Fréttatíminn - 06.01.2012, Qupperneq 35

Helgin 6.-8. janúar 2012 heilsa 11
Yfirnáttúrulegur
veitingastaður
Gló leggur ríka áherslu á að nota einungis
ferskasta og besta hráefni sem völ er á.
Listhúsinu Laugardal · Engjateig 19 · 105 Reykjavík
Sími 553 1111 · www.glo.is
Opnunartími: Virka daga 11-21 · Laugardaga 11-17
KYNNING
 MaNNslíKaMINN Stöðugt álag
M jaðmagrindina má kalla miðju mannslíkamans. Alltaf hvílir einhver
þungi á mjaðmagrindinni hvort
sem við sitjum, stöndum eða
liggjum. Þessvegna er hún alltaf
undir álagi og því mikið í húfi að
hafa hana í lagi. Innan mjaðma-
grindarinnar eru mörg innri líf-
færi og vöðvar sem með flóknu
samspili vinna saman að því að
allt hreyfist og virki eins og það
á að gera.
Það er staðreynd að vandamál
tengd mjaðmagrindinni sem
leita inn á borð sjúkraþjálfara
og lækna eru mun algengari hjá
konum en körlum. Það er vegna
þess að líkami kvenna er flóknari
að þessu leyti en líkami karla og
er til að konur geti gengið með
börn. Því má þó ekki gleyma að
þegar kemur að almennum hreyf-
ingum og vöðvavinnu á þessu
svæði þá eru kynin ekki svo ólík.
Á meðgöngu reynir mikið á
mjaðmagrindina hjá konum.
Áhrif hormónsins relaxin sem,
eins og nafn þess gefur til kynna,
slakar á liðböndum mjaðma-
grindarinnar til að hún geti gefið
eftir og stækkað eftir því sem
barnið vex, valda því stundum að
konur fá verki í mjaðmagrindina
á meðgöngu. Nokkuð algengt
er að konur finni fyrir einhverj-
um einkennum í mjaðmagrind
á meðgöngu en það er þó ekki
algilt. Það sem skiptir mestu
máli er góð líkamsstaða, rétt
líkamsbeiting og hófleg þjálfun
líkamans eftir ástandi hverrar
konu fyrir sig. Aðrir þættir skipta
þó einnig miklu máli eins og til
dæmis hvernig vinnu viðkomandi
vinnur, það er að segja er mikið
um líkamlegt eða einhæft álag í
vinnu svo sem kyrrseta og fleira.
Til þess að bregðast rétt við er
nauðsynlegt að fá rétta fræðslu
og leiðbeiningar hjá sjúkraþjálf-
ara sem þekkir til. Stundum vill
svo verða að konur fá grindarlos
eða jafnvel grindargliðnun en
þá er mun meiri óstöðugleiki í
einhverjum af þremur aðalliða-
mótum mjaðmargrindarinnar
(spjaldliðunum tveimur eða líf-
beini) og jafnvel í öllum þremur.
Þegar það verður þarf konan
að fara sér mun hægar og vera
undir eftirliti eða í meðferð hjá
sjúkraþjálfara á meðgöngunni.
Hér er sá listi ekki tæmdur um
sértækari vandamál sem konur
geta upplifað í mjaðmagrindinni
á meðgöngu.
Sú umræða hefur oft komið
upp síðustu ár hvers vegna verkir
í mjaðmagrind og vandamál
tengd meðgöngu virðast mun
algengari í dag en þau voru hjá
kynslóðunum á undan. Ýmsar
kenningar eru á lofti en þó er
ekkert sannað í þeim málum.
Undirrituð hefur haft mikinn
áhuga á því síðustu árin að skoða
Mjaðmagrindin er miðja líkamans
Sólrún Sverrisdóttir, sjúkraþjálfari, Gáska sjúkraþjálfun.
hvort við getum komið í veg fyrir
eða minnkað þau vandamál sem
margar konur fást við eftir með-
göngu og fram eftir aldri. Þessi
vandamál eru meðal annars sig á
grindaholslíffærum (aðallega þá
þvagblöðru og legi) og aðrir kvillar
því tengdir. Ýmislegt hefur breyst
og batnað í fræðslu og upplýsinga-
flæði til kvenna á meðgöngu og
eftir hana og því er það áhugavert
að skoða hvort vinna megi á móti
þessum vandamálum með fræðslu,
skoðun og greiningu sjúkraþjálf-
ara sem sérhæfir sig á þessu sviði
í samvinnu við lækni. Ef gripið er
nógu snemma inn í þá má minnka
eða lækna hvimleið vandamál og
jafnvel koma í veg fyrir aðgerðir.
Það getur haft mikil áhrif á lífs-
gæði að vera með verki og því
ætti enginn að spara sér það að fá
faglegt mat og greiningu á sínum
vandamálum.
Ef gripið er nógu snemma
inn í þá má minnka eða
lækna hvimleið vandamál
og jafnvel koma í veg fyrir
aðgerðir.
Leitið upplýsinga á auglýsingadeild
Fréttatímans í síma 531 3310 eða á
valdimar@frettatiminn.is
Fréttatímanum er dreift á heimili á
höfuðborgar-svæðinu og Akureyri og í lausa-
dreifingu um allt land. Dreifing á bæklingum
og fylgiblöðum með Fréttatímanum er
hagkvæmur kostur.