Fréttatíminn - 27.12.2013, Page 28

Vængstífður dólgur
Hann mun ekki fljúga með Ice-
landair í bráð.
Sótölvaður farþegi í Ameríku-
flugi Icelandair gekk af göflunum
þannig að nauðsynlegt þótti að
yfirbuga hann, múlbinda og líma
fastan í sæti sitt. Flugdólgurinn
varð frægur að endemum út um
allan heim og Guðjón Arngrímsson,
upplýsingafulltrúi Icelandair, hafði takmarkaðan
áhuga á að fá aftur um borð í vélar félagsins.
Úr skjóli þagnarinnar
Þó ég sé skepna inn að beini vil ég ekki ljúga.
Karl Vignir Þorsteinsson og löng og ógeðsleg
brotasaga hans gegn börnum og unglingum sem Kast-
ljós fletti ofan af vakti gríðarlega athygli og í kjölfarið
hlaut hann dóm fyrir illvirki sín.
En Leppalúði?
Grýla gamla er loksins dauð!
Björgólfur Thor Björgólfsson
fagnaði Icesave-dómnum og
kastaði rekunum ofan í gröf
óværunnar.
Tær snilld Ólafs
Og í dag er í mínum huga eigin-
lega efst þakklæti til forsetans
fyrir að hafa staðið sig svona vel.
Ef hans hefði ekki notið við þá
hefði þetta getað endað mjög illa.
Sigurjón Árnason, fyrrverandi banka-
stjóri Landsbankans og Icesave-foringi, var þakklátur
forsetanum fyrir að hreinsa upp eftir sig og hans fólk.
Vel gert!
Við höfum sagt þetta alla tíð.
Ef réttlætið á að blíva þá
var þetta ósköp ljóst. Aldrei
nein ríkisábyrgð, aldrei, og
peningar til fyrir þessu og
allt í orden.
Björgólfur Guðmundsson,
fyrrverandi stjórnarformaður
Landsbankans, fagnaði líka.
Latté-lepjandi pakk
Ég lít á ykkur sem hyski.
Sigurður Harðarson, stjórnarmaður Félags sjálf-
stæðismanna í Grafarvogi, vandaði ekki Jóni Gnarr
borgarstjóra og hans fólki kveðjurnar á sögulegum
íbúafundi.
Hvar eru allar
stelpurnar?
Ég vona að þetta verði einstakt
atvik í sögu verðlaunanna.
Kynjahlutföllin voru kengboginn
í tilnefningum til Eddu-verð-
launanna. Fimm manns voru
tilnefndir fyrir leikafrek í karla-
flokkunum en aðeins þrjár konur
í sambærilegum flokkum. Brynhildur Ólafsdóttir,
framkvæmdastjóri verðlaunanna, treystir á að þetta
endurtaki sig ekki.
Ég ákæri!
Þetta fólk benti á mig sem sökudólg, en Landsdómur
hafnaði því eins og öllum þeim atriðum sem sneru
beint að bankahruninu. Ég gef ekki mikið fyrir þessi
orð.
Geir H. Haarde var gerður að sökudólgi og telur
rétt að leita nú að sökudólgum í Icesave-samninga-
ruglinu.
Í bláum skugga
Ég reyki tvisvar af einhverri jónu og það mælist í mér
fimm vikum seinna.
Sjómaður sem missti plássið þar sem hann féll á lyfja-
prófi Vinnslustöðvarinnar í Vestmannaeyjum sagði
farir sínar ekki sléttar í DV.
Ókei bæ
Hér er fyrst og síðast um mína
persónulegu ákvörðun að ræða
sem í sjálfu sér þarfnast
ekki frekari raka en þeirra
að ég hef komist að þessari
niðurstöðu, er sáttur við hana
og sjálfan mig, um leið og ég
trúi að hún verði einnig til góðs
fyrir Vinstrihreyfinguna – grænt
framboð.
Steingrímur J. Sigfússon tilkynnti ákvörðun sína um
að hætta sem formaður VG sem hann hafði stýrt frá
upphafi.
Kjötið sem hvarf
Við kunnum alls engar skýringar á þessum
mælingum þeirra og förum nú í nákvæma skoðun á
hvað hefur þarna átt sér stað.
Magnús Níelsson, forstjóri Gæðakokka, botnaði
ekkert í því hvers vegna ekkert nautakjöt var í
nautakjötlokum fyrirtækisins.
Blaðurbyltingin
Þetta heitir valdarán, eins og margir hafa bent á.
Köllum hlutina réttum nöfnum.
Þorvaldur Gylfason var óánægður með að stjórnar-
skrárfrumvarpið skyldi falla á tíma eftir mikið japl,
jamm og fuður á þingi.
Hjakkað í fari
Ég var fastur þarna í fimm tíma.
Fréttamaðurinn vaski Þorbjörn Þórðarson sat fastur
í blindbyl á Vesturlandsvegi í óveðrinu og fannfergi
í mars. Hann lét sig þó ekki muna um að stíga út í
óveðrið og gera stutt fréttainnslag um fjölda fastra
bíla sem hann taldi hlaupa á þúsundum.
Á bálkesti hégómans
Fyrir vikið hata kjósendur þig. Mannorð þeirra fáu
sem hafa kjark til að halda fast í stefnumálin er
svívirt – oft með aðstoð samherja viðkomandi sem
eru blindir af eigin hégómagirnd.
Þingkonan Lilja Mósesdóttir gerði vanþakklátu starfi
þingmannsins skil og þá ekki síst illri vist í þing-
flokkum.
Lifi byltingin!
Já, farðu bara lífvarða-
titturinn þinn sem eltir
ráðherraræfil alla daga.
Þessi hressilega gusa var
eignuð Álfheiði Ingadóttur,
þingkonu VG, í bók um
Búsáhaldabyltinguna.
Samkvæmt eiginkonu látins
lögreglumanns fékk hann að
heyra þetta þegar pottaglamrið stóð
sem hæst á Austurvelli.
Kommar enn á
kreiki
Mín upplifun er að þessi
femínismi sem hefur orðið
ofan á í íslensku samfélagi
hafi hvorki með kvenfrelsi
né jafnrétti að gera, heldur
sé bara venjulegur gamall
vinstri sósíalistaboðskapur. Það
er bara mín upplifun, ég hef skrifað
um þetta áður.
Brynjar Níelsson hæstaréttarlögmaður, tók þátt í
málfundi um femínsima hjá Heimdalli. Honum leidd-
ist ekki en heyrði fátt nýtt.
Svona, svona...
Ég er mjög döpur og
sorgmædd.
Jóhanna Sigurðardóttir,
fráfarandi forsætisráð-
herra, var með böggum
hildar eftir kosningaham-
farir Samfylkingunnar.
Orðaflaumur ársins 2013
Samfélagsumræðan hefur sjaldan verið hressari en á vorum síðustu og bestu tímum virkra í athugasemdum
en með tilkomu netsins getur fólk nú tekist á og rifið kjaft allan sólarhringinn. Fréttatíminn hefur hér tekið
saman fleyg ummæli sem látin voru falla á árinu. Mörg þeirra verða sjálfsagt söguleg þegar fram líða stundir
og margir þeir sem hér komu við sögu tókst að orðum sínum að lenda í hakkavél athugasemdakerfanna.
Framhald á næstu opnu
ESB eða FBI?
Því miður verður ekki
betur séð en að þetta sé
einfaldlega hluti af því að
reyna að halda þessari
ríkisstjórn saman, eins
og svo margt annað,
sama hvað það kostar.
Þarna taldi Vigdís ljóst að
FBI hafi ógnað stjórnar-
samstarfi VG og Samfylkingar
með því að koma til landsins og yfirheyra Sigga
hakkara.
Gróa á Leiti ehf
Þessi maður er ekki til og líklega er þetta einhver
sem þiggur laun fyrir að elta mig eða slíkt því
umræðan síðustu fjögur ár í kommentakerfunum
er náttúrulega alveg einstök.
Vigdís taldi víst að talsverður rekstur væri í kringum
það sem hún vildi kalla rógsherferð gegn sér á
netinu.
Náttúrlega
Ég er náttúrlega í þessum
hagræðingarhópi og þar
liggur allt undir.
Vigdís tryllti lýðinn
þegar hún lét að því
liggja að RÚV yrði refsað
fyrir Evrópuslagsíðu á
fréttastofunni með skertum
fjárveitingum. Síðar á árinu var
svo heldur betur látið sverfa til stáls í Efstaleitinu.
Teygjanlegur brandari
Ég bjó þarna til greinilega eitt atriði í viðbót sem
netheimar geta skemmt sér yfir.
Vigdís upplýsti alþjóð um að „strax“ væri teygjan-
legt hugtak og sló að vonum í gegn á netinu.
Isss, smámunir
Ég get alveg sagt það að ef
ég myndi þurfa að leggjast
inn á spítala, nú tala ég
bara fyrir mig, að þá þætti
mér ekki mikið að þurfa
að borga 1.200 krónur
fyrir hverja nótt.
Vigdís bregður sér hvorki
við sár né bana og finnst
sjálfsagt að greiða fyrir
gistingu á Landspítalanum.
Framsókn áfram,
ekkert stopp!
Vinstri stefna gengur út á
það að koma sem flestum
á bætur sem dæmi og
að það sé verið að flytja
til fjármagn með skatt-
tekjum ríkisins og svo
eru það alltaf einhverjir
háir herrar sem deila því út
aftur til baka.
Vigdís Hauksdóttir, for-
maður fjárlaganefndar, braut grundvallaratriðin í
pólitíkinni til mergjar.
Skrýtna
fjölskyldan
Framsóknarflokkurinn
er fyrst og fremst fjöl-
skylduflokkur.
Vigdís greindi kjarnann
í hugsjónum Fram-
sóknarflokksins. Ekki
er þó alveg ljóst flokkur
hvaða fjölskyldna hann er.
Stundum er
betra að þegja...
Vigdís Hauksdóttir, formaður fjárlaganefndar, liggur aldrei á
skoðunum sínum og lætur allt flakka. Fáir ef nokkur í pólitík eiga
jafn auðvelt með að stuða fólk með orðum sínum en Vigdís. Óstöð-
ugir ærast og amast við bæði skoðunum hennar og oft á tíðum
kostulegum ambögum sem hún skreytir boðskap sinn með. Hér
eru nokkur gullkorn Vigdísar frá árinu sem er að líða.
28 úttekt Helgin 27.-29. desember 2013