Fréttatíminn - 27.07.2012, Blaðsíða 54

50 bíó Helgin 27.-29. júlí 2012
Það er til
dæmis
liðið
nokkuð
á áður
en Bruce
tekur sig
taki og
drullar sér
í Batman-
búninginn
og mætir
ofjarli
sínum í
siðlausa
hálftröllinu
Bane.
 Sjónvarp í bíó The equalizer  bíódómur The dark knighT riSeS 
Christopher
Nolan og Bat-
man kveðja
með stæl í
mögnuðum
lokakafla.
Tilkomumikil upprisa og endalok
Þ essi langi lokakafli er hvorki jafn spennandi og trylltur og The Dark Knight en Nolan bætir það upp með
miklum og djúpum tilfinningum og nístandi
sársauka sem er leiðarstef The Dark Knight
Rises.
Fyrri myndirnar tvær bergmála í gegnum
þessa og með henni lokar Nolan hringnum
á tilfinningaþrunginn og sannfærandi hátt
þannig að allir aðdáendur Batmans geta,
ásamt Nolan, skilið sáttir við hetjuna.
The Dark Knight Rises er löng mynd, tæpar
þrjár klukkustundir, og ljóst að Nolan liggur
mikið á hjarta og hefur ef til vill full mikið að
segja áður en hann skilur endanlega við Leð-
urblökumanninn. Persónugalleríið er stórt og
minni spámenn sem hafa lítið fram að færa
fyrir framvinduna taka óþarfa pláss og tíma.
Þetta kemur þó ekki alvarlega að sök þar sem
mögnuð atriði, heitar og kaldar tilfinningar,
ást og hatur krauma innra með öllum þeim
sem standa í forgrunni og það eru fleiri en
Bruce Wayne/Batman sem þurfa að takast á
við sjálfa sig, innri djöfla og drauga fortíðar.
Nolan tekur sér drjúga stund til þess að
raða mannskapnum á borð endataflsins og
leggur þræði víða sem honum tekst merkilega
vel að hnýta saman í lokin þótt þeir flækist
nokkuð á leiðinni. Það er til dæmis liðið nokk-
uð á áður en Bruce tekur sig taki og drullar
sér í Batman-búninginn og mætir ofjarli
sínum í siðlausa hálftröllinu Bane.
En þegar ballið byrjar er hvergi slegið af
og myndin er löðrandi í eftirminnilegum og
tilkomumiklum bardagaatriðum og slags-
mál Blaka og Bane ganga í stöðugri endur-
sýningu í hugarfylgsnunum löngu eftir að
myndinni lýkur. Þá sáldrar Nolan vísunum í
þekktar myndasögur um Batman hér og þar,
hörðustu aðdáendum til ánægju. Þannig má til
dæmis nefna Knightfall þar rof kemur í sam-
band Bruce og brytans trausta Alfreds. Þar
hleypir Bane líka öllu í bál og brand í Gotham
og hryggbrýtur Batman í bardaga. The Dark
Knight Rises kallar einnig fram myndaramma
úr snilld Franks Millers, The Dark Knight
Returns, þar sem roskinn Bruce Wayne neyð-
ist til þess að fara aftur í búninginn og snúa
aftur sem Leðurblökumaðurinn eftir langt
hlé. Þá má ekki gleyma öðru meistaraverki
Franks Miller, Batman: Year One, sem í raun
var grunnurinn að Batman Begins með jafn
sterka á herslu á Gordon lögreglustjóra, sem
er ein mikilvægasta, besta og öflugasta pers-
óna þessarar myndar og þríleiksins alls.
Nolan hefur frá upphafi teflt fram frábærum
hópi leikara og styrkur The Dark Knight
Rises liggur ekki síst í feykilega góðum hópi
leikara sem ná að skapa djúpar persónur þrátt
fyrir knappan tíma. Christian Bale (Bruce
Wayne/Batman), Gary Oldman (Gordon),
Michael Caine og Morgan Freeman (Lucius
Fox) glansa sem fyrr í hlutverkum sínum og
framlag Caine í hlutverki hins trygga bryta
Alfreds verður seint ofmetið. Sá gamli er ein-
faldlega frábær.
