Fréttatíminn - 03.08.2012, Blaðsíða 2

Jónas
Haraldsson
jonas@
frettatiminn.is
Húsavíkurjógúrt
á tilboði
Viðamikið eftirlit lögreglu
 Forseti Íslands settur Í embætti Í Fimmta sinn
Hefðarréttur til langrar setu forsetans liðinn
F orsetakosningarnar urðu tvímælalaust gagnleg vegferð, skerptu sýn landsmanna á
embættið, efldu samræður um heill
og farsæld Íslendinga. Svo sagði
Ólafur Ragnar Grímsson er hann
var settur í embætti forseta Íslands
í fimmta sinn við hátíðlega athöfn í
Alþingishúsinu síðastliðinn miðviku-
dag. Forsetinn þakkaði þeim sem
buðu sig fram til embættisins sem
með framboði sínu gerðu þjóðinni
kleift að meta embættið, eðli þess og
verkefni á vogarskálum sem æðstar
eru í lýðræðisskipan, kosningum þar
sem allir standa jafnfætis.
„Forsetakjör af slíkum toga er í
takt við lýðræðiskröfur okkar tíma,
fylgir þeim betur en viðhorfin sem
löngum réðu för, að ekki væri við
hæfi að etja kappi við forsetann, að
hið fyrsta kjör skapaði hefðarrétt til
langrar setu,“ sagði forsetinn í ræðu
sinni og bætti við: „Nýliðnar kosn-
ingar voru því gleðilegur vitnisburð-
ur um lýðræðisþróun; í raun heil-
brigðismerki á tímum endurreisnar;
öflugur stuðningur við þá kröfu að
áfram verði haldið á braut hins beina
lýðræðis.“
Forsetinn sagði kosti núgildandi
stjórnarskrár hafa komið í ljós er hún
hefði í kjölfar bankahruns veitt fólk-
inu í landinu fimm sinnum vald til að
kveða upp sinn dóm um leið og hann
minnti á að Íslendingar hefðu alltaf
borið gæfu til að ná víðtækri sam-
stöðu um breytingar á henni. Ólafur
Ragnar hét á þá sem sækja umboð
sitt til þjóðarinnar, forseta, Alþingi,
sveitarstjórnir, alla sem kjörnir eru
til ábyrgðar, að taka upp nýja siði,
láta átökin víkja og að raða verkefn-
um á þann veg að breiður stuðningur
verði að baki ákvörðunum.
Forsetahjónin, Ólafur Ragnar Grímsson og Dorrit
Moussaieff, á svölum Alþingishússins. Mynd Hari
Siglufjarðarhótel
ekki samþykkt
Skipulags- og umhverfisnefnd
Fjalla byggð ar sá sér ekki fært
að að sam þykkja erindi Selvíkur,
systurfyrirtækis Rauðku efh, um
hótelbyggingu á Siglufirði, að því
er fram kemur á vefnum Siglo.
is. Ástæða höfnunarinnar er
óvissa um snjóflóðavarnir og að
Skipu lags stofnun hefur ekki samþykkt
deiliskipulag. „Með þessari samþykkt
er ljóst að framkvæmdir munu tefjast
um að minnsta kosti eitt ár ef að þeim
verður,“ segir enn fremur á vefnum.
Rauðka hefur byggt upp aðstöðu
kringum smábátahöfnina á Siglufirði
þar sem eru litskrúðug og falleg hús.
- jh/Mynd Siglo.is
Lögreglan á höfuðborgarsvæðinu verður með viðamikið eftirlit um
verslunarmannahelgina eins og jafnan áður, að því er fram kemur
á vef hennar. Áhersla hefur verið á eftirlit með ferðavögnum/
eftirvögnum og skráningu og skráningarmerkjum ökutækja.
Slíkt eftirlit hefur verið mjög virkt hjá lögreglu í sumar.
Jafnframt þessu verður haldið úti eftirliti í hverfum í
umdæminu. „Það er fátt óskemmtilegra en að koma
heim úr ferðalagi og verða þess var að innbrotsþjófar
hafi látið greipar sópa um heimilið. Af þeirri ástæðu
munu lögreglumenn fylgjast með íbúðarhúsnæði
um verslunarmannahelgina eins og kostur er,“ segir
á vefnum. Lögreglan vill jafnframt hvetja fólk, sem
heldur burt af höfuðborgarsvæðinu í lengri eða skemmri tíma,
til að ganga tryggilega frá heimilum sínum. Gott ráð er biðja
nágranna um að líta eftir húsnæði. Lögreglan hvetur fólk líka til að
láta vita um grunsamlegar mannaferðir. - jh
FÍB með aðstoð um allt land
Félag íslenskra bifreiðaeigenda, FíB, verður með
þjónustuvakt um verslunarmannahelgina líkt
og verið hefur undanfarið 61 ár, að því er fram
kemur á síðu félagsins. Hjálparþjónusta FÍB
miðast við að aðstoða bíleigendur á ferðalagi
sem þurfa á þjónustu bílaverkstæðis að halda
eða vantar varahlut. FÍB aðstoðarbílar verða á
fjölförnustu leiðum og umboðsmenn félagsins um
land allt eru í viðbragðsstöðu. FÍB hefur, eins og
undangengnar verslunarmannahelgar, kallað út
liðsauka aðstoðarbíla. Víða um land verða verk-
stæði opin vegna neyðarþjónustu og bílaumboð
og stærri varahlutasalar hafa skipulagt bakvaktir
vegna varahlutaafgreiðslu fyrir milligöngu FÍB.
Skrifstofa FÍB, sími 414-9999, hefur milligöngu
varðandi aðstoðarbeiðnir um verslunar-
mannahelgina og þar verður vakt frá föstudegi
til síðdegis á mánudag. Þegar ekki er vakt á skrif-
stofunni svarar FÍB-aðstoð í síma 5-112-112. - jh
t ökur standa til 22. ágúst, að mestu á Eyrarbakka, tökuliðið féll fyrir fallegu húsunum þar,
en einnig í Reykjavík. Myndin er öll
tekin hér á landi,“ segir Guðrún Edda
Þórhannesdóttir hjá kvikmynda-
fyrirtækinu Hughrif. Hún er að tala
um sænsku myndina „Hemma“ eða
„Heima“ en tökur standa yfir núna.
Fyrirtækið Little Big Production
framleiðir en Hughrif er meðframleið-
andi. Leikstjóri og handritshöfundur
er Maximilian Hult og aðalleikarar
eru Anita Wall, Moa Gammel, Simon
Berger og Erik Lundqvist. Ísland og
Eyrarbakki urðu fyrir valinu þegar
tökuliðið féll fyrir fallegu húsunum
í þorpinu. „Anita er mjög þekkt leik-
kona í Svíþjóð, algjör díva, en kannski
ekki mjög þekkt hér en hún hefur
verið mikið í sjónvarpi,“ segir Guðrún
Edda.
Bjarni Haukur sem sænskur yfir-
þjónn
Hemma fjallar um Lou, unga konu,
sem fréttir að hún á ömmu á lífi. Hún
á erfitt með félagsleg samskipti þrátt
fyrir góðar gáfur. Hún ákveður að fara
í þorp ömmunnar, ílengist þar, kynnist
ungum manni og ástin vaknar. Allir
helstu leikarar eru sænskir en einnig
koma íslenskir aukaleikarar við sögu.
„Myndin er náttúrlega á sænsku og
við héldum að það yrði erfitt að finna
sænskumælandi íslenska leikara en
það hefur gengið ótrúlega vel. Sigrún
Sól hjá Icelandic Casting stóð sig vel í
að finna þá.“
Meðal íslenskra leikara eru Elín
Petersdóttir, María Pálsdóttir, Þórunn
Magnea Magnúsdóttir, sú reynda leik-
kona auk Bjarna Hauks Þórssonar
sem leikur yfirþjón á veitingastað; allt
fólk sem hefur sænsku á færi sínu.
Flutti til Svíþjóðar og kemur heim
með verkefni
Að sögn Tinnu Proppé hjá Hughrifum
er ekki hlaupið að því að fá starfsfólk í
kvikmyndagerðinni núna, svo margir
eru að starfa við framleiðslu mynda frá
Hollywood. „Allir fastir allstaðar. Ekki
eru margar íslenskar kvikmyndir í
tökum þetta árið og því ótrúlega fínt
að fá öll þessi verkefni til landsins.
Ákaflega mikilvægt, ef auka á fjárlög
til kvikmyndagerðar, að halda þessu
öllu gangandi. Vonandi sjá menn
mikilvægi þess.“ segir Tinna.
Þó Hemma sé ekki stærsta myndin
sem er, og hefur verið, í tökum á Ís-
landi þetta sumarið – framleiðslu-
kostnaður er áætlaður milli 13 og 14
milljónir sænskra króna (um 250 millj-
ónir ISK) vegur hún þungt í íslenska
kvikmyndageiranum því eftirvinnslan
mun fara að verulegu leyti fram hér á
landi; Valdís Óskarsdóttir mun klippa
og Kjartan Kjartansson annast hljóð-
vinnslu svo dæmi séu nefnd.
Þá má og geta þess að fyrirtækið
Little Big Production er í eigu Önnu G.
Magnúsdóttur og eiginmanns hennar.
„Hún byrjaði að vinna í kvikmynda-
bransanum uppúr 1980, en flutti svo til
Svíþjóðar þar sem hún stofnaði Little
Big Production, framleiðslufyrirtæki
og hefur hún undanfarin tuttugu ár
starfað við framleiðslu allskyns kvik-
mynda. Og kom nú með þessa mynd
hingað til lands. Það er mikið líf og
fjör,“ segir Tinna.
Jakob Bjarnar Grétarsson
jakob@frettatiminn.is
 KviKmyndagerð bÍóbransinn á Íslandi blómstrar
Sænsk díva við
tökur á Eyrarbakka
Íslenskur kvikmyndaiðnaður blómstrar – hörgull er á fagmönnum. Erlendir framleiðendur leita
í stórum stíl til landsins; Ben Stiller, Tom Cruise og Russell Crowe eru til marks um strauminn
en ekki er það einungis Hollywoodfólk sem hér treður grundir: Nú standa yfir tökur á sænsku
myndinni Hemma eða Heima.
Frá tökustað á
Eyrarbakka en
sænsku kvik-
myndatöku-
mennirnir féllu
fyrir bænum;
ung kona,
greind en á við
félagsfælni að
stríða, kemur
til þorps
ömmu sinnar...
Tinna
Proppé
segir svo
mikið að
gera í
kvikmynda-
gerðinni
að fagfólk
liggi ekki
á lausu nú
um mundir.
Guðrún Edda hjá Hughrifum segir
ótrúlega vel hafa gengið að finna
sænskumælandi íslenska leikara.
Anna. G. Magnúsdóttir flutti til
Svíþjóðar og stofnaði þar fram-
leiðslufyrirtæki sem nú er að
vinna kvikmynd á Íslandi.
2 fréttir Helgin 3.-5. ágúst 2012