Fréttatíminn - 25.01.2013, Síða 4

Á disknum er súrdeigsbrauð, hráskinka, camembert ostur, fíkjur,
amerískar pönnukökur og hágæða hlynsíróp, sætkartöflusalat með geitaosti
og sólkjarnafræjum, bakað egg, grísk jógúrt með heimalöguðu múslí,
íslenskt grænmeti og ávextir.
BRUNCH-DISKUR Á NAUTHÓL
Í BOÐI Á SUNNUDÖGUM FRÁ KL 11.00 – 15.00
www.nautholl.is www.facebook.com/nautholl nautholl@nautholl.is tel.: 599 6660
Rangar upplýsingar um vöru á vefsíðu
Ragnar Davíð Baldvinsson, sölu & markaðsstjóri Icewear, óskar að koma eftirfarandi á
framfæri:
„Vegna mistaka starfsmanns við skráningu vöru á vefsíðu okkar komu óvart fram
rangar upplýsingar um vöruna. Um er að ræða ullarteppi frá Icewear. Fram kom að um-
rædd teppi væru framleidd á Íslandi úr íslenskri ull, en rétt er að teppin eru framleidd á
evrópska efnahagssvæðinu úr erlendri ull. Við hjá Icewear/Drífa ehf biðjumst velvirðingar
á þessum mistökum og hefur þetta verið leiðrétt. Rétt má geta þess að allar vörur í vöru-
línu Icewear eru sérstaklega merktar sé um íslenska framleiðslu að ræða. Hvergi kom
fram á merkingu umræddrar vöru að um íslenska framleiðslu væri að ræða.“
Norðurlandamót í listhlaupi
Norðurlandamót í listhlaupi á skautum hefst á fimmtudaginn í næstu viku, 31. janúar
í Egilshöll. 76 keppendur taka þátt í mótinu en reiknað er með yfir tvö hundruð
manna fylgdarliði við þá keppendur. Níu Íslendingar keppa á mótinu og hefur undir-
búningur íslensku keppendanna gengið vel. Stelpurnar kepptu flestar á RIG mótinu
sem fór fram í Laugardalnum um síðustu helgi. Þar röðuðu íslensku landsliðsstúlk-
urnar sér í efstu sætin í sínum flokkum og stóðu sig frábærlega. Nánast allar voru
að skora hærra en á Íslandsmótinu í desember. Það verður því mjög spennandi að
fylgjast með gengi þeirra á Norðurlandamótinu.
Íslensku keppend urnir
frá vinstri: Þuríður
Björg Björgvinsdóttir,
Kristín Valdís Örnólfs-
dóttir, Nadia Margrét
Jamchi, Guðbjörg Gutt-
ormsdóttir, Agnes Dís
Brynjars dóttir, Vala
Rún B. Magnúsdóttir,
Hrafnhildur Ósk Birgis-
dóttir og Elísabet Ingi-
björg Sævarsdóttir. Á
myndina vantar Júlíu
Grétarsdóttur.
Í slendingar hafa enn ekki náð að innbyrða jafn-mikið af grænmeti og ávöxtum og fyrir hrun, samkvæmt upplýsingum frá embætti landlæknis,
en neysla ávaxta og grænmetis hrundi í kreppunni.
Framboð á ávöxtum og grænmeti dróst verulega
saman 2008 og einnig 2009 en hefur heldur vaxið
síðan og var komið í 61 kg á hvern íbúa árið 2011 en
var 66,1 kg á hvern íbúa árið 2007. Framboð á fersku
grænmeti jókst einnig á milli ára og er nú 47,2 kg á
hvern íbúa, sem reyndar er enn minna en það var árið
2007 þegar það var 48 kg á hvern íbúa.
Sólveig Ólafsdóttir sagnfræðingur hefur sérhæft
sig í matarmenningu og -siðum Íslendinga. Hún
fylgdist mjög grannt með neysluþróuninni í krepp-
unni í kjölfar hrunsins. „Kreppa skapar ótta við hið
ókomna. Fyrstu viðbrögð fólks í kreppu eru alltaf hin
sömu: það hleypur í vörn og birgir sig upp af mat-
vælum sem geymast lengi. Það seldist svo ótrúlegt
magn af niðursuðuvöru á þessum tíma að ég er viss
um að fólk er enn með fulla eldhússkápa af niður-
suðudósum,“ segir Sólveig. Matarsiðirnir urðu jafn-
framt þjóðlegri og fór fólk til að mynda að taka slátur í
meira mæli en á árunum fyrir hrun.
„Að sama skapi dróst neysla ferskvöru á borð við
grænmeti og ávexti saman, því hún geymist ekki.
Grænmeti og ávextir eru frekar dýr neysluvara hér á
landi og því valdi fólk að draga úr kaupum á því til að
lækka matarreikninginn,“ segir Sólveig.
Hún bendir jafnframt á að neysla grænmetis og
ávaxta sé ekki fastmótuð í íslenskri matarhefð. „Við
höfum svo brotna sjálfsmynd gagnvart neyslu á ávöxt-
um og grænmeti því það var eitt af því sem var alveg
tekið af okkur á tímabili. Fyrst í kreppunni 1930 og
svo á árunum eftir stríð. Þá voru ávextir skammtaðir
eins og lyf. Við eigum því ekki heildstæðan kúltúr
í neyslu þessara matvæla, nema kartafla og rófna,“
segir hún.
Sigríður Dögg Auðunsdóttir
sigridur@frettatiminn.is
 Mataræði BorðuM enn Minna Magn grænMetis og ávaxta en fyrir hrun
Ferskmeti skorið
við nögl í kreppunni
Grænmetis- og ávaxtaneysla Íslendinga hrundi í kjölfar kreppunnar og þótt hún hafi aukist smám
saman aftur höfum við ekki náð upp neyslunni eins og hún var árið fyrir hrun og munar enn tals-
verðu. Sagnfræðingur segir ávexti og grænmeti ekki fastmótaða í okkar matarhefð því það hefur
tvívegis verið tekið frá okkur, fyrst í kreppunni 1930 og svo eftir stríð.
Við hrunið minnkaði neysla ávaxta og grænmetis til mikilla muna hér á landi. Þótt hún hafi aukist jafnt og þétt aftur síðan
borðum við enn minna magn en fyrir hrun. Ástæðan er ekki síst sú að neysla og grænmetis og ávaxta er ekki fastmótuð í matar-
hefðinni hér á landi. Ljósmynd/Hari
Tæpt kíló af sykri
á mann á viku
Neysla á sykri var 45 kg á hvern
íbúa eða tæp 900 grömm á íbúa á
viku árið 2011. Sykurneysla á Íslandi
er 50 prósentum meiri en í Noregi
og Finnlandi þar sem hún er minnst
á Norðurlöndunum, en hér er hún
mest. Gosdrykkir eiga drjúgan þátt
í hinni miklu sykurneyslu, en gos-
drykkjaneysla (gos- og vatnsdrykkir
með bæði sætu- og bragðefnum)
er óhóflega mikil hér á landi og var
framboðið 149 lítrar/íbúa árið 2011,
að því er fram kemur hjá embætti
landlæknis. Sælgætisframboð
minnkaði hins vegar um tæp tvö
kíló á milli ára og var 17,3 kg á
hvern íbúa árið 2011. Íslendingar
drekka því nærri þrjá lítra af gosi á
mann á viku og neyta 300 gramma
af sælgæti.
OYSTER PERPETUAL SUBMARINER DATE
Michelsen_255x50_J_0612.indd 1 14.06.12 16:56
veður föstudagur laugardagur sunnudagur
SV, 3-10 M/S oG SMá SKúRIR EðA él VIð S- oG
V-STRÖNDINA. NA 8-13 M/S oG SNJÓR N-lANDS.
HÖfuðBoRGARSVæðIð: SuðVEStaN 3-8 m/S oG
SmÁ Slydduél Eða él. HItI um fRoStmaRk.
NA, 8-15 M/S, HVASSAST á VESTfJÖRðuM. élJA-
GANGuR uM lANDIð N-VERT. BJART SuNNANTIl.
HÖfuðBoRGARSVæðI : NoRðauStaN 3-10 m/S,
bjaRtVIðRI oG HItI um fRoStmaRk.
NA 10-20 M/S, HVASSAST á NoRðVESTuRlANDI.
SNJÓKoMA. SlyDDA AuSTANlANDS uM KVÖlDIð.
HÖfuðBoRGARSVæðIð: NoRðauStaN 5-13 m/S
oG bjaRtVIðRI. HItI um fRoStmaRk.
Birtir sunnantil
Hæg breytileg átt og skúrir við suðvestur-
ströndina í dag en vaxandi norðaustanátt og
snjókoma norðanlands í kvöld. Norðaustanátt
og snjókoma víða um land á morgun og
sunnudag, en úrkomulítið suðvestantil. Hiti
um frostmark en hlýnar austantil
á sunnudag. Hægviðri og él
við ströndina en gengur í
norðaustanátt með snjókomu á
morgun, hvessir á sunnu-
dag og áframhaldandi
úrkoma, en úrkomu-
lítið suðvestantil. Hiti
undir frostmarki.
1
-2 -3
0
0
-1
-3 -2 -2
0
1
-1 -2 -1
2
Elín Björk Jónasdóttir
vedurvaktin@vedurvaktin.is
4 fréttir Helgin 25.-27. janúar 2013