Nolan er snjall leikstjóri sem hefur varla
stigið feilspor frá því hann vakti fyrst verulega
athygli með Memento. Fyrir tveimur árum
bauð hann upp á hina stórkostlegu Inception
og þaðan sækir hann sér meiriháttar liðsauka
og viðbót við þann góða hóp leikara sem hefur
verið með í Batman frá byrjun. Joseph Gor-
don-Levitt, Marion Cotillard og Tom Hardy
eiga öll öfluga innkomu. Gordon-Levitt er
ómótstæðilegur í hlutverki heiðarlegrar götu-
löggu í Gotham, Cotillard er ekki öll sem hún
er séð og Tom Hardy tekst að gera illmennið
Bane að trylltu náttúruafli með gríðarlega
ógnandi nærveru þótt gríman sem skúrkur-
inn ber fyrir andliti sínu hefti Hardy nokkuð
og komi í veg fyrir að hann fái notið sín í botn.
Þá kemur Anne Hathaway skemmtilega á
óvart sem Catwoman en þessi sakleysislega
og fremur litlausa leikkona stígur hér fram
eitursvöl og hættuleg.
Hér legst bara allt á eitt og fátt sem skiptir
máli fer úrskeiðis í kröftugustu og bestu
mynd þessa sumars.
The Dark Knight Rises er einfaldlega yfir-
þyrmandi í vandlega úthugsuðum mikilfeng-
leik sínum.
Christopher Nolan reisti upp æru Leðurblökumannsins í kvikmyndum árið 2005 með hinni mögn-
uðu Batman Begins. Hann fylgdi henni síðan eftir með The Dark Knight sem var ennþá betri og
kraftmeiri enda fór Heath heitinn Ledger þar hamförum í sínu síðasta hlutverki sem hinn snældu-
geðbilaði Jóker. Nolan lýkur nú Batman-þríleik sínum með The Dark Knight Rises með slíkum
ótrúlegum glæisbrag að eftir stendur þéttasti, úthugsaðasti og langbesti ofurhetjumyndabálkur
sem gerður hefur verið.
Þórarinn
Þórarinsson
toti@frettatiminn.is
Þrálátar hugmyndir hafa verið uppi um að
laga spennuþættina The Equalizer að hvíta
tjaldinu eða allt frá árinu 2005. Hingað til
hefur þó hvorki gengið né rekið og lítið af
verkefninu spurst frá því Russell Crowe
lýsti áhuga sínum á því að taka að sér hlut-
verk bjargvættarins Robert McCall sem
rétti varnarlausum hjálparhönd í átökum
við illþýði og glæpaskríl New York-borgar.
Nú er hins vegar komin hreyfing á málið
og Denzel Washington er í viðræðum um
að taka að sér aðalhlutverkið og gert er
ráð fyrir að tökur hefjist í apríl á næsta ári.
Þeir sem komnir eru til nokkurs vits
og ára muna sjálfsagt vel eftir þáttunum
um The Equalizer en þeir nutu vinsælda á
níunda áratugnum og voru sýndir á Stöð 2
á fyrstu árum sjónvarpsstöðvarinnar. Þar
lék sá reffilegi leikari Edward Woodward
Robert McCall, virðulegan eldri Breta,
sem brunaði um á forláta Jagúar og tók
harkalega á illmennum.
Denzel Washington klár í slaginn
Bilbó Baggason, frændi Fróða, slæst í för
með Gadalf og fleirum í The Hobbit, for-
leiknum að Hringadróttins sögu, og kynnist
þar Gollum og finnur Hringinn eina.
Hemsworth tekur tæplega þarfaþingið
Mjölni með sér í vélmennabardagann.
 ChriS hemSworTh nóg að gera
Lemur vélmenni fyrir Spielberg
Vegur leikarans unga Chris Hems-
worth fer stöðugt vaxandi og nú hefur
sjálfur Steven Spielberg ráðið hann
í aðalhlutverkið í sinni næstu mynd,
Robopocalypse. Myndin byggir á sam-
nefndri skáldsögu Daniels H. Wilson
sem fjallar um afdrif mannkyns eftir
uppreisn vélmenna.
Hemsworth hefur í nógu að snúast
og þarf að sveifla hamrinum Mjölni
eitthvað í hlutverki þrumuguðsins
Þórs áður en hann mætir til leiks hjá
Spielberg. Tökur standa nú yfir á
framhaldsmyndinni Thor 2: The Dark World auk þess sem byrjað er að
leggja drög að framhaldi The Avengers þar sem Þór spilar að sjálfsögðu
mikilvæga rullu.
Spielberg stefnir að frumsýningu Robocalypse í apríl árið 2014.
 peTer jaCkSon The hobbiT verði Þríleikur
Tvær myndir duga ekki
Peter Jackson, sem afgreiddi risabálk J.R.R. Tolki-
ens um Hringadróttins sögu með glæsibrag í frábær-
um kvikmyndaþríleik, hefur viðrað hugmyndir sínar
um að gera slíkt hið sama við The Hobbit. Jackson
sagði á Comic Con fyrir tveimur vikum að hann væri
í vandræðum með að koma öllu því efni, sem hann
er búinn að taka upp, fyrir í myndunum tveimur, The
Hobbit: An Unexpected Journey og The Hobbit: There
And Back Again.
Jackson situr ekki aðeins uppi með of mikið efni
nú þegar. Hann langar einnig að taka upp meira og
sér þriðju myndina fyrir sér sem lausn á vandanum.
Í samtali við Hitfix á Comic Con sagðist hann Jackson nú þegar vera í
viðræðum við kvikmyndaverið um að fá að taka upp meira efni á næsta
ári. Þessar viðræður eru sagðar komnar vel á veg og Jackson virðist
því ætla að fá það í gegn að gera sögunni skil í þríleik.
Edward Woodward lék Robert McCall,
fyrrverandi leyniþjónustumann sem
notaði kunnáttu sína og hæfileika til þess
að hjálpa þeim sem minna máttu sín.
Renner sem Assange?
Undanfarið ár hafa fréttir af fyrirhuguðum
bíómyndum um WikiLeaks og stofnanda
síðunnar, Julian Assagne, skotið upp
kollinum, mest þó í véfréttastíl en skriður
virðist nú kominn á fyrirhugaða mynd
DreamWorks um Assagne. Kvikmyndaver-
ið hefur boðið Jeremy Renner hlutverk
Assagne en Renner hefur verið á hraðri
uppleið og gert það gott undanfarið í Mis-
sion Impossible 4 og The Avengers auk þess
sem The Bourne Legacy er væntanleg með
honum í aðalhlutverki. Viðræður eru þó
enn á frumstigi en Renner er sagður mjög
áhugasamur um að leika Assagne.
Branagh leikstýrir
Jack Ryan
Illa hefur gengið að ýta myndaflokknum
um leyniþjónustumanninn Jack Ryan í
gang þó ekki ómerkari menn en Harrison
Ford (Patriot Games, Clear and Present
Danger), Alec Baldwin (The Hunt for the
Red October) og Ben Affleck (The Sum of
All Fears) hafi leikið þetta hugarfóstur hins
margorða spennusagnahöfundar Toms
Clancy. Vinnan við handritið hefur gengið
illa og leikstjórar hafa komið að og horfið
frá verkefninu. Kenneth Branagh hefur
nú ákveðið að leikstýra nýju myndinni sem
mun einfaldlega heita Jack Ryan. Hann
ætlar einnig að leika skúrkinn í myndinni
sem gerir Chris Pine í hlutverki ungs Ryans
lífið leitt.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  CAFÉ/BAR, opið 17-23
VERTU FASTAGESTUR!
Ódýrara í bíó með aðgangskortum!
Sjá sýningartíma á BIOPARADIS.IS og MIDI.IS
SKÓLANEMAR: 25% afsláttur
gegn framvísun skírteinis!
ÁFRAM Í BÍÓ PARADÍS!
HEIMSFRUMSÝNING!
Frábær sálfræðitryllir í anda The Sixth Sense
ROBERT DE NIRO | SIGOURNEY WEAVER | CILLIAN MURPHY
RED LIGHTS