Fréttatíminn - 13.05.2011, Blaðsíða 59

heimili 51Helgin 13.-15. maí 2011
 Tíska Stóll
H. J. Wegner
Y hin
nýja sjöa
Y-stóllinn er að mestu leyti
handgerður og þar á meðal er
setan handofin úr pappír.
Stóllinn Sjöan frá árinu 1955,
sem Arne Jacobsen hannaði,
hefur farið sigurför um heim-
inn og er líklega einn vinsælasti
hönnunarstóllinn í borðstofuna.
Hins vegar er það annar stóll
sem heggur nú í vinsældir Sjö-
unnar, stóll sem var hannaður
á svipuðum tíma og einnig af
dönskum hönnuði. Þetta er Y-
stóll Hans J. Wegner frá árinu
1950. Hann hefur lengi þótt sí-
gildur en hefur á síðasta ári sótt
í sig veðrið, sérstaklega eftir
að framleiðandinn Carl Hansen
hóf að framleiða hann í frískleg-
um litum. Stóllinn er úr viði og
er að mestu leyti handgerður,
þar á meðal er setan handofin
úr 120 metrum af sterkum
pappírsþræði sem á að duga í
allt að 50 ár. Hans J. Wegner
hannaði stólinn fyrir Carl Han-
sen & Son árið 1949, og hefur
hann verið óslitið í framleiðslu
frá 1950. Hann heitir í raun
CH24 en er kallaður Y-stóllinn
á íslensku og óskabeinsstóllinn
á ensku, eða wishbone chair. Y-
stóllinn fæst hjá Epal.
Í slenskar mosategundir eru um 600 talsins og sumar þeirra friðaðar. Mos-inn er stór hluti af íslenskri náttúru og
umhverfi okkar og því vel við hæfi að taka
honum fagnandi inn á heimilið í ýmsum
skreytingum. Við leituðum til Katrí Tauri-
ainen stílista hjá Tekk vöruhúsi sem notar
mosann mikið.
„Mest nota ég mosa í skreytingar og þá
með blómum í páska- og jólaskreytingar.
Til dæmis til að hylja mold í pottum eða
með afskornum blómum í glærum vasa,
hann gerir allt fallegra. Hann er harðgerð-
ur og það er auðvelt að halda honum lifandi
og fallegum lengi,“ segir Katrí. Hún er til
dæmis með mosaskreytingu inni í stofu
hjá sér sem hún úðar á vatni reglulega til
að halda mosanum rökum og fínum.
Mosinn fæst víða, meðal annars hjá
Blómagalleríi við Hagamel, en þangað
sækir Katrí oftast þann mosa sem hún
notar. Þar er mosinn seldur þurrkaður
og það eina sem þarf að gera er að bleyta
hann. „Þau í Blómagalleríi gera stundum
skreytingar fyrir mig ef ég er í tímaþröng,“
segir Katrí.
Mosann er hægt að nota í fleira en
blómaskreytingar. „Mosi er mjög fallegur
og litríkur og það er
auðvelt að leyfa honum
til dæmis að vaxa utan
á blómapottum í garð-
inum eða á steinum.
Mér finnst líka fallegt
þegar hann sprettur
upp á milli steina, þó að
það séu nú kannski ekki
allir sammála því,“ segir
hún og bætir því við að
mosavaxni veggurinn
við Ráðhúsið sé dæmi
um hversu fallegur
hann getur verið utan
á húsum og í kringum
hús. „En fallegasti mos-
inn sem ég hef séð er í Landmannalaug-
um, þar er hann neongrænn á lit.“  
Katrí býr í nýju hús-
næði í Hafnarfirði og
meðan á byggingu stóð
var hún duglega að
safna mosa í kringum
húsið. „Það er vel hægt
að safna mosa úr nátt-
úrunni, en við þurfum
að hafa það í huga að
hann er lengi að vaxa og
sumar tegundir eru frið-
aðar. Svo eru sumir sem
vilja losna við hann úr
garðinum, en mér finnst
hann svo flottur og ætla
að hafa brekkuna ofan
við húsið mosalagða.“ 

Body oil –likamsoliur
Unaðslegar likamsoliur til að næra og mýkja húðina svo um
munar. Oliurnar eru rikar af E-vitamini og olive oilu sem
inniheldur mikið A-vitamin.
Húðin verður slétt og mjúk og verður einstaklega fersk og
falleg á litinn.
Það er tilvalið nú i sumar að nota slika oliu til að fá extra
fallega áferð og útlit á húð.
Án allra parabena
Ilmir: Vanilla/patchouli - lemongrass – sensual
Hentar fyrir: Allar húðgerðir og allann aldur sér-
staklega gott fyrir mjög þurra húð sem á það til að fá þurrku-
bletti á ákv svæði likamans.
Tilvalið að nota á mismunandi hátt
-Nokkra dropa i baðið
-Nokkra dropa út i likamskremin til að auka næringu til húðar
-Sem nuddoliu fyrir fullorðna
-viðbót út i body scrub
-blanda saman við salt og búa til þina eigin meðferð.
Verð kr 2.990
Soap scrub- sturtusápa
Sturtusápa sem inniheldur mild mulin korn úr aprikósum og olivum og hefur því örlitið örvandi og stinnandi
áhrif á húðina, sturtusápan gefur húðinni vellíðu og frískleika, hefur að einnig að geyma jojoba oliu sem hefur
rakagefandi áhrif á húðina. Sturtusápan hefur ekki að geyma sulfate(freyðiefni) né parabena (rotvarnarefni).
Hentar fyrir: Allar húðgerðir – konur – menn – börn
Ilmir: Vanilla/patchouli – lavender – grapefruit/lemongrass –
Mælum með: Að nota sturtusápuna daglega i sturtu og mjög gott að nota sturtuhanska með og nudda
húðina vel.- einnig má setja dass i baðið til að fá unaðslegan ilm og smá froðu
Verð 2.790 kr
 Mosa er Hægt að nota Í Skreytingar
Fallegur og glóandi