Fréttatíminn - 02.11.2012, Blaðsíða 8

María Lilja
Þrastardóttir
marialilja@
frettatiminn.is
Útgáfuteiti aldarinnar!
Fögnum Sögu dægurtónlistar
á Íslandi eftir Dr. Gunna.
Bókabúð Máls & menningar, Laugavegi.
Föstudaginn 2. nóv. kl. 18:00.
Veitingar! Stuðrantur á tilboði!
7 landsþekktir leyni gestir!
sogurutgafa.is
 Bílar Villandi upplýsingar í Bifreiðaskrá
Bílar oft eldri en gefið er upp í skráningu
„Það hafa reglulega komið svona mál
inn á borð til okkar,“ segir Runólfur
Ólafsson, framkvæmdastjóri FÍB. Hann
segir mörg dæmi um fjárhagstjón hjá
bifreiðaeigendum vegna villandi skrán-
ingar á bílum.
Breyting á skráningarkerfi bíla var
gerð fyrir 14 árum og að sögn Runólfs
hefur það haft í för með sér að bifreiðar
séu oft nokkrum árum eldri en skráning
gefur upp. Slíkt getur haft mikil áhrif á
verð bifreiðanna í endursölu og einnig
hafi það áhrif á bilanatíðni. Hann segir
dæmi um að bílar hafi reynst allt að
fimm árum eldri en haldið var í fyrstu,
en skráningarár þeirra miðast við árið
sem þeir fóru á götuna, ekki fram-
leiðsluár þeirra.
„Bílar standa oft óhreyfðir í einhver
tíma áður en þeim er komið á götuna.
Með þeim bílum þarf ákveðna eftir-
fylgni þar sem margt getur bilað við það
eitt að standa kyrrt. Til dæmis hemlar
og gangverk.“
Runólfur segir að dæmi séu um að
bílar standi ennþá óhreyfðir í bíla-
geymslum frá hruni og þá bíla sé
hæglega hægt að selja undir fölskum
formerkjum. „Óprúttnir aðilar gætu
séð sér leik á borði og selt þá sem 2012
árgerð, þar sem ekki þarf að forskrá þá
með framleiðsluárinu. Um það eru því
miður mörg dæmi.“
Hann segir einfalt mál að koma í veg
fyrir svindl af þessu tagi, „að hverfa
aftur til skráningar í anda þess sem var
fyrir fjórtán árum.“ Runólfur segist vilja
þrýsta á yfirvöld til aðgerða en að sama
skapi vekja bifreiðaeigendur til umhugs-
unar um hvað þau séu að versla með.
Hann bendir á að í einhverjum tilfellum
sé hægt að rekja framleiðslunúmer bíla
og einnig ætti á mörgum þeirra að vera
til forskráning um hvenær bíllinn var
fluttur hingað til lands.
Dæmi eru um að bílar hafi staðið óhreyfðir
frá hruni, þeir verða síðan skráðir eftir því
hvenær þeir koma á götuna.
Framleiðslu-
geta Sorpu
úr urðunar-
stöðinni á
Álfsnesi er
ekki næg
fyrir vaxandi
metanbíla-
flota, að
sögn fram-
kvæmda-
stjóra FÍB.
 eldsneyti Metanið að klárast
Horfum fram á
skort á metangasi
Metaneldsneytismál eru í miklum ólestri á höfuðborgarsvæðinu. Urðunarstöðin í Álfsnesi annar
ekki eftirspurn. Framkvæmdastjóri FÍB segir það alvarlegt að stjórnvöld skuli ekki fræða al-
menning um stöðu mála, heldur þvert á móti hvetja fólk til að breyta bílum fyrir mikið fé yfir í
metanbíla.
M iklar raðir myndast iðulega við dæl-ur viðurkenndra metangasstöðva, en þær eru tvær á vegum N1 á höf-
uðborgarsvæðinu. Samkvæmt upplýsingum
Fréttatímans getur það verið mjög seinlegt
að dæla metangasi og því myndast þungar
raðir við dælurnar. Þrýstingur á dælunum er
oft mjög lágur en það kemur til vegna álags og
jafnvel kemur fyrir að gasið klárist í dælunum
þar sem magn metangassins sem
Sorpa og N1 hafa samkomulag
um annar ekki eftirspurn
metanbílaflotans sem fer
sívaxandi.
„Við erum að horfa
fram á skort á metan-
gasi,“ segir Runólfur
Ólafsson, framkvæmda-
stjóri FÍB. Hann segir að
gasmagnið velti alfarið
á framleiðslugetu Sorpu
úr urðunarstöðinni
á Álfsnesi.
Gasinu í
Álfsnesi
er safnað
með því
að bora í
rusla-
hauginn
og átti
þetta
fyrir-
komu-
lag að
geta
þjónu-
stað
þúsundir
bíla. Runólfur segir annað hafa komið á dag-
inn þar sem ítrekað berist kvartanir til FÍB
frá eigendum metanbíla. „Fjölgun metan-
bíla er í sjálfu sér mjög góð, þar sem það er
mjög umhverfisvænt að brenna gastegund-
inni. En það sem ekki er gott í þessu er að
framleiðslan annar ekki eftirspurn vaxandi
flota.“
Runólfur segir hlutaðeigandi fyrirtæki
benda hvort á annað. „Sorpa er sameignar-
félag sveitarfélaganna á höfuðborgarsvæð-
inu og er stjórnað af kjörnum fulltrúum og
hefur því mikla ábyrgð. Þess ber líka að geta
að Orkuveitan á þær leiðslur sem að notaðar
eru við flutningana en svo hefur skortur á
samkeppni sjálfsagt eitthvað að segja.“
Hann segir að til þess að samkeppni náist
þurfi að vera til nóg gas en svo sé ekki þar
sem núverandi framleiðslumagn komi ekki
til með að duga fyrir markaðinn eftir eitt ár.
„Það er því út í hött að fólk skuli lokkað til
þess að breyta bílum sínum fyrir háar fjár-
hæðir og svo sé þjónustan í engu samræmi
við uppgefnar forsendur.“
Í skýrslu yfirvalda kemur fram að metan-
bílum hafi fjölgað um fimmtíu prósent á ári
um nokkurt skeið og gert sé ráð fyrir sömu
þróun í ár. Runólfur segir að vissulega sé
hægt að auka framleiðslu metans en það
útheimti mikla fjárfestingu. Slík samþykkt
liggi ekki fyrir og mun ferlið koma til með
að taka nokkur ár. „Sveitarfélögin eru ekki í
stakk búin fyrir áhættufjárfestingar í þessu
árferði, því miður, og það er samfélagsleg
skylda þeirra að upplýsa almenning um
stöðu mála.“
María Lilja Þrastardóttir
marialilja@frettatiminn.is
„Hjá almenningsfélögum verða allir hlutir að vera upp á borðunum,“
segir Runólfur sem kallar eftir gegnsæi.
frá 9.500 kr
69%
... kvenna á höfuðborgar-
svæðinu lesa Fréttatímann*
*konur 25 – 80 ára
á höfuðborgarsvæðinu.
Capacent júlí-sept. 2012
8 fréttir Helgin 2.-4. nóvember 2012