Fréttablaðið - 27.12.2012, Qupperneq 16

27. desember 2012 FIMMTUDAGUR| HELGIN | 16
Erlendar
fréttir ársins
í myndum
Snjallir ljósmyndarar eru sjaldan langt undan þegar
fréttaviðburðir eiga sér stað og ná oft að fanga augna-
blikið betur en orð fréttaskrifara fá lýst. Hér á síðunni
er að finna brotabrot af öllum þeim mögnuðu frétta-
ljósmyndum sem birtust í fjölmiðlum á árinu 2012.
ÁTÖK Í AÞENU Grikkir hafa alveg frá því snemma árs 2010 efnt reglulega til verkfalla og mótmæla gegn niðurskurðaraðgerðum stjórnvalda, sem staðið hafa í ströngu við að draga úr skuldabagga ríkissjóðs. Iðulega
hafa mótmælin snúist upp í átök við lögreglu. Þessi mótmælandi lét ekki sitt eftir liggja á Syntagma-torginu í Aþenu hinn 18. október.
DÆMDAR Í FANGELSI Tvær konur úr rússnesku pönksveitinni Pussy Riot voru í haust dæmdar til tveggja ára fangelsis, en sú
þriðja fékk skilorðsbundinn dóm, fyrir umdeildan gjörning gegn Pútín forseta í helstu kirkju rússnesku rétttrúnaðarkirkjunnar í
Moskvu. Dómurinn vakti hörð viðbrögð víða um heim.
AMMA ÁNÆGÐ Sarah Obama, stjúpamma Baracks Obama
Bandaríkjaforseta, var heldur betur ánægð með úrslit kosn-
inganna í byrjun nóvember þegar hann var endurkosinn til
næstu fjögurra ára.
MUBARAK FYRIR RÉTTI Hosni Mubarak, fyrrverandi leiðtogi
Egyptalands, var dæmdur í ævilangt fangelsi í byrjun júní,
nærri hálfu öðru ári eftir að honum var steypt af stóli.
PÚTÍN AFTUR FORSETI Vladimír Pútín tók við forsetaembættinu í Rússlandi hinn 7. maí.
Hann gegndi embættinu í ríflega tvö kjörtímabil á árunum 2000 til 2008, en gat þá ekki
boðið sig fram til þriðja kjörtímabils vegna ákvæða í stjórnarskrá. Þess í stað var hann
forsætisráðherra á meðan Dmitrí Medvedev gegndi forsetaembætti í eitt kjörtímabil.