Fréttatíminn - 24.08.2012, Qupperneq 24

Berst af elju gegn
heilaæxlunum
Árni Sigurðarson er 35 ára Vesturbæingur sem
hafði fest sig í sessi sem flugmaður hjá Icelandair
þegar honum var kippt niður á jörðina. Hann vaknaði
dofinn öðrum megin í líkamanum fyrir tveimur
árum. Eftir tveggja mánaða leit staðfestu læknar að
blettur á heila hans væri æxli. Hann var kominn með
krabbamein. Nú, fimm heilaskurðaðgerðum síðar, er
Árni í geislameðferð vegna æxlis djúpt í heila hans.
Orkan er lítil. „Ína er með tvo krakka og einn durg
á heimilinu, sjálfa sig og vinnuna sína,“ segir hann
um eiginkonuna sem heldur hlutunum gangandi.
Árni gefst ekki upp og ætlar að stunda háskólanám í
vetur. Hann segir Gunnhildi Örnu Gunnarsdóttur frá
baráttunni.
Framhald á næstu opnu
24 viðtal Helgin 24.-26. ágúst 2012