Fréttatíminn - 03.08.2012, Blaðsíða 46

 Úrslit spurningakeppni Fréttatímans
Dóri DNA marði sigur á Þórði Snæ
Tónlistar- og textagerðarmaðurinn
Dóri DNA stendur uppi sem sigur-
vegari í Spurningakeppni Frétta-
tímans 2011-2012 eftir eins stigs
sigur á blaðamanninum Þórði Snæ
Júlíussyni í úrslitum. Dóri svaraði
þrettán spurningum rétt en Þórður
Snær tólf.
Á leið sinni í úrslitin lagði Dóri
Björku Eiðsdóttur, ritstjóra Séð og
heyrt, Arnar Þór Stefánsson lög-
mann, Viðar Lúðvíksson hæsta-
réttarlögmann, Magnús Þorlák
Lúðvíksson blaðamann, og Árna
Þór Hlynsson reikningsskilamann.
Dóri fær í verðlaun 30 þúsund
króna gjafabréf hjá Sushi Samba.
„Þetta er auðvitað frábært og
fyrsti sigur minn á þessu sviði,“
sagði Dóri þegar úrslit lágu fyrir.
„Loksins borgaði sig að lesa frétt-
irnar og svona.“
Þóra Arnórsdóttir sigraði í fyrra
og fór í framhaldi í forsetafram-
boð. Sér Dóri fyrir sér að sigurinn
marki upphaf á nýjum ferli hjá sér?
„Nei. Hún nefnilega tapaði
þannig að ég veit hvernig það endar
ef ég fer í framboð.“
Dóri segir sigurgönguna hafa
verið langa, stranga og hún hafi
tekið á. „Mér finnst alveg gaman
að fara út að borða sko, en ég hélt
að verðlaunin væru utanlandsferð
fyrir tvo svona miðað við hversu
mikill tími fór í þetta. En þetta er
ferlega mikill heiður og gott að vera
þarna með flottu fólki eins og Þóru.
Mér finnst líka fínt að þurfa ekki
að verja titilinn og ætla þess vegna
hér með að hætta að lesa íslenskar
fréttir.“ -þþ
Dóri DNA fagnaði sigrinum sem
kostaði hann mikla baráttu og erfiði.
Loksins
borgaði
sig að
lesa frétt-
irnar og
svona.
Jón Þór tekur sig vel út við fjörutíu ára gamla glæsikerruna. Ljósmynd/Hari
 glæsikerra Jón Þór ÞorleiFsson keypti draumabílinn
m ig hefur alltaf langað í svona bíl,“ segir Jón Þór Þorleifsson, framleiðandi og rokkstjóri tón-
listarhátíðarinnar Aldrei fór ég suður.
Jón Þór hefur vakið athygli á götum
Reykjavíkur síðustu daga enda keyrir
hann nú um á fjörutíu ára gömlum Range
Rover. Bíllinn er næstum alveg eins og
bíll sem afi hans átti í mörg ár og Jón Þór
fékk að sitja í sem strákur. Það var því
langþráður draumur sem rættist á dög-
unum. „Þessi bíll er hluti af æsku minni.
Afi átti 73-módelið og ég hef leitað mér
að svona bíl lengi. Ég fylgdist vel með
og fann hann loks á netinu í gegnum
Fornbílaklúbbinn,“ segir Jón Þór hæst-
ánægður.
Bíllinn hefur að mestu verið geymdur
inni í skúr síðustu 28 árin en hefur verið
tekinn út á sunnudögum, eins og slíkur
gripur á skilið. „Það var hugsað úrvalsvel
um hann,“ segir Jón Þór sem vill ekki
gefa upp kaupverðið. Fyrri eigandi er
látinn en tengdasonur hans annaðist söl-
una og segir Jón Þór að honum hafi verið
annt um bílinn. „Honum stóð ekki á sama
hvert hann færi.“
Þessi fallegi bíll er 72 módel með 8
cylindra vél. Hann er beinskiptur og án
vökvastýris, en þau komu ekki í Range
Roverana fyrr en ári seinna. Bíll afa Jóns
Þórs var til að mynda með vökvastýri.
Þessi bíll er nær alfarið „original“ og seg-
ir Jón Þór að sér detti ekki til hugar að
breyta því á neinn hátt. Einhverjir kynnu
að freistast til að lýsa lit bílsins sem
karríbrúnum eða eitthvað í þá veruna.
Eigandinn heldur sig hins vegar við lýs-
ingu framleiðandans, Bahama Gold.
Hvað er gripurinn keyrður?
„Við höldum að hann sé keyrður
113 þúsund kílómetra. Það stend-
ur 13 þúsund á mælinum og það er
ósennilegt að hann hafi farið nema
einn hring.“
Ekki er nema rúm vika síðan Jón
Þór festi kaup á bílnum en hann hef-
ur þegar vakið mikla athygli hvar
sem hann hefur farið. „Mér finnst
skemmtilegast þegar fólk fer að segja
mér sögur af svona bílum og tengir
mig í kjölfarið við skemmtilegar
minningar sem það á,“ segir hann.
