Fréttatíminn - 04.01.2013, Qupperneq 20

Þ
etta er búið að vera frábært ár,“ segir Ólafur
Darri sem byrjaði árið eins og hann endaði
það. Á leiksviðinu. „Í byrjun ársins lék ég
með Royal Shakespeare Company í Strat-
ford-upon-Avon í sýningunni sem Gísli Örn
leikstýrði, The Heart of Robin Hood. Svo gerðum við
Marteinn Thorsson XL og eftir það fór ég að æfa Bast-
arða með Vesturporti sem ég sýndi í Svíþjóð og Dan-
mörku en náði ekki að sýna hérna á Íslandi út af öðrum
verkefnum. Svo var það auðvitað Ben Stiller og The
Secret Life of Walter Mitty, sem var alveg ofsalega
skemmtilegt verkefni, og svo Mýs og menn. Með
öllu hinu, handritaskrifum og undirbúningi að
hinu og þessu.“
Nýja árið verður ekki síður viðburðaríkt
hjá Ólafi Darra en í lok síðustu viku fréttist
að hann væri búinn að landa tveimur hlut-
verkum í Hollywood í verkefnum sem eru
þess eðlis að ómögulegt er að spá fyrir
um hvað á eftir að koma í framhaldinu.
„Það er búið að bjóða mér tvö hlut-
verk í Hollywood á vormánuðum.
Annað er hlutverk í sjónvarpsseríu
sem heitir True Detectives þar sem
Woody Harrelson og Matthew McCo-
naghey leika aðalhlutverkin. Svo í
spennumynd með Liam Neeson sem
heitir A Walk Among the Tombstones.
Ég geri fastlega ráð fyrir að sinna
þessum verkefnum núna í mars og
apríl. Þetta setur náttúrlega Mýs og
menn í smá bobba og við þurfum
að þétta og stytta sýningatímabilið.
Svo er ýmislegt í pípunum og ég er
að vona að ég fari að gera sjónvarps-
seríu hérna á Íslandi í haust. Það er
ekki alveg komið á hreint en það er
draumurinn.“
Fáránlega heppinn maður
Ólafur Darri segir að í raun sé hann
kominn með annan fótinn til Holly-
wood fyrir röð atburða, heppni og
þá ekki síst að hann hafi fæðst
á réttum stað. „Ég er náttúrlega
fáránlega heppinn maður og þetta
byrjar á því að ég fæddist í Ameríku,
þannig að ég get unnið þar. Það er
alger slembilukka að ég hafi fæðst
í Ameríku. Atvinnuleyfið er helsta
hindrunin við að komast inn á þennan
markað. Það er ofboðslega dýrt að
kaupa sér þessi réttindi. Það er hægt
en maður þarf að eyða tugum þús-
unda dollara í lögfræðikostnað. Svo
er ég svo heppinn að ég hef unnið
Það voru allir komnir með
upp í kok af honum sem
var æðislegt.
Æðislegt að leika skíthæl
Ólafur Darri Ólafsson gerði það heldur betur gott á nýliðnu ári. Hann var ausinn lofi fyrir frábæran leik í
Djúpinu eftir Baltasar Kormák, hann landaði hlutverki hjá Ben Stiller í The Secret Life of Walter
Mitty, lék aðalhlutverkið í og framleiddi bíómyndina XL sem verður frumsýnd í janúar og í lok
ársins steig hann á svið Borgarleikhússins í hlutverki einfeldningsins Lenna í Músum
og mönnum. Rétt fyrir áramót spurðist einnig út að Ólafur Darri hefði
fengið tvö hlutverk í Hollywood. Annars vegar í sjónvarpsþáttum
þar sem hann leikur á móti Woody Harrelson og Matthew
McConaughey og hins vegar í spennumyndinni A
Walk Among the Tombstones þar sem hann
mætir sjálfum Liam Neeson.
mikið hér heima með fólki eins og Baltasar til dæmis.
Ætli það megi ekki segja að þetta útlandaævintýri hafi
byrjað þegar við vorum að gera Djúpið.“
Á sama tíma bauðst Ólafi Darra hlutverk í Skyttunum
þremur sem Paul W.S. Anderson gerði. „Við vorum að
fara í tökur á Djúpinu þannig að þetta gekk bara ekki upp.
Ég þurfti líka að raka hár og skegg sem lagðist ekki vel í
þá Hollywood-menn og þetta endaði bara með því að ég
varð hætta við þetta hlutverk. Ég sá svo þessa mynd og
hún var alveg hræðileg. Og búið að klippa hlutverkið
sem ég átti að leika burt,“ segir Ólafur Darri og
skellir upp úr.
Ólafur Darri segist eitthvað hafa rætt við
Baltasar um þetta tækifæri ytra sem fór
forgörðum og Baltasar hafi sagt honum
að þeir myndu „redda“ þessu einhvern
tíma seinna. „Það er svo týpískt fyrir
Balta að þegar hann er að fara að gera
Contraband, hálfu ári síðar, að þá kom
hann mér í prufu fyrir hlutverk ein-
hvers Rússa í myndinni sem ég svo
hreppti.“
Þarna fór boltinn að rúlla fyrir
alvöru. „Þetta er svo einfaldlega
þannig að þegar einhver einn er
búinn að taka sénsinn á þér þá eru
aðrir til í að gera það. Ég fann þetta
strax þegar ég fór í prufur fyrir
Walter Mitty. Þau prófuðu alveg
ofboðslega marga, á Íslandi og
leikara út um allan heim. Þá fann
ég alveg að ég var kominn með litu
tána inn fyrir þröskuldinn. Af því
að ég var búinn að leika í annarri
stúdíómynd.
Balti gerði mér risastóran greiða
með þessu. Maður finnur svo bara
hvernig þetta heldur áfram. Nú er ég
búinn að gera Contraband og vinna með
Ben Stiller og þegar ég fór í prufurnar fyrir
þessi hlutverk núna þá fann ég bara að mað-
ur er alltaf tekinn meira og meira alvarlega.“
Ólafur Darri segir að ekki hafi heldur
skemmt fyrir honum að á meðan hann var
úti í prufunum birtust fréttir á bransavefnum
Deadline Hollywood um að Djúpið færi í almenna
dreifingu í Bandaríkjunum. „Menn vissu að ég
lék aðalhlutverkið í henni. Þetta hjálpar allt. Það
er bara þannig.“
Þá hefur einnig hjálpað til að Ólafur Darri fékk
umboðsmann í Los Angeles í lok sumar. „Þessi
umboðsmaður hefur reynst mér mjög vel og við
erum búnir að fá tilboð í þessi tvö hlutverk. Það
er samt mjög fyndið að við höfum aldrei hist,
bara talað saman í símaen við náum vonandi
að hittast í vor.“
16 viðtal Helgin 4.-6. janúar 2013