Fréttatíminn - 17.02.2012, Blaðsíða 39

Fært til bókar
„Boddýbílar“ næst hjá Strætó?
Hópaferðafyrirtæki sem sinnt hafa strætis-
vagnaakstri fyrir Strætó bs. milli höfuð-
borgarsvæðisins og nálægra þéttbýlis-
staða, til dæmis Selfoss, Akraness og
Borgarness, hafa fram til þessa sinnt akstr-
inum á hópferðabílum þar sem sæti eru
fyrir alla farþega. Fyrir stuttu bauð Strætó
þessa akstursþjónustu út þar sem gert var
ráð fyrir að farþegar gætu staðið í vögn-
unum. Jafnframt var leiðakerfið útvíkkað
svo nú er hægt að fara standandi í strætó
frá Reykjavík allt til Hafnar í Hornafirði.
Margir hafa lýst áhyggjum vegna þessa,
meðal annars Umferðarstofa. Öryggisbelti
eru ekki í strætisvögnum eins og er í rútum
en áhyggjurnar beinast einkum að öryggi
standandi farþega á langleiðum þar sem
hraði er mun meiri en í strætisvögnum sem
aka innanbæjar en í þeim getur fólk staðið,
eins og kunnugt er. Talsmaður rútufyrir-
tækisins Allrahanda sagði á fésbókarsíðu
sinni, að því er Félag íslenskra bifreiða-
eigenda greinir frá, að að sérkennilegt
sé að sveitarfélögunum, sem eru að taka
yfir almenningssamgöngur af sérleyfis-
höfum, eigi að leyfast að ofurselja farþega
sína minna ferðaöryggi en þeir nutu hjá
sérleyfishöfunum, með því að leyfa að far-
þegar standi á utanbæjarleiðum þar sem
hámarkshraði er 90 km og umferð á móti.
Ríkisútvarpið hafði eftir Einari Magnúsi
Magnússyni hjá Umferðarstofu að með því
að hafa standandi farþega í strætisvagni á
fullri ferð úti á þjóðvegum sé verið að fara
út fyrir þau öryggismörk sem menn vilji
draga og þetta sé einfaldlega ekki í lagi.
Menn bíða nú eftir næsta leik Strætó sem
væntanlega verður að endurvekja „boddý-
bílana“ svokölluðu sem þjónuðu sem fólks-
flutningabílar á fyrstu árum bílaumferðar
hér á landi. Þá var einfaldlega smíðað hús
á vörubílspalla og fólki hrúgað í þau, líkt og
sláturfénaði, og síðan ekið af stað.
Umhverfisvæn sala í Kolaportinu
„Umhverfisvæn Tobba flýr Kópavog“.
Svo sagði í fyrirsögn Fréttablaðsins á
þriðjudaginn um brottflutning Þorbjargar
Marínósdóttur frá heimabæ sínum til
Reykjavíkur. Fram kom að hún hefði keypt
sína fyrstu íbúð með unnusta sínum, Karli
Sigurðssyni borgarfulltrúa, við Ránargötu.
Þetta er eins og gengur í lífi ungs fólks sem
stofnar heimili. Hingað til hafa það ekki
þótt sérstök tíðindi þótt fólk flytji sig yfir
bæjarmörk Reykjavíkur og Kópavogs enda
liggja þau saman á löngum köflum. Tobba
tók hins vegar fram að mikil tímamót væru
að kveðja Kópavog en bætti því við að hún
prísaði sig eiginlega sæla að vera að fara
því sama dag og hún hefði skrifað undir
kaupsamninginn hefði Gunnar Birgisson
komist aftur til valda. Tobba telur sinn
sveitarstjórnarmann vistvænni en gamla
Kópavogsharðjaxlinn og verður að fylgja
þeirri línu, fórna hælaskónum og kaupa
flatbotna í staðinn. Huggun er þó harmi
gegn að hún getur splæst í hvítvínsglas í
hópi vinkvenna án þess að hafa áhyggjur
af leigubílnum heim. Í lok viðtalsins kom
hins vegar í ljós að raunveruleg ástæða
viðtalsins var hvorki valdataka Gunnars né
vistvænn borgarfulltrúi nágrannasveitar-
félagsins heldur viðvera Tobbu í Kolaport-
inu síðar í þessum mánuði. Þar ætlar hún
að selja úr fataskápum sínum og losa um.
„Ekki veitir heldur af fjármagninu,“ segir
hún, „þegar maður er búinn að steypa sér
í skuldir.“
Laugardagur til lista
Laugardaginn 18. febrúar kl. 13.30 heldur Guðni Tómasson
listsagnfræðingur fyrirlestur í ráðstefnusal Arion banka,
Borgartúni 19. Fyrirlesturinn ber heitið Óróleikinn nær til
Íslands. Guðni mun fjalla um umbrot í þjóðlífi og myndlist
um miðja 20. öld.
Sýnd verða verk úr safneign Arion banka.
Laugardagur til lista. Allir velkomnir.
Helgin 17.-19. febrúar 2012