Eins og áður segir átti afi Jóns
Þórs, Jón á Þverá, samskonar bíl á
árum áður. Afi hans er látinn en eigin-
kona hans, Kristín Þorleifsdóttir, var
glöð að heyra af bílakaupunum. „Ég
fór með ömmu á rúntinn um daginn
á bílnum. Hún var rosa ánægð með
þetta. Hún er vön að sitja frammi í
Range Rover en það eru orðin ansi
mörg ár síðan. Við ætlum að fara sam-
an á bílnum í réttir á Þverá í haust og
síðan fer Range Roverinn í vetrardvala
þar fyrir vestan.“
Jón Þór á einnig tuttugu ára gaml-
an Mercedes Benz og hefur sést aka
um á gamalli Lödu og gömlum Volvo.
Hvað veldur þessari áráttu?
„Mér finnst skipta máli að bílar séu
með karakter. Það gerir þetta ólíkt
skemmtilegra. Við Jón Birgir frændi
minn höfum stundum grínast með að
það sé ekkert vit í bílum nema það sé
búið að keyra þá til tunglsins og til
baka.“
Höskuldur Daði Magnússon
hdm@frettatiminn.is
Jón Þór
Þorleifs-
son rokk-
stjóri fann
draumabíl-
inn á netinu
um daginn.
Hann keyrir
nú um á
72-módeli
af Range
Rover, bein-
skiptum og
án vökva-
stýris,
og hefur
aldrei verið
ánægðari.
Rokkstjóri á 40 ára
gömlum Range Rover
Skrif um gullið á
Skeiðarársandi
Haukur Már Helgason heimspekingur
vinnur nú að ritverki sem byggir á leitinni
að gullskipinu á Skeiðarársandi en frá
þessu greinir Haukur Már á bloggsíðu
sinni. Það verk sem slíkt gengur ekki
átakalaust fyrir sig því það vekur upp með
heimspekingnum tilvistar-, hagfræði- og
samfélagslegar spurningar, eða eins og
hann segir sjálfur: „Ég er á launum, rithöf-
undalaunum, frá íslenska ríkinu, sem ég
fæ raunar sem verktakagreiðslur. Ríkið er
verkkaupi, ég er verktakafyrirtæki. Hvort
er þetta sósíalismi eða ríkiskapítalismi?“
Dómara leitað
Ríkissjónvarpið og samtök framhaldsskóla
landsins standa frammi fyrir umfangs-
miklum breytingum þegar næstu törn
spurningakeppninnar Gettu betur verður
komið á koppinn. Fyrir liggur að dómarinn
og spurningahöfundurinn Örn Úlfar
Sævarsson hefur lokið keppni, en enginn
hefur staðið vaktina lengur en hann eða
alls þrjú tímabil. Talið er víst að spyrillinn
verði eftir sem áður Edda Hermannsdóttir
og að Þórhildur Ólafsdóttir verði eftir sem
áður spurningahöfundur og spyrill; stóru
fréttirnar eru hins vegar þær að framleið-
andinn Andrés Indriðason, sem verið hefur
með frá upphafi, lætur af störfum. Arftaki
hans er þaulvön því að stjórna upptökum,
en þar er um að ræða Elínu Sveinsdóttur
en hún og maður hennar, Sigmundur Ernir
Rúnarsson, létu af störfum hjá 365 fyrir
nokkrum árum þannig að eftir var tekið.
Fréttatíminn greindi í síðustu viku frá draumi blaðamannsins Eiríks
Jónssonar um að fá gamlar spólur með nokkrum tugum
sjónvarpsþátta sinna Eiríkur frá Stöð 2 svo hann
geti uppfyllt óskir lesenda sinna á vefnum www.
eirikurjonsson.is um að fá að sjá aftur þessa þætti
sem nutu mikilla vinsælda á Stöð 2 fyrir drjúgum
áratug.
Ari Edwald, framkvæmdastjóri 365 miðla,
kannaðist ekki við beiðni Eiríks þegar Fréttatíminn
leitaði viðbragða hans en sagðist þó muna eftir
þáttunum. Ari vísaði á sjónvarpsstjórann
Pálma Guðmundsson. Pálmi segist eiga
eftir að fara yfir málið með forstjóranum
en benti á að ósk Eiríks sé umfangs-
meiri en blaðamaðurinn ef til vill geri
sér grein fyrir þar sem að Stöð 2 gæfi
ákveðið fordæmi með því að láta
Eiríki þættina eftir.
Umfangsmikil bón
46 dægurmál Helgin 3.-5. ágúst 2012