Fréttatíminn - 27.07.2012, Blaðsíða 28

Þ essa dagana er eins víst að áætlun íslenskra fjölskyldna í skemmtiferð til London riðlist,
því um götur borgarinnar aka tveggja
hæða strætisvagnar þaktir auglýs-
ingum sem bjóða fólki að skoða heim
Harry Potters í Warner Brothers-stúd-
íóunum fyrir norðan London. Þá er eins
gott að skipuleggja sig vel því vinsældir
þessara heimsókna eru slíkar að panta
verður miða með að minnsta kosti
tveggja daga fyrirvara og ef maður
er svo heppinn að fá í miða, er manni
skammtað hálftíma bil til að komast
inn í dýrðina.
Heimsóknin
Þegar komið er á staðinn eftir klukku-
tíma tveggja-hæða rútuferð, hefst
biðraðamenningin, aðeins hundrað
manns af þrjú hundruð er hleypt inn
í einu og þeir eru taldir nákvæm-
lega af tveimur dyravörðum. Á meðan
beðið er má taka myndir af herberg-
iskytru Harry Potters undir stiganum.
Hver sem er má mynda eins mikið og
hann vill og er það afar vel þegið hjá
myndaóðum samtímamönnum. Þegar
inn er komið í lítinn sal hefst fræðsla á
nokkrum myndskjáum um það hvernig
bækurnar um Harry Potter urðu að
kvikmyndum. Þegar fræðslunni er
lokið, opnast þrennar dyr og maður
fer inn í bíósal og fær sér sæti fyrir
framan stórt kvikmyndatjald og sýning
hefst. Í kvikmyndinni mæra aðalleikar-
arnir þrír í Harry Potter-myndunum
kvikmyndafólkið og tæknimennina og
að lokum sjáum við stillimynd af stóru
vængjahurðunum að stóra samkomu-
salnum í Hogwarts galdraskólanum.
Ljósin slokkna og veggurinn með
kvikmyndatjaldinu lyftist upp og hinar
raunverulegu dyr blasa þá við. Dyrnar
opnast og dýrðin hefst: Salurinn, 100
metra langur er tilbúinn til veislu og
gestirnir ganga inn.
Tæknin
Vinstra megin í hinum enda salarins er
síðan gengið inn í meginrými sýning-
arinnar. Þar er fjöldi margmiðlunar-
skjáa, bútar úr fræðslumyndum sýndir,
rými úr kvikmyndunum átta af hinum
ýmsu gerðum; til dæmis með dulbúnu
símaskránum sem mynda bækur á
skrifstofu skólastjórans (sem höfundur
hugsaði sér sem homma, en sagði
engum frá), árásargjarnar rafstýrðar
bækur með munna sem glefsa í fólk,
búkurinn af hinum risavaxna Hagrid
(rafstýrða hausinn sér maður síðar);
galdrasprotar, flugkústar og tækifæri
til að láta mynda sig í skikkju á flugi
galdrakústs í umhverfi kvikmyndanna
eða í flugbílnum Ford Anglia og svo
framvegis.
Úti og inni
Næst er farið út undir bert loft þar sem
sjá má timbur-brúna miklu sem leikur
stórt hlutverk í síðustu kvikmyndinni,
þriggja hæða dökkfjólubláa strætis-
vagninn, húsið sem Harry Potter býr
í og svo framvegis. Síðan er farið eftir
ævintýralegu húsasundi inn í nýjan sal
með verkfræði- og arkitekta-teikning-
um sem eru útfærðar af snilldarlegri
nákvæmni. Átta ára gömul börn á Eng-
landi láta sig dreyma um að fá að sjá
Harry Potter-myndirnar sem sumar
hverjar eru bannaðar innan tólf ára. Þá
segja foreldrarnir: „Þú mátt sjá mynd-
irnar ef þú lest bækurnar fyrst“. Sumar
þeirra eru 700-800 blaðsíður. Börnin
láta ekki segja sér þetta tvisvar og drífa
í að lesa sjö þykkar bækur og sjá síðan
átta langar kvikmyndir.
Hogwarts
Síðasta rýmið á sýningunni er síðan
ekki það sísta og eitt það stærsta: Mód-
el af Hogwarts-skólanum á skalanum
einn á móti tíu. Í kringum það má
ganga á tveimur hæðum og aðstoðar-
menn eru tilbúnir að mynda gesti fyrir
framan þetta frábæra módel. Loksins
fær maður að sjá í heild sinni hvernig
þessi ævintýralega hallar-kastala-bygg-
ing er hugsuð og hversu gífurlegt land-
flæmi hún þekur.
Eftir þriggja tíma ævintýraferð og
200 ljósmyndir er haldið heim og Harry
Potter-bækurnar dregnar fram í enn
eitt skiptið, farið á netið og horft á við-
tal aðalleikarans við höfund bókanna
og inn á pottermore.com og svo fram-
vegis. Það var milljón punda hugmynd
sem hin fátæka J.K. Rowling fékk er
hún ferðaðist í lest á milli tveggja
borga á Englandi; þessi hugmynd hefur
veitt ótölulegum fjölda skapandi fólks
atvinnu með túlkun í kringum hina fjöl-
skrúðugu karaktera sem J.K. Rowlings
síðan sauð upp í kringum strákinn sem
fór í galdraskóla. Hvenær skyldi þetta
mikli ævintýri fara að dofna? Ef eitt-
hvað er, er það enn að dafna og vaxa.

Árni Blandon
ritstjorn@frettatiminn.is
Dyrnar
opnast
og dýrðin
hefst:
Salurinn,
100 metra
langur er
tilbúinn til
veislu og
gestirnir
ganga
inn.
Heimur Harry Potter í London
Panta verður miða með tveggja daga fyrirvara ætli fólk sér að skoða heim Harry Potters
í Warner Brothers-stúdíóunum norður af London, slíkar eru vinsældirnar. Ævintýri J. K.
Rowling um strákinn sem fór í galdraskóla er enn að vaxa og dafna.
Harry Potter-
stjörnurnar
Rupert Grint,
Daniel Radcliffe
og Emma Watson
baða sig í ljóma
galdrastráksins.
Undraheimur Harry Potter í Warner Brothers-stúdíóinu í London. Mynd Getty
28 söfn Helgin 27.-29. júlí 2012