Dagfari - 01.07.1962, Blaðsíða 2

FRA
FRAMKVÆMDANEFNDINNI
Ekkert deiluefni eftir stríðslok liefur
valdið jafn miklum og langvinnum storm-
um í þjóðlífi lslendinga og hernámsmálið.
1 hálfan annan áratug hefur það verið á
dagskrá; tvísýn barátta milli þjóðar og
þings og enn er ekki ljóst, hvor stefnan
verður endanlega ofan á, hernámsstefnan
eða stefna vopnleysis og friðar. En dæg-
urþras stjórnmálanna er býsna liávaðasamt
og getur jafnvel til lengdar yfirgnæft
mestu stórmál. Þrátt fyrir brenuandi mik-
ilvægi, haldast ekki deiluefni efst á dag-
skrá áratugum saman, nema einhverju só
til kostað, — og ekkert væri hernámsvin-
um kærara en að umræðum væri liætt og
þjóðin sætti sig við orðinn hiut.
Samtök hernámsandstæðinga eru stofn-
uð til sóknar og varnar í þessu máli sem
öðrum þjóðfrelsismálum; þeim er ætiað
það hlutverk að haida merkinu á lofti. En
ef þau eiga að haida áfram að gera sig
gildandi í íslenzku þjóðlífi, verður að eyða
til þess miklu fé. Hinar voldugu mótmæla-
göngur oklcar kosta tugi þúsunda hver um
sig, en einmitt göngumar hafa öllu öðru
fremur þjappað hernámsandstæðingum
saman og vakið alþjóð til vitundar um
ógnarveruleik þessa máls, — að hersetið
eða herlaust land er spurning um lif eða
dauða þjóðarinnar á styrjaldartímum. Með
skrifstofu okkar, erindrekstri og útgáfu,
sem einnig kostar stórfé, hefur okkur gef-
izt færi á að viðhalda samstarfi hernáms-
andstæðinga úr hinum óliku og innbyrðis-
stríðandi stjórnmálaflokkum, um leið og
unga kynslóðin, sem nú vex úr grasi og
þekkir ekki annan tíma en hersetið Iand,
er með starfi okkar vakin til vitundar um
sjálfsagt markmið allra Islendinga: frið-
lýst land. Loks má minna á, að ef að lik-
um lætur mun mikið starf bíða samtak-
anna, þar sem er það verkefni, að koma
í veg fyrir endanlegt afsal islenzkra lands-
réttinda við inngöngu þjóðarinnar í Efna-
hagsbandalag Evrópu.
Sérhver andstæðingur hernámsins verð-
ur að gera sér ljóst, að úrslit þessara mála
eru að nokkru leyti í höndum hans sjálfs.
Við berum ábyrgðina, ég og þú, á fram-
tíðarstarfi samtakanna, og því aðeins að
við leggjum eitthvað að mörkum er von
til þess, að starfinu verði haldið áfram.
Miðnefnd samtakanna hefur ákveðið að
leggja fjárhagsgrundvöll að starfi sam-
takanna með kerfi styrktarmanna og söfn-
un áskrifenda að Dagfara. Væntanlegum
stuðningsmönnum er boðið eitt af þrennu:
að verða styrktarmenn og greiða 200 eða
500 króna framlag á ári eða að verða á-
skrifendur að Dagfara en árgjald hans er
100 krónur. Þess ber að geta, að styrktar-
menn munu fá sent eintak af allri útgáfu
samtakanna í framtíðinni, þar með talin
útgáfa Dagfara. Við biðjum héraðsnefnd-
armenn og aðra stuðningsmenn að hug-
leiða, hvort þeir muni vilja eiga hlut að
þessu máli.
Ritvélarnar
frá
BORGARFELLI
Laugaveg 18
STIMIAR
STIMPLAR
STIMPLAR
STIMPLAR
EFTIR VÐAR VALI.
Steindórsprent h.f.
TJARNARGÖTU 4. - R.VÍK - SÍMI 11174
Nokkur eintök til
af eftirtöldum ritum:
Friölýst land
Keflavíkurgangan 1960
Þingvallafundur 1960
Tíðindi Þingvallafunda
Rit Þingvallafunda
Hvalfjarðargangan (dreifiblað)
íslenzkar raddir (dreifiblað)
1, 2, 3.
HVERSKONAR
PRENTVINNA
SAMTOK
HERNÁMSAIVDSTÆÐIMGA
MJÓSTRÆTI 3. SIMAR 23647 og 24701
Prenlsmiðja Jóns Helgasonar
Bergsfaðastræli 29 Sími 14200