Fréttatíminn - 20.04.2012, Blaðsíða 36

4 garðar Helgin 20.-22. apríl 2012
R
æktun sumarblóma, fjölæringa, runna
og jafnvel matjurta í blómakerum,
gerir innganginn heim að húsinu
hlýlegri og notalegra er að dvelja á
pallinum þar sem gróður í kerum
prýðir umhverfið. Ræktun í pottum og kerum
hefur vafist fyrir mörgum. Algengt er að of litlir
pottar séu valdir, en mun hærra og jafnara raka-
stig helst í stórum pottum. Vindþurrkun er mun
meiri en við gerum ráð fyrir, það rignir minna ofan
í pottana en við höldum og þannig er ekki óalgengt
að dýru plönturnar sem keyptar voru í pottana
drepist allar á meðan eigendurnir fóru í sumarfrí.
Leyndarmálið við ræktun í pottum og kerum er að
nota almennt mun stærri ker og potta og að nota
vatnskristalla í moldina, en með því móti er hægt
að komast af með að vökva sjaldnar og
meira í einu.
Hvað eru vatnskristallar?
Vatnskristallar eru náttúru-
legt vatnsbindiefni. Þegar
þeir eru þurrir minna þeir
eilítið á gróft matarsalt við
fyrstu sýn, en þegar þeir
mettast af vatni, margfalda
þeir stærð sína og bólgna út.
Plönturnar nýta síðan vatns-
forða kristallanna, þannig að þeir
rýrna aftur. Þannig hafa plönt-
urnar stöðugan aðgang að vatni,
en vatn er ein helsta næring allra
plantna. Hægt er að nota vatnskristall-
ana þurra og strá þeim í moldina undir
rót plöntunnar, hvort sem er í pottinn eða
í holuna í garðinum áður en gróðursett er.
Séu vatnskristallarnir notaðir þurrir, þarf að
fylgja þeim eftir með reglulegri vökvun fyrsta
hálfa mánuðinn á eftir eða á meðan kristallarnir
eru að þenjast út.
Besta virknin næst hins vegar með því að metta
kristallana af vatni áður en þeir eru notaðir, það
er setja um það bil 1 tsk. af kristöllum út í ½ lítir af
vatni og þá draga þeir í sig vatnið. Miðað við upp-
gefna skammtastærð á umbúðum er þetta magn
ætlað í um það bil 30 cm víðan blómapott. Reynslan
hefur kennt mér að nota vel fullan tappa af krist-
öllum í fulla skúringarfötu af heitu vatni. Þegar
vatnið er orðið kalt, er fatan orðin full af mettuðum
kristöllum sem eru tilbúnir til notkunar. Ástæðan
fyrir því að betra er að nota kristallana mettaða eru
helst tvær. Í fyrsta lagi koma þeir strax að fullum
notum og í öðru lagi er mun meiri hætta á ofnotk-
un á þurrum
kristöll-
um, þannig að þegar þeir mettast þá flæðir allt upp
úr pottunum þegar þeir bólgna út, þar sem ekki
var gert ráð fyrir rúmmálsaukningunni í upphafi.
Vatnsþörf plantna er ærið misjöfn eftir tegund-
um, staðsetningu og aðstæðum. Það hefur reynst
mér ágætlega að nota kristallana á drykkfelldustu
stofublómin og þeir eru ómissandi á öll sumarblóm
og í til ræktunar í kerum og pottum. Kristöllunum
er blandað saman við moldina við rætur plöntunn-
ar og ágætt er að blanda þörungaáburð í fljótandi
formi saman við kristallana. Þannig er hægt að
nota þá við gróðursetningu í einkagarða, sumar-
húsalóðir og hafa þeir jafnvel reynst vel undir
túnþökurnar.
Rétt notkun á kristöllum við
ýmsar aðstæður léttir garð-
yrkjumanninum
lífið á meðan
hann
skrepp-
ur í
frí og
gleð-
ur
drykk-
felldu
plönturnar
á heitum
sumardögum.
Valborg
Einarsdóttir
 Kristallar
Vatnskristallar auð velda ræktun í pottum
Rétt notkun á vatnskristöll-
um léttir garðyrkjumanninum
lífið á meðan hann skreppur
í fríið og gleður drykkfelldar
plöntur á heitum sumardögum.
Leyndarmálið
við ræktun
í pottum og
kerum er að
nota almennt
mun stærri
ker og potta
og að nota
vatnskristalla
í moldina,
en með því
móti er hægt
að komast af
með að vökva
sjaldnar og
meira í einu.