Fréttatíminn - 25.01.2013, Blaðsíða 60
Í takt við tÍmann Guðný GÍGja Skjaldardóttir
Fór í bakpokaferðalag um
Austur-Evrópu með
mömmu og pabba
Guðný Gígja Skjaldardóttir er 22 ára Patreksfjarðarmær. Hún
hefur getið sér gott orð fyrir söng og gítarleik í hljómsveitinni
Ylju en meðfram hljómsveitarstússi vinnur hún á leikskóla.
Ylja treður upp á Rósenberg í kvöld, föstudagskvöld.
Staðalbúnaður
Ég hef aldrei verið nein merkjamanneskja, ég kaupi bara það sem mér
finnst flott. Ég hef dálæti á hippatímabilinu og fatastíllinn einkennist að ein-
hverju leyti af því. Ég er veik fyrir yfirhöfnum og kósý peysum og á það til
að líta bara á það þegar ég kaupi föt. Svo elska ég alls konar skart og hringi
en ég lít ekki við silfri. Ég elska að vera með hatt og hárband og á mikið af
sólgleraugum. Það er voða hentugt að búa með bestu vinkonu sinni sem er
með svipaðan fatasmekk. Við eigum það til að lána hvorri annarri föt.
Hugbúnaður
Það kemur alveg fyrir að ég fari á djammið og uppáhaldsstað-
urinn núna er Dollý. Þar er alltaf voða gaman. Ég fer stundum
á kaffihús en mér finnst samt best að drekka kaffi í eldhúsinu
heima. Þá helli ég upp á sterkt kaffi í mokkakönnunni og
drekk það með vinum mínum. Ég á ekki sjónvarp en „dán-
lóda“ stundum þáttum og bíómyndum. Uppáhaldið mitt núna
eru Girls-þættirnir, þar er raunsær og beinskeyttur húmor.
Ég get alltaf horft aftur og aftur á American Dad og Family
Guy. Ég veit ekki hvort ég á að skammast mín fyrir það.
Vélbúnaður
Ég eignaðist mína fyrstu Apple-tölvu í haust. Það er Macbook
Pro og ég er voða ánægð með hana. Nú gerist allt miklu hrað-
ar, ég átti svo trega tölvu fyrir. Í síðustu viku keypti ég mér
loksins iPhone og er smám saman að læra á hann. Uppáhalds
appið mitt núna er Snapchat. Ég hef alltaf verið þekkt fyrir
að vera símaböðull en ég er ekki enn búin að missa hann í
gólfið. 7, 9, 13! Ég er ekkert voðalega dugleg á Facebook, ég
nota það yfirleitt bara sem plögg fyrir hljómsveitina. Kannski
breytist ég í grimman Instagrammara með tilkomu iPhone-
sins.
Aukabúnaður
Ég reyni að vera dugleg að elda en það er oft erfitt þegar
hljómsveitaræfingar eru um kvöldmatarleytið. Þá er reyndar
mjög hentugt að það sé komið sushi í Krónuna úti á Granda.
Ég er alltaf til í sushi – það er uppáhalds maturinn minn. Síð-
asta vor fór ég í mánaðarlangt bakpokaferðalag um Austur-
Evrópu með mömmu og pabba og systkinum mínum. Okkur
hefur alltaf langað til að gera þetta og ég hef mikinn áhuga
á ferðalögum. Eftir að ég útskrifaðist úr Flensborg árið 2011
fór ég í þrjá mánuði til Suðaustur Asíu með vinkonu minni
og bróður mínum. Það er ferðalag sem mun aldrei gleymast.
Næst á dagskrá er að fara til Grænlands. Það er spennandi
land og mig langar líka að heimsækja skiptinemann sem var
eitt árið hjá okkur á Patreksfirði. Uppáhalds staðurinn minn
er Hlaðseyri, gamall sveitabær sem er í eigu fjölskyldunnar
minnar. Hann er innar í Patreksfirði, þar er ekkert rafmagn
en alltaf yndislegt að vera.
Guðný Gígja hefur dálæti á hippatímabilinu og segir að
fatastíll sinn einkennist af því. Ljósmynd/Hari
NORÐURKRILL
Fæst flestum apótekum, heilsubúðum og heilsuhillum stórmarkaðanna.
P
R
E
N
T
U
N
.IS
Hressari á morgnana!
„Í heilsueflingu minni sem hófst í ágúst 2011 hef ég notað Norðurkrill
omega 3 gjafa og ég fann mjög fljótt mikinn mun á mér.
Ég hafði lengi átt við skammdegisþunglyndi að stríða, var kraftlaus,
síþreyttur og fann til í liðamótum. Eftir að ég byrjaði að taka inn
Norðurkrill er miklu auðveldara að vakna á morgnana, liðverkir eru
horfnir, lundin er léttari og ég finn gríðarlegan mun á heilsunni.
Þetta var eins og punkturinn yfir i-ið og ég ætla klárlega að halda
áfram að nota Norðurkrill í minni heilsueflingu.
Ég verð 40 ára á árinu og hef sjaldan verið í jafngóðu andlegu
og líkamlegu formi.“
Björn Ólason
NORÐURKRILL er eitt hreinasta og öflugasta form af OMEGA 3-fitusýrum.
Unnið úr botnsjávardýrinu krill sem er veitt við ómengað Suðurskautið.
Aðeins þarf 1-2 hylki á dag til að mæta dagsþörfinni og það er ekkert eftirbragð,
uppþemba eða magaólga sem oft fylgir inntöku á fiski- og jurtaolíum.
Nánari upplýsingar á www.gengurvel.is
Tónlistarmaðurinn John Grant
sendir frá sér aðra sólóplötu sína
hinn 11. mars næstkomandi.
Platan, Pale Green Ghosts, kemur
út undir merkjum Bella Union úti
í heimi en Senu hér á landi.
John Grant sló í gegn með
fyrstu plötu sinni, Queen of
Denmark, árið 2010. Hann kom
hingað til lands og lék á Iceland
Airwaves árið eftir og féll fyrir
landi og þjóð. Platan er að mestu
tekin upp hér landi í samstarfi við
Bigga Veiru úr Gus Gus. Þá legg-
ur fjöldi íslenskra tónlistarmanna
Grant lið á plötunni; gítarleikar-
arnir Smári Tarfur, Guðmundur
Pétursson og Pétur Hallgríms-
son, bassaleikarinn Jakob Smári
Magnússon, Óskar Guðjónsson
saxófónleikari og Arnar Geir Óm-
arsson trommari. Auk þess syng-
ur Sinead O'Connor bakraddir.
Tónlistin á fyrri plötu Grants
var í ætt við tónlist áttunda
áratugarins en á nýju plötunni er
hann kominn nær okkur í tíma,
fram á níunda áratuginn. Í frétta-
tilkynningu frá Senu segir að „á
plötunni mætir myrk og leiftrandi
elektróník flauelsmjúkum ball-
öðum fyrri plötunnar“.
Myndin á kápu plötunnar er
tekin á Mokka kaffi við Skóla-
vörðustíg af ljósmyndaranum
Herði Sveinssyni. „Kærar þakkir
til allra fyrir gestrisni og að
gera dvöl mína að ótrúlegri lífs-
reynslu!!!“ segir John Grant í
þakkarlista sínum í bæklingi plöt-
unnar. Hann hefur sem kunnugt
er búið hér að mestu síðustu miss-
eri og er orðinn nokkuð sleipur í
íslenskunni.
John Grant heldur útgáfutón-
leika í Silfurbergi í Hörpu hinn
16. mars næstkomandi. Miðasala
á þá hefst á Harpa.is föstudaginn
1. febrúar klukkan 12. Miðaverð
er 6.400 krónur og aðeins eru 700
miðar í boði.
-hdm
tónliSt ný plata oG útGáfutónleikar Í Hörpu
John Grant á Mokka
John Grant
tekur sig vel
út á mynd
Harðar
Sveinssonar
á kápu
væntan-
legrar plötu
sinnar.
Myndin
er tekin á
Mokka kaffi.
60 dægurmál Helgin 25.-27. janúar 2013