Fréttatíminn - 25.01.2013, Side 36

36 vetrarfjör Helgin 25.-27. janúar 2013
 Éljagangur Vetrar- og útiVistarhátíð haldin á akureyri í febrúar
h átíðin er farin að festa sig í sessi, engin spurn-ing, en við viljum sjá
hana vaxa frekar,“ segir Birkir
Sigurðsson, einn skipuleggjenda
vetrar- og útivistarhátíðarinnar
Éljagangs sem haldin verður á
Akureyri dagana 14. - 17. febrúar
næstkomandi. Þetta er þriðja árið
í röð sem hátíðin er haldin.
Birkir segir að Akureyri sé
miðstöð vetraríþrótta á Íslandi
og hátíðin eigi að festa bæinn
enn frekar í sessi sem þá mið-
stöð, bæði meðal Íslendinga og er-
lendra gesta. „Hátíðin var kynnt
erlendis á síðasta ári, í Noregi
og víðar. Í desember var farið að
rigna inn fyrirspurnum til Akur-
eyrarstofu um hátíðina. Ég veit
ekki hvað skilar sér af erlendum
gestum en áhuginn er alla vega til
staðar,“ segir Birkir.
Stærstu viðburðir helgarinnar
eru án efa flóðlýst snjóbretta-
keppni á Ráðhústorgi seinni-
partinn á föstudag hjá bretta-
deild Skíðafélags Akureyrar og
sleðaspyrnan skipulögð af KKA,
Akstursíþróttafélagi torfæruhjóla-
og vélsleðamanna á Akureyri
og EY-LÍV félagi vélsleðamanna
sem fram fer á föstudagskvöld
í Hlíðarfjalli. Íscrosskeppnin á
Leirutjörn í hádeginu á laugar-
daginn er líka stór viðburður sem
ekki má missa af.
Fyrir fjölskylduna er Vasa-ljósa-
Þyrluskíðaferðir og snjóbrettakeppni á Ráðhústorginu
Keppt er í íscrossi á Éljagangi. Ljósmynd/Einar Guðmann
gangan í Hlíðarfjalli á fimmtu-
dagskvöld ómissandi viðburður
en þar sjá skíðamenn sjálfir um
að lýsa upp brautina og verðlaun
verða veitt fyrir frumlegasta
ljósabúnaðinn. „Svo eru það þyrlu-
skíðaferðir á Tröllaskaga, sem
eru nýjung á Éljagangi. Erlendir
ferðamenn koma gagngert til
landsins til að fara í þessar ferðir
en þetta er í fyrsta sinn sem þetta
verður á hátíðinni,“ segir Birkir.
Éljagangur er hátíð þar sem
reynt er að höfða til sem flestra
sem leggja stund á útivist. Hátíð-
inni fylgir snjókarlinn Frosti sem
kemur sér fyrir á Ráðhústorgi auk
þess sem þar verður búin til að-
staða fyrir ungt brettaáhugafólk í
samvinnu við brettadeild Skíðafé-
lags Akureyrar.
Krakkarnir voru duglegir á snjóbrettunum á Ráðhústorgi í fyrra. Ljósmynd/Þórir Tryggvason