Fréttatíminn - 17.02.2012, Blaðsíða 20

H
ann er sigurvegari. Hann þolir ekki að tapa og stígur stundum yfir línuna vegna þess.“
Svona lýsir Rob Jans úrúgvæska framherjanum Luis Suarez en Jans er maðurinn sem
ber ábyrgð á því að Suarez kom til Evrópu á sínum tíma. Jans þjálfaði Groningen árið
2006 þegar Suarez var keyptur frá Nacional í heimalandinu. Og eins og Jans bendir rétti-
lega á þá stígur Suarez „stundum“ yfir línunni í viðleitni sinni til að vinna fótboltaleiki.
Hann er þekktur fyrir detta við minnstu snertingu andstæðingana. Hann varði boltann á línu með hendi
á lokasekúndum í leik Úrúgvæ og Gana í 8 liða úrslitum HM í Suður Afríku árið 2010, fékk rautt spjald
og fagnaði síðan eins og heimsmeistari þegar Asamoah Gyan brenndi af í vítaspyrnunni. Nokkrum
mánuðum síðar fékk hann, sem leikmaður Ajax, sjö leikja bann í Hollandi fyrir að klína kanínutönn-
unum í axlarblað Otmans Bakkal leikmanns PSV. Viðurnefnið „Mannætan í Ajax“ fæddist á forsíðu
stærsta dagblaðs Hollands.
Æskan enginn dans á rósum
Hann var fundinn sekur um kynþáttaníð gagnvart Patrice Evra í leik Liverpool og Manchester
United síðastliðið haust og uppskar átta leikja bann fyrir vikið. Í fyrsta leiknum eftir bannið
steig hann, að því að virtist viljandi, á Scott Parker, leikmann Tottenham, eftir að hafa reynt að
ná vinstra auganu úr augnstæði hans. Lokakaflinn var síðan skrifaður um síðustu helgi þegar
hann neitaði að taka í höndina á áðurnefndum Evra fyrir leik Manchester United og Liverpool.
Fyrir það uppskar hann reiði allra. Afsökunarbeiðni daginn eftir lægði aðeins öldurnar en ein-
hvern veginn er það svo að menn bíða eftir næsta útspili hans. Þegar Suarez er annars vegar
er orðið umdeildur vægt til orða tekið. Hjá honum eru engin mörk – þorstinn virðist bera
alla skynsemi ofurliði.
Æska Suarez var ekki dans á rósum. Hann er fæddur í bænum Salto við landamæri
Úrúgvæ og Argentínu en flutti með foreldrum sínum til höfuðborgarinnar Montevideo
þegar hann var sex ára. Þremur árum síðar var hann byrjaður að æfa með stærsta
félagsliði landsins, Nacional. Maðurinn sem fann hann, njósnarinn Wilson Pirez, var
aldrei í vafa um að Suarez yrði góður. „Hann var með ótrúlega hæfileika miðað við
aldur. Hann var yndislegur, vel uppalinn drengur. Það mátti sjá strax þá að hann yrði
frábær leikmaður,“ segir Pirez í samtali við Daily Mail.
Elti ástina til Evrópu
En draumurinn í Nacional var fljótur að breytast í martröð. Faðir hans yfirgaf fjöl-
Sigurviljinn ber
skynsemina ofurliði
NÝTT DOVE MEN+CARE
DOVE MEN+CARE inniheldur rakaeindir (micromoisture) sem hjálpa
húðinni að viðhalda eðlilegu rakastigi.
Í rakaeindunum eru olíur sem virka um leið og DOVE MEN+CARE
kemst í snertingu við húðina. Húðin verður ekki fitug viðkomu
heldur náttúrulega rök og mjúk.
LÁTTU ÞÉR LÍÐA VEL Í EIGIN SKINNI
20 fótbolti Helgin 17.-19. febrúar 2012
Úrúgvæinn Lúis Suarez er umdeildasti leikmaður ensku úrvalsdeildarinnar um þessar
mundir. Sá stimpill er ekki nýr fyrir hann en allur hans ferill litast af atvikum sem ættu
vart að vera vera á færi venjulegs manns að framkvæma. Fréttatíminn skoðaði sögu
þessa frábæra leikmanns sem gerir allt til sigra – allt.
Nafn: Luis Suarez
Fæðingarstaður: Salto í Úrúgvæ
Aldur: 25 ára
Hæð: 1,81 m
Félag: Liverpool
Ferill – leikir/mörk:
Nacional (Úrúgvæ) 27/10 (2005-2006)
Groningen (Hollandi) 29/10 (2006-2007)
Ajax (Hollandi) 110/81 (2007-2011)
Liverpool (Englandi) 33/10 (2011-)
Landsleikir/mörk: 52/26
skylduna og í kjölfarið hætti Suarez að æfa fótbolta. Að lokum byrjaði hann
aftur að æfa og þegar hann var fimmtán ára kynntist hann hinni þrettán
ára gömlu Sofiu Balbi. Hann varð fyrir sig ástfanginn og safnaði meðal
annars smápeningum til að eiga fyrir mat fyrir þau tvö. Það var mikið áfall
fyrir hann þegar hún flutti með fjölskyldu sinni til Barcelona ári seinna.
„Þegar Sofia fór til Spánar þá hætti ég aftur í fótbolta. Það sem skiptir
máli er að ég uppgötvaði, áður en það var of seint, að ég varð að helga mig
þessari yndislegu íþrótt,“ sagði Suarez í viðtali. Og nú hafði hann mark-
mið. Spila nógu vel til að komast til Evrópu og þar með nær Sofiu. Suarez
varð óstöðvandi og þótt tilviljun ein réði því að Groningen keypti hann,
þeir voru skoða annan leikmann. komst hann til Evrópu. Og sameinaðist
Sofiu sinni. Þau giftu sig árið 2009 og eiga eina dóttur. Þeir sem þekkja til
fjölskyldunnar segja að hún sé sú eina sem geti talaði hann til þegar á þarf
að halda.
Eftir eins árs dvöl hjá Groningen fór hann til Ajax þar sem hann fetaði
í fótspor manna eins og Marco Van Basten, Patrick Kluivert og Zlatan
Ibrahimovic – í hinni goðsagnakenndu treyju númer níu. Áttatíu og átta
mörk í hundrð og tíu leikjum segja sína sögu og hann varð einn af eftir-
sóttustu framherjum heims. Eftir heimsmeistarakeppnina í Suður-Afríku
vissu allir hver hann var og í janúar á síðasta ári borgaði Liverpool tæpa
fimm milljarða fyrir hann. Hæfileikarnir eru ótvíræðir en brestirnir líka.
Tíminn á eftir að leiða í ljós fyrir hvað hans verður minnst: Mörk og titla
eða blindan sigurþorsta og óheiðarleika.
Luis Suarez stendur á krossgöt-
um. Hann þarf að endurbyggja
ónýtt mannorð.
Ljósmynd/Nordic Photos/Getty Images
Slangur og svartir menn í Úrúgvæ
Samkvæmt Tim Vickery,
sérfræðingi BBC í suður-
amerísku knattspyrnunni,
geta Úrúgvæar ekki
talist til kynþáttahatara
og segir hann að fáir í
landinu skilji lætin vegna
þessa að Suarez kallaði
Evra „Negrito“ eða „litla
svertingjann. Hann bendir
á að fá lið hafi tekið svört-
um mönnum jafn opnum
örmum og Úrúgvæ. Þrátt
fyrir mótmæli andstæð-
inganna þá var svartur
leikmaður í liði Úrúgvæ
í fyrstu Copa America
árið 1916. Obdulio Varela,
fyrirliði heimsmeistara
Úrúgvæ árið 1950, gekk
undir viðurnefninu „El
Negro Jefe“ eða „svarti
stjórinn“. Maxi Pereira,
félagi Suarez í úrúgvæska
landsliðinu, er kallaður
„El Mono“ eða „apinn“.
Það er viðurnefni sem
hann fékk án þess að nein
móðgun taldist fylgja. Það
er því kannski ekki nema
von að Úrúgvæar skilji
lítið í látunum vegna orða
Suarez.
Óskar Hrafn
Þorvaldsson
oskar@
frettatiminn.is