari læknisstörf svo
hækka mætti við hann launin, þar sem hann hafi
talið það þjóna best hagsmunum spítalans.
„Þetta mat reyndist ekki rétt og ég tel að umræð-
ur sem orðið hafa um málið opinberlega og viðbrögð
starfsmanna og stéttarfélaga heilbrigðisstarfs-
fólks bendi til þess að engin sátt geti orðið um þessa
ákvörðun,“ er haft eftir Guðbjarti.
Miklar deilur hafa sprottið í kjölfar launahækk-
unarinnar og óánægjuraddir heyrst víða, ekki síst á
Landspítalanum.
Haft er eftir Birni í tilkynningu ráðuneytisins að
þessi óánægja hafi orðið til þess að
hann afþakkaði hækkunina. Hann
segist hafa leitt öflugan hóp starfs-
manna við niðurskurð á spítalan-
um.
„Eftir þessu starfi hefur verið
tekið erlendis og mér hafa staðið
til boða nokkur störf við að stýra
stórum sjúkrahúsum í Evrópu,“
segir hann. Honum hafi verið boðin
breytt starfskjör þegar hann til-
kynnti um fyrirhugaða uppsögn
sína.
„Ég samþykkti þetta og um leið gerði ég kröfu um
enn meiri stuðning við hin ýmsu verkefni LSH. Það
var samþykkt. Ég taldi að með þessu yrðu um leið
auknar líkur á að auðveldara yrði fyrir heilbrigðis-
starfsfólk að sækja kjarabætur á næstunni. Ég hafði
rangt fyrir mér hvað þann þátt varðar. Ég vona að
með þessu móti skapist á ný friður á Landspítala
og við getum farið að einbeita okkur að því sem við
gerum best, en það er að hugsa um sjúklinga á spít-
alanum,“ er haft eftir Birni.
- sh
Guðbjartur Hannesson hættir við launahækkun forstjóra Landspítalans:
Mistök að hækka laun Björns
GUÐBJARTUR
HANNESSON
BJÖRN ZOËGA
FÓLK Fjórir Íslendingar ætla á
næsta ári að róa sérsmíðuðum
úthafsbáti yfir Norður-Atlants-
hafið frá Noregi til Norður-Amer-
íku. Ýtt verður úr vör á þjóðhátíð-
ardegi Norðmanna 17. maí 2013.
Róið verður milli landa sam-
kvæmt reglum Ocean Rowing
Society og Guinness World Records
eða óstuddir og án fylgdarbáta.
Saga Film er að hefja fjár-
mögnun á heimildarmynd um
ferð þeirra félaga. Framleiðandi
hennar er Margrét Jónasdóttir.
Róið verður í fyrsta áfanga til
Skotlands og þaðan til Færeyja
og Íslands. Eftir vetursetu verður
haldið áfram frá Íslandi til Græn-
lands og Nýfundnalands. - shá
Stefna á heimsmet:
Ætla að róa yfir
N-Atlantshafið
BJÖRGUN Fimm menn á göngu-
skíðum sóttu í fyrradag 33 hross,
sem voru búin að vera í sjálfheldu
í tæpar tvær vikur. Björgunarað-
gerðin tók sautján klukkustundir.
Hrossin voru í tveimur hópum.
Annar var í Sveinsstaðaafrétt og
hinn í Austurtungum í Skíðadal
við vestanverðan Eyjafjörð. Þar
voru þau í um 800 metra hæð yfir
sjávarmáli.
„Hrossin fóru þarna upp áður
en hretið skall á fyrir rúmri
viku,“ segir Gunnsteinn Þorgils-
son, bóndi á Sökku í Svarfaðar-
dal, en hann var einn þeirra sem
bjargaði hrossunum. „Hrossin
sáust fyrst úr flugvél þegar það
stytti upp eftir hretið en þau voru
þarna í algjörri hagleysu. Ungu
trippin voru sum hver orðin held-
ur léleg og slöpp – bæði tagl- og
faxétin. Hin eldri voru í skárra
ásigkomulagi.“
Gunnsteinn segir að leiðin sem
þeir hafi þurft að fara sé mjög
erfið yfirferðar.
„Þarna er bæði bratt og giljótt
og mikill snjór,“ segir Gunn-
steinn. „Ekki bætti úr skák að
um tíma var bæði éljagangur og
skafrenningur. Leiðin til baka
með hrossin var ekki síður erfið.
Þá þurftum við að mæla snjódýpt-
ina svo hrossin festu sig ekki. Ef
hún var undir metra þá létum við
vaða. Sem betur fer tókst þetta
allt vel að lokum.“ - th
Hópur manna á gönguskíðum mokaði sig í gegnum gil og hengjur:
Hrossum í sjálfheldu bjargað
Norðmenn og Finni unnu
Þrír Norðmenn og einn Finni voru
með allar tölur réttar í Víkingalottóinu
í gær og fá 35,3 milljónir hver í sinn
hlut. Íslenski bónusvinningurinn gekk
ekki út, samkvæmt upplýsingum frá
íslenskri getspá.
HAPPDRÆTTI
HEILBRIGÐISMÁL Bóluefni gegn
inflúensu hefur borist til lands-
ins; meðal annars vörn gegn
svínainflúensu. Í fyrra greind-
ust fyrstu tilfelli inflúensu hér á
landi í lok nóvember.
Sóttvarnalæknir mælist til að
einstaklingar 60 ára og eldri, börn
og fullorðnir sem þjást af lang-
vinnum sjúkdómum, heilbrigðis-
starfsmenn og þungaðar konur
njóti forgangs við bólusetningu.
Bólusetning gegn inflúensu veit-
ir allt að 60-70% vörn gegn sjúk-
dómnum. - shá
Valdir hópar fólks gangi fyrir:
Bóluefni gegn
flensu komið
SPURNING DAGSINS
DÓMSMÁL „Við getum ekki sam-
þykkt að óskoðuðu máli að greiða
skaðabætur enda er tjónið ekki
af völdum sveitarfélagsins held-
ur þeirra sem nota fráveitu þess,“
segir Gunnsteinn Ómarsson, sveit-
arstjóri Rangárþings ytra, um
kröfu Lax-ár ehf. um að sveitarfé-
lagið borgi fimm milljónir króna
vegna tjóns á veiðiskapnum í Ytri-
Rangá.
Lax-á er leigutaki Ytri-Rang-
ár sem er aflasælasta laxveiðiá
landsins. „Þann 7. september 2011
urðu veiðimenn sem voru við veið-
ar í Ytri-Rangá varir við að í hana
lak alls kyns úrgangur, meðal ann-
ars kjúklingafita, kjúklingainnyfli
og klósettpappír,“ segir í bréfi sem
Rangárþingi ytra barst á dögunum
frá lögmannskrifstofunni Lögmáli
fyrir hönd Lax-ár. Í ljós hafi komið
að úrgangurinn stafaði frá slátur-
húsi Reykjagarðs. Yfirflæði hafi
orðið í veitukerfi.
„Eins og gefur að skilja vakti
mengun þessi mikinn viðbjóð
meðal þeirra veiðimanna sem
voru við veiðar í ánni og hættu
þeir þegar veiðum og yfirgáfu
ána,“ segir í bréfi Lögmáls
sem kveður Lax-á hafa orðið
fyrir fjártjóni sem rekja megi
til aðgerða eða eftir atvikum
aðgerðarleysis Rangárþings ytra
og starfsmanna Reykjagarðs.
„Þeir veiðimenn sem áttu veiði-
dag þegar hið umrædda atvik átti
sér stað hafa óskað eftir endur-
greiðslu eða skaðabótum enda
var áin ekki veiðifær. Þá er einn-
ig ljóst að umbjóðandi minn átti
í erfiðleikum með að selja veiði-
leyfi í ánni sökum þeirrar fjöl-
miðlaumfjöllunar sem átti sér
stað vegna mengunarinnar,“
segir Lögmál og bætir við að
koma hefði mátt í veg fyrir tjónið
ef rétt hefði verði staðið að verki.
Lax-á meti tjónið á 5.118.920
krónur. Þess sé óskað að sveitar-
félagið taki afstöðu til þess hvort
bótaskylda sé viðurkennd og til
þess hvort skaðabætur verði
greiddar. Einnig hefur verið leit-
að afstöðu Reykjagarðs til máls-
ins.
„Tjónið er talið nema rúmum
fimm milljónum króna án þess að
það sé á nokkurn hátt útskýrt,“
segir Gunnsteinn sveitarstjóri.
Eins og áður kom fram telur hann
sveitarfélagið ekki bera ábyrgð
á því sem aðrir setja ofan í frá-
veitukerfi þess.
„Við funduðum með forsvars-
mönnum Lax-ár strax eftir þetta
leiðindatilvik og niðurstaða
þeirra funda var sú að tjónið
yrði tekið saman og ábyrgðar-
aðila yrði leitað í framhaldinu
og hugsanlegra trygginga sem á
tjóninu gætu tekið,“ segir Gunn-
steinn sem kveður málið nú til
skoðunar hjá lögmanni sveitar-
félagsins. gar@frettabladid.is
Eins og gefur að skilja
vakti mengun þessi
mikinn viðbjóð meðal þeirra
veiðimanna sem voru við
veiðar í ánni og hættu þeir
þegar veiðum.
ÚR BRÉFI LÖGMÁLS
FYRIR HÖND LAX-ÁR EHF.
Fimm milljóna tjón
af kjúklingaúrgangi
Leigutaki Ytri-Rangár vill að Rangárþing ytra borgi fimm milljóna króna bætur
vegna tjóns sem varð er kjúklingaúrgangur og klósettpappír lak frá sláturhúsi á
Hellu í fyrra. Ekki okkar ábyrgð þótt við eigum fráveituna segir sveitarstjórinn.
ÆGISSÍÐUFOSS Svona vilja veiðimenn hafa umhorfs þegar þeir heimsækja bakka
Ytri-Rangár. FRÉTTABLAÐIÐ/GARÐAR
Ungu trippin voru
sum hver orðin
heldur léleg og slöpp – bæði
tagl- og faxétin.
GUNNSTEINN ÞORGILSSON
BÓNDI Á SÖKKU Í SVARFAÐARDAL
FJÖLMIÐLAR Stjórn Ríkisútvarps-
ins ákvað á fundi sínum í gær að
hætta við að segja upp fjórum til
sex starfsmönnum Rásar 1. Þetta
staðfesti Halldór Guðmundsson,
stjórnarmaður í RÚV, í samtali
við vefmiðilinn Smuguna í gær-
kvöldi. Starfsmenn Rásar 1 höfðu
skrifað Katrínu Jakobsdóttur,
mennta- og menningarmálaráð-
herra, bréf þar sem fyrirhuguð-
um uppsögnum var mótmælt.
Málið var rætt á Alþingi í
fyrradag. Þar sagði Mörður
Árnason að það væri út í hött að
tap af Ólympíuleikunum kæmi
niður á starfsfólki Rásar 1. - sh, gar
Starfsfólki Rásar 1 fækkar ekki:
Hætt við upp-
sagnir á RÚV