Fréttatíminn - 23.03.2012, Síða 40

40 framkvæmdir Helgin 23.-25. mars 2012
Að gefnu tilefni vegna umræðunnar
um siðferði í viðskiptum og pólitík
Stefnumótun
Að gera jörðina mennska
og að stuðla og hvetja til
mannræktar og samræmis
Markmið:
1. Að hvetja til gleði og kærleika
í matargerð neytandans
2. Að lúta lögmálum Náttúrunnar,
innræðum og útræðum
3. Að dafna og vaxa í sátt og
samvinnu við Guð og menn
4. Að sýna náungakærleik í
viðskiptum
Janúar 1996
Sigfríð Þórisdóttir
Frumkvöðull
Greiðslur í framkvæmdasjóð
Fyrirspurn hefur borist frá hús-
félagi í litlu fjöleignarhúsi sem
áætlar að koma á fót framkvæmda-
sjóði, en eigendur eru ekki á eitt
sáttir um það hversu mikið á að
greiða í sjóðinn. Spurt er hversu
háar fjárhæðir er eðlilegt að
innheimta í framkvæmdasjóð á
mánuði, og hvort rétt sé að miða
upphæðir við tiltekið hlutfall af
fasteignamati hússins?
Svar: Allur gangur er á því hversu
háar fjárhæðir eru innheimtar í
framkvæmdasjóð. Eðlilegt er að
hafa hliðsjón af ástandi hússins
þegar framkvæmdasjóðurinn er
stofnaður, en fjárhæðir greiðslna
eru almennt ótengdar fasteigna-
mati. Það er húsfundur sem hefur
síðasta orðið um fjárhæð greiðslna
í framkvæmdasjóð en gert er ráð
fyrir að ákvörðun þar að lútandi
sé tekin á aðalfundi húsfélagsins.
Aðalfund á alltaf að halda fyrir lok
aprílmánaðar ár hvert og getur
meirihluti viðstaddra eigenda á
fundinum (miðað við hlutfallstöl-
ur) ráðið því hversu háar greiðslur
í framkvæmdasjóðinn eiga að vera.
Undirbúningur fyrir
svalalokanir
Formaður húsfélags í stóru fjöl-
eignarhúsi hafði samband og sagði
frá því að undanfarið hefði mikið
verið rætt um það meðal eigenda
hússins að setja upp svalalokanir.
Spurt er hvernig best er fyrir
stjórn húsfélagsins að undirbúa
slíkar framkvæmdir og að hverju
þarf að huga?
Svar: Stjórnin þarf að byrja á að
boða og halda húsfund, þar sem
málið er tekið fyrir og rætt. Fyrsta
skrefið er að afla samþykkis meiri-
hluta á húsfundi fyrir því að hús-
félagið láti hanna og teikna svala-
lokanirnar upp. Þegar teikningar
liggja fyrir eru þær svo bornar
undir húsfund til samþykktar og
í kjölfarið þarf að sækja um bygg-
ingarleyfi.
Algengast er að lagt sé til að
hverjum og einum eiganda verði
heimilað að setja upp svalalokanir
á eigin kostnað á grundvelli sam-
þykktra teikninga. Sé þessi leið
farin þarf almennt samþykki 2/3
hluta eigenda á húsfundi, bæði
miðað við fjölda og eignarhluta,
að því gefnu að um sé að ræða
svokallaðar léttar svalalokanir.
Ef um er að ræða veigameiri og
varanlegri lokanir þarf hins vegar
samþykki allra eigenda. Þá þarf
jafnframt samþykki allra eigenda
hússins ef ætlunin er að húsfélagið
kaupi og setji upp svalalokanir á
allar svalir.
Eru raflagnir íbúða í fjölbýli
sameign?
Eigandi íbúðar í fjórbýli sendi inn
fyrirspurn vegna fyrirhugaðrar
endurnýjunar raflagna í íbúðinni.
Eigendur í húsinu eru ósammála
um það hvort endurnýjun lagn-
anna sé sameiginlegt mál allra eig-
enda eða sérmál hvers eignarhluta
fyrir sig. Spurt er hvort telst rétt?
Svar: Samkvæmt lögum um fjöl-
eignarhús eru jafnan líkur á því að
lagnir í fjöleignarhúsi séu í sam-
eign allra eigenda. Þetta á við um
raflagnir sem og aðrar lagnir, svo
sem fyrir heitt vatn, kalt vatn, frá-
rennsli, síma, dyrasíma og fleira.
Í undantekningartilvikum geta
lagnir tilheyrt sameign sumra eða
séreign, en þar sem sameign allra
er meginreglan samkvæmt fjöl-
eignarhúsalögunum þarf sá, sem
heldur því fram að tilteknar lagnir
séu í sameign sumra eða séreign,
að sýna fram á að svo sé, til dæmis
með vísan í þinglýst gögn sem
staðfesta það. Takist honum það
ekki verður almennt litið á lagn-
irnar sem sameign.
Nauðsynlegt er að bera tillögu um
endurnýjun lagna, ásamt tilboðum
í verkið, undir húsfund og afla
samþykkis fyrir verkinu áður en
hafist er handa við framkvæmdina.
Lekt þak í þríbýli og nágrannar
vilja ekki viðgerð
Spurning barst frá hjónum sem
eiga íbúð á efstu hæð í þríbýli.
Fyrir um tveimur árum síðan byrj-
aði þakið á húsinu að leka. Aðrir
eigendur hússins hafa ekki viljað
ráðast í viðgerðir í allan þennan
tíma vegna kostnaðarins sem
þeim fylgir og nú er svo komið að
fjölskyldan á efstu hæðinni getur
varla brugðið sér af bæ – ávallt
þarf einhver að vera heima þegar
von er á rigningu því annars er
viðbúið að vatn leki út um allt og
skemmi gólfefni og húsgögn. Þá er
auðvitað engin sérstök prýði af því
að hafa fötur og bala staðsetta um
alla íbúðina í langan tíma. Spurt
er hvað hægt er að gera þegar
meðeigendur fást ekki til að taka
þátt í nauðsynlegum viðgerðum á
sameign?
Svar: Meðal helstu skyldna eig-
enda í fjöleignarhúsum er skyldan
til þess að halda húsinu vel við og
stuðla þannig að því að hagnýting
þess sé ávallt með eðlilegum hætti
og að verðgildi eigna haldist. Eng-
inn eigandi á að þurfa að búa við
vatnsleka í lengri tíma.
Ef sameign eða séreignarhlutar
í húsinu liggja undir skemmdum
vegna vanrækslu á viðhaldi sam-
eignar, og húsfélagið eða aðrir
eigendur hafa ekki fengist til sam-
vinnu í því efni þrátt fyrir tilmæli
og áskoranir, getur einn eigandi
(eða fleiri) látið framkvæma nauð-
synlegar viðgerðir á sameigninni
á kostnað allra. Áður en hafist er
handa þarf þó að afla sönnunar á
nauðsyn viðgerðarinnar, áætluðum
kostnaði við hana, og að lokum
þarf að liggja fyrir að reynt hafi
verið til þrautar að afla samþykkis
fyrir henni á húsfundi.
Höfundur svara
Helga Þórhallsdóttir,
lögfræðingur hjá Húseigendafélaginu
 HúsHornið Sérfræðingar HúSeigendafélagSinS og Samtaka iðnaðarinS leySa vandann
Álitamál við viðhald húsa
Húshornið er helgað framkvæmdum og viðhaldi húsa. Þátturinn er einnig með útibú í Samfélaginu
í nærmynd á Rás eitt á þriðjudögum en í aðalhlutverkum á báðum stöðum eru vitringar frá Húseig-
endafélaginu og Samtökum iðnaðarins. Lesendum og hlustendum geta sent inn fyrirspurnir á net-
fangið: hushorn@huso.is og verður þeim svarað af sérfræðingunum.
HúSHornið snýr aftur í næsta blaði. Lesendur Fréttatímans geta sent
fyrirspurnir er varða framkvæmdir og viðhald húsa á netfangið hushorn@huso